完整藏文原文 · 德格版页 当前仅加载第 86 函德格 319b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་རུ་བཞུགས། །མེ་ཡི་ཕྱོགས་ལ་བརྟེན་ནས་ནི། །རབ་ཏུ་འབད་པས་རྡོ་རྗེ་བྲི། །འབར་བའི་ཕྲེང་བ་འཇིགས་སུ་རུང་། །པདྨ་ལ་ནི་རབ་ཏུ་བཞུགས། །བློ་དང་ལྡན་པས་འོག་ཏུ་ནི། །ཁྲོ་བོའི་རྒྱལ་པོ་མངག་གཞུག་བྲི། །རྡོ་རྗེ་རྡོ་བའི་སྟེང་ན་གནས། །རྡོ་རྗེ་འབར་བས་
D495.086.0319b01.01ཡོངས་སུ་བསྐོར། །རླུང་གི་དཀྱིལ་འཁོར་དབུས་སོན་པར། །རྟག་ཏུ་འབར་བས་འཁྲིགས་པ་ཡི། །ཞགས་པའི་ཕྱག་རྒྱ་དེ་ལ་བྲི། །དེ་ནས་གཉིས་པའི་ཆ་ལ་ནི། །ཕོ་ཉ་མོ་ནི་ཀུན་ནས་བྲི། །བརྟན་པ་ཞེས་བྱའི་ཕོ་ཉ་མོ། །བྱང་ཕྱོགས་སུ་ནི་ཡང་དག་གནས། །
D495.086.0319b02.01ཆུ་ཡི་དཀྱིལ་འཁོར་ལ་བཞུགས་པར། །མཁའ་གསོད་མ་ནི་དེ་ལ་བྲི། །ལྷོ་ཡི་ཕྱོགས་སུ་རྣམ་འཇིགས་མ། །ཉི་མའི་དཀྱིལ་འཁོར་དབུས་ན་བཞུགས། །བགེགས་རྣམས་ཀུན་ནས་འཇིགས་པར་བྱེད། །འཇིག་པ་ཡི་ནི་མེ་ལྟར་འབར། །འཁོར་ལོ་རྡོ་བའི་སྟེང་དུ་བྲི། །
D495.086.0319b03.01དེ་ཡི་གཡོག་འཁོར་དག་གི་དོན། །རབ་ཏུ་འབད་དེ་བྲི་བར་བྱ། །མཁའ་གསོད་མ་ནི་སྣམ་བུ་ལ། །གཏུན་ཤིང་དང་ནི་ཐོ་བ་ཉིད། །རབ་ཏུ་འབད་པས་བྲི་བར་བྱ། །སླར་ཡང་ནུབ་ཕྱོགས་སུ་སོན་པར། །བཅོམ་ལྡན་མ་ནི་འཇིགས་པ་བྲི། །མཛོད་སྤུ་ཞེས་ནི་བཤད་པ་
D495.086.0319b04.01ཡི། །ཕྱག་རྒྱ་ཤར་གྱི་ཆ་ལ་བྲི། །ལྷ་མོ་པད་དཀར་སྟེང་ན་བཞུགས། །རིན་ཆེན་ཕྲེང་བས་རྣམ་པར་བརྒྱན། །དེ་ལྟར་ཀུན་ནས་ངེས་ལ་ནི། །སྔགས་པས་ཕྱག་རྒྱ་དགེ་བའི་ཚོགས། །རང་གི་ས་བོན་ངེས་སྦྱར་བས། །དཀྱིལ་འཁོར་མཆོག་གི་རྨད་དུ་བྱུང་། །སྔགས་
D495.086.0319b05.01པས་འདི་ཀུན་ཆོ་ག་བཞིན། །དྲི་དང་མེ་ཏོག་སོགས་དགྱེས་མཆོད། །དེ་ནས་ཕྱག་ན་རྡོ་རྗེས་བྱིན་གྱིས་བརླབ་པའི་སྔགས་གསུངས་པ། །ལག་པ་ཐལ་མོ་སྦྱར་ནས་ནི། །སོར་མོ་གུང་གི་ནང་ཉིད་དུ། །དཔལ་ལྡན་ཕྱག་རྒྱ་འདི་འཆང་བ། །པདྨའི་མཛོད་ཅེས་མངོན་
D495.086.0319b06.01པར་བཤད། །སྐྱོབ་པ་ཐམས་ཅད་མངོན་སུམ་དུ། །དཀྱིལ་འཁོར་བྱིན་གྱིས་རློབ་པར་བྱེད། །སྔགས་ནི་འདིའོ། །ན་མཿསརྦྦ་ཏ་ཐཱ་ག་ཏེ་བྷྱཿ། སརྦྦ་སུ་ཁེ་བྷྱཿ། ཧཱུྃ་ཧཱུྃ། བཿབཿམྃ་མྃ་སྭཱ་ཧཱ། སྔགས་འདིས་ཕྱག་རྒྱ་དང་ལྡན་པར་སྤྱན་དྲང་བ་དང་། གཤེགས་སུ་
D495.086.0319b07.01