完整藏文原文 · 德格版页 当前仅加载第 86 函德格 314a 版页；藏文 NFD、目录标记与异常页序保留在来源切片中，重复版页行以稳定序号区分。
ཟུར་མིག་གིས་གཟིགས་པའི་ཕྱག་ན་རལ་གྲི་དང་ཞགས་པ་བསྣམས་པ། ཁྲོ་གཉེར་རིམ་པར་ལྡན་པའི་ཞལ་འཇིག་རྟེན་གསུམ་འཇིགས་པར་མཛད་པ་ངུར་སྨྲིག་མནབས་པ་བྲི་བར་བྱའོ། །དེ་ནས་རྒྱ་མཚོར་སོང་སྟེ་རས་བྲིས་བཀྲམ་ནས་ལུས་ལ་གོས་གཙང་མ་བགོས་ཏེ། དོགས་
D495.086.0314a01.01པ་མེད་ཅིང་ལྐུགས་པ་སློང་མོ་ཟ་བས་འབུམ་ཕྲག་ལྔ་བཟླའོ། །ཐ་མའི་ཉིན་ཞག་འདུག་ནས་ཙ་ན་ཀའི་ཡམ་ཤིང་གིས་ཁྲི་ཕྲག་གཅིག་སྦྱིན་སྲེག་བྱས་ན་མི་གཡོ་བ་མཐོང་ཞིང་དེ་བཞིན་གཤེགས་པ་ཡང་ཉེ་བར་སྤྱོད་ལ་ཏིང་ངེ་འཛིན་རྙེད་ནས་བྱང་ཆུབ་སེམས་དཔའི་ཏིང་ངེ་འཛིན་ཐོབ་པར་འགྱུར་རོ། །
D495.086.0314a02.01ཡང་ན་དུར་ཁྲོད་ཀྱི་རས་ལ་འཕགས་པ་མི་གཡོ་མགོན་པོ་བྲིས་ལ་བདག་ཉིད་ཀྱི་ཁྲག་གིས་སྤྱན་ཕྱེ་བ་བྲི་བར་བྱའོ། །སྒྲུབ་པ་པོ་ཤར་དུ་ཕྱོགས་ཏེ་ཕྱི་ནས་རས་བྲིས་ཁ་སྤྲོད་དུ་དགྲམ་སྟེ་དུས་གསུམ་དུ་ཁྲུས་བྱ་ཞིང་གོས་རློན་པ་བགོས་ཏེ་ལྐུགས་པས་འབུམ་ཕྲག་གསུམ་བཟླས་པར་བྱའོ། །མར་ངོའི་
D495.086.0314a03.01ཚེས་བརྒྱད་ཀྱི་ཞག་ལ་འདུག་སྟེ། འབྱུང་པོ་ཐམས་ཅད་ལ་ཤའི་གཏོར་མ་བྱིན་ནས་རོ་ཆེན་པོའི་སྟེང་དུ་ཁྲི་ཕྲག་གཅིག་བཟླས་པ་བྱའོ། །དེ་ནས་རོ་དེའི་ལུས་འགུལ་བར་འགྱུར་ཏེ། འཇིགས་པར་མི་བྱའོ། །དེ་ནས་ཁའི་ནང་དུ་པདྨ་ཁ་ཕྱེ་བའི་ལྟེ་བ་མཐོང་བར་འགྱུར་ཏེ་བླངས་ནས་བཟུང་བས་
D495.086.0314a04.01རིག་པ་འཛིན་པར་འགྱུར་ཞིང་ལྷའི་གཟུགས་ཀྱིས་ཚངས་པའི་འཇིག་རྟེན་དུ་སྤྱོད་དོ། །ཡང་ན་རས་བྲིས་ཀྱི་མདུན་དུ་ཟླ་བ་དྲུག་ཏུ་ཐུན་གསུམ་དུ་བཟླས་ཤིང་ཇི་ལྟར་འབྱོར་པའི་མཆོད་པ་བྱས་ནས་ཨ་ག་རུའི་བདུག་པས་བདུགས་ན་ཡུལ་གྱི་བདག་པོར་འགྱུར་རོ། །རྒྱལ་མཚན་ལ་སྟོང་ཕྲག་གཅིག་
D495.086.0314a05.01བསྔགས་ནས་དམག་གི་མངོན་དུ་བཟུང་ན་ཕ་རོལ་གྱི་དམག་ཚོགས་གཡུལ་ཉེས་པར་འགྱུར་རོ། །དམག་ཚོགས་རེངས་པར་འདོད་པས་སྐུ་ཆེན་པོ་སྐུ་མདོག་སེར་པོ་ཞལ་བཞི་ལ་ཕྱག་བཞི་པ་མདོག་མི་སྡུག་པ། མཆེ་བ་གཙིགས་ཤིང་འཇིགས་སུ་རུང་བ་འབར་བའི་ཕྲེང་བ་དཀྲིགས་པས་ཕ་
D495.086.0314a06.01རོལ་གྱི་དཔུང་བཟུང་བ་ལྟ་བུར་བསམ་པ་འམ། བྲིས་ནས་བསྟན་ན་ཕ་རོལ་གྱི་དམག་ཚོགས་རེངས་པར་འགྱུར་རོ། །རྩོད་པར་འདོད་པས་ཁྭ་དང་འུག་པའི་སྒྲོས་སྦྱིན་སྲེག་བྱས་ན་རྩོད་པ་འབྱུང་བར་འགྱུར་རོ། །དགྲ་བོ་མྱོས་པར་འདོད་པས་སྲེག་བླུགས་འབུམ་སྦྱིན་སྲེག་བྱའོ། །སྦྱིན་སྲེག་
D495.086.0314a07.01