完整藏文原文 · 德格版页 当前仅加载第 22 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་འབྱོར་དེ་བས་ན་གལ་ཏེ་རིགས་ཀྱི་བུ་འམ། རིགས་ཀྱི་བུ་མོས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཟླ་བ་གཅིག་གིས་བྲི་བར་བྱས་ན་ཡང་དེས་དེ་བཞིན་དུ་བྲི་བར་བྱའོ། །གལ་ཏེ་ཟླ་བ་གཉིས་སམ། གལ་ཏེ་ཟླ་བ་
D8.022.0054a01.01གསུམ་མམ། གལ་ཏེ་ཟླ་བ་བཞིའམ། གལ་ཏེ་ཟླ་བ་ལྔའམ། གལ་ཏེ་ཟླ་བ་དྲུག་གམ། གལ་ཏེ་ལོའི་བར་གྱིས་བྲི་བར་བྱས་ན་ཡང་དེ་བཞིན་དུ་བྲི་བར་བྱའོ། །གལ་ཏེ་ཟླ་བ་གཅིག་གིས་བསྟན་པ་དང་། ལུང་འབོག་པ་དང་། ཁ་ཏོན་བྱ་བ་དང་། ཚུལ་
D8.022.0054a02.01བཞིན་དུ་ཡིད་ལ་བྱ་བ་དང་། བསྒོམ་པར་བྱས་ན་ཡང་དེ་བཞིན་དུ་བསྒོམ་པར་བྱའོ། །གལ་ཏེ་ལོའི་བར་གྱིས་བསྒོམ་པར་བྱས་ན་ཡང་དེ་བཞིན་དུ་བསྒོམ་པར་བྱའོ། །དེ་ཅིའི་ཕྱིར་ཞེ་ན། རབ་འབྱོར་དེ་ནི་ནོར་བུ་རིན་པོ་ཆེ་ཆེན་པོ་ལ་བར་ཆད་མང་དུ་
D8.022.0054a03.01འབྱུང་ངོ་། །གསོལ་པ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཅི་ནས་ཀྱང་{མྱི་,མི་}བྲི་བ་དང་། {མྱི་,མི་}ཀླག་པ་དང་། {མྱི་,མི་}བསྟན་པ་དང་། ཁ་ཏོན་{མྱི་,མི་}བགྱི་བ་དང་། ཡིད་ལ་{མྱི་,མི་}བགྱི་བ་དང་། {མྱི་,མི་}བསྒོམ་པའི་སླད་དུ་བདུད་སྡིག་ཏོ་
D8.022.0054a04.01ཅན་དག་བར་ཆད་{མྱི་,མི་}བགྱིད་པ་ངོ་མཚར་ཆེའོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཅི་ནས་ཀྱང་{མྱི་,མི་}བྲི་བ་དང་། {མྱི་,མི་}ཀླག་པ་དང་། {མྱི་,མི་}བསྟན་པ་དང་། ཁ་ཏོན་{མྱི་,མི་}བྱ་བ་དང་། ཚུལ་
D8.022.0054a05.01བཞིན་དུ་ཡིད་ལ་{མྱི་,མི་}བྱ་བ་དང་། {མྱི་,མི་}བསྒོམ་པའི་ཕྱིར་བདུད་སྡིག་ཏོ་ཅན་བར་ཆད་{མྱི་,མི་}བྱེད་པ་ཡང་མ་ཡིན་མོད། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འདྲི་བ་དང་། ཀློག་པ་དང་། ཁ་ཏོན་བྱེད་པ་
D8.022.0054a06.01དང་། བསྒོམ་པ་རྣམས་ལ་བར་ཆད་བྱ་བར་{མྱི་,མི་}ནུས་སོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིའི་མཐུས་ན། བྱང་ཆུབ་སེམས་དཔའ་སེམས་དཔའ་ཆེན་པོས། ཤེས་རབ་
D8.022.0054a07.01