完整藏文原文 · 德格版页 当前仅加载第 86 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
འཕང་བརྙེས་པ་ནི། །རང་གི་ལུས་ལ་སེམས་བཅུག་པས། །ངང་ཚུལ་བཟང་པོར་ཡང་དག་འབྱུང་། །སྡིག་པ་ཐམས་ཅད་རབ་ཏུ་ཞི། །བཅོམ་ལྡན་འདས་ནི་གཟིགས་པར་འགྱུར། །རིག་པར་གྱུར་པའི་སེམས་དང་ལྡན། །ཐམས་ཅད་རང་གི་སྲོག་དང་ལྡན། །རྫུ་
D495.086.0273a01.01འཕྲུལ་རྟུལ་ཕོད་པར་གྱུར་པ། །ཤིན་ཏུ་ངོ་མཚར་གོ་འཕང་འཐོབ། །དེ་ནི་རྒྱལ་མཆོག་སྤྱན་སྔར་གནས། །རང་གཞན་བརྟུལ་ཞུགས་བརྟན་འགྱུར་བ། །རིག་པ་འདི་ཡི་མཐུ་སྟོབས་ཀྱིས། །རང་གི་རྫུ་འཕྲུལ་གཡུལ་ལས་རྒྱལ། །ས་སྟེངས་ཕ་རོལ་གནོན་པ་འབྱུང་། །ཐམས་
D495.086.0273a02.01ཅད་དབང་ཕྱུག་གོ་འཕང་འཐོབ། །བདུད་ཀུན་གྱི་ནི་གཙོར་གྱུར་པ། །ས་སྟེངས་གྱུར་ཏོ་ཅོག་ཀུན་ནི། །འཇིགས་པ་ཐམས་ཅད་རྣམ་པར་བྲལ། །ངན་འགྲོ་ཞེས་ནི་གང་བཤད་པའི། །ཤིན་ཏུ་སྡུག་བསྔལ་གཏིང་གནས་ཏེ། །ངན་འགྲོ་ཐམས་ཅད་རྣམ་དྲལ་ནས། །བདེ་བ་ཡི་ནི་སྣོད་
D495.086.0273a03.01དུ་འགྱུར། །དམྱལ་བའི་མེ་ཞེས་བྱ་བ་ཡི། །ཤིན་ཏུ་བལྟ་དཀའ་འཇིགས་རུང་དེ། །དེ་ཚེ་ལྷག་པར་བསིལ་བར་འགྱུར། །སྟོན་ཀའི་ཟླ་བའི་ཆ་ལྟར་གནས། །གང་ཡང་དམྱལ་བ་ཞེས་བཤད་པ། །ཤིན་ཏུ་གྲང་བའི་མུན་ནག་འཁྲིགས། །དྲག་ཤུལ་མེ་ཆེན་འབར་བ་བཞིན། །དེ་
D495.086.0273a04.01དག་ཐམས་ཅད་དྲོ་བར་འགྱུར། །{ཡི་དགས་,ཡི་དྭགས་}ཞེས་བྱའི་སྡུག་བསྔལ་གང་། །ཤིན་ཏུ་མི་བཟད་འཇིགས་སུ་རུང་། །རིག་པ་འདི་ཡི་མཐུ་སྟོབས་ཀྱིས། །འདི་དག་ཐམས་ཅད་བྲལ་བར་འགྱུར། །གང་ཡང་འཁོར་དེ་ཐམས་ཅད་ནི། །སྡུག་བསྔལ་གྱིས་ནི་སེམས་གདུངས་པ། །བདེ་
D495.086.0273a05.01བ་ཐམས་ཅད་ཡང་དག་གཏད། །ཕན་ཚུན་དུ་ནི་དགའ་གཏམ་སྨྲ། །བགེགས་ཆེན་ལོག་པར་འདྲེན་པ་དང་། །གཞན་ཡང་སྲོག་ཆགས་གྱུར་པ་གཞན། །ས་སྟེངས་འབྱུང་པོ་རང་སེམས་གནས། །དེས་པར་གྱུར་ནས་འདི་རྣམས་ནི། །གཅིག་ལ་གཅིག་ནི་བལྟ་བར་འགྱུར། །
D495.086.0273a06.01བྱང་ཆུབ་སེམས་དཔའ་དཔའ་བོ་དང་། །ཚངས་པ་ལ་སོགས་རྫུ་འཕྲུལ་ཆེ། །རང་སེམས་མཛེས་པར་རྣལ་མར་ནི། །དེ་རྣམས་ཐམས་ཅད་བདེ་བ་འཐོབ། །ཕོ་ཉ་མངག་གཞུག་བཀའ་ཉན་རྩོལ། །འབྱུང་པོ་གདོན་དང་ཤ་ཟ་དང་། །ཐམས་ཅད་དབང་ཕྱུག་གོ་འཕང་འཐོབ། །
D495.086.0273a07.01