完整藏文原文 · 德格版页 当前仅加载第 86 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
ནས། །ཀུན་ནས་གྲུ་བཞི་པ་ཡིན་ཏེ། །ཁྲུ་དོ་པའམ་ཁྲུ་བཞི་པ། །དབུས་སུ་པདྨ་བྲི་བར་བྱ། །བར་དུ་རྡོ་རྗེ་རྣམ་འཕྲོ་བ། །རྡོ་རྗེའི་ཕྲེང་བས་ཁོར་ཡུག་ཏུ། །རྡོ་རྗེ་བཅིང་པས་བསྐོར་བར་བྱ། །དེ་ཡི་དཀྱིལ་དུ་བཞག་ནས་ནི། །འདིར་ནི་འབད་པས་དབང་བསྐུར་བྱ། །མི་གཡོ་
D495.086.0308a01.01བདག་ཉིད་ཆེན་པོ་ཡིས། །རལ་གྲིའི་ཕྱག་རྒྱ་དེ་ནས་བཅིང་། །སྙིང་ག་ནས་ནི་སྙིང་གར་སྦྱིན། །ཀུན་ནས་འབར་བའི་ཕྲེང་བ་ཅན། །བགེགས་རྣམས་ཀུན་ལས་རྣམ་གྲོལ་ནས། །རྡོ་རྗེ་འཛིན་པའི་དངོས་གྲུབ་འཐོབ། །སྡིག་པ་ཐམས་ཅད་རྣམ་པར་གྲོལ། །བགེགས་ནི་ཐམས་ཅད་རྣམ་པར་སྤངས། །
D495.086.0308a02.01ཆོས་ཀུན་ཡོན་ཏན་གྱིས་བརྒྱན་པ། །ཇི་བཞིན་འདོད་པའི་དངོས་གྲུབ་འཐོབ། །དེ་ནས་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བཤད་དུ་གསོལ། ཁྲོ་བོའི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱིས་བཀའ་བསྒོ་མཛད་པ་ཅན་མཐུ་སྟོབས་ཆེན་པོས་གསང་
D495.086.0308a03.01བའི་རྟོག་པ་གང་གིས་སྒྲུབ་པ་པོ་རྣམས་ལ་མ་འོངས་པའི་དུས་ན་དངོས་གྲུབ་འབྱུང་བར་འགྱུར་བ། སེམས་ཅན་མང་པོའི་དོན་དུ་ཕན་པ་དང་བདེ་བ་བྱེད་པར་འགྱུར་བ། བགེགས་ཐམས་ཅད་རྣམ་པར་སྤངས་པ་སྔགས་ཀྱང་འགྲུབ་པར་འགྱུར་བ་དེ་བཅོམ་ལྡན་འདས་བཤད་དུ་གསོལ། བདེ་བར་
D495.086.0308a04.01གཤེགས་པ་བཤད་དུ་གསོལ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་ལེགས་སོ་ལེགས་སོ། །ལག་ན་རྡོ་རྗེ་སླར་ཡང་ལེགས་སོ། །ཁྱོད་ཀྱིས་སེམས་ཅན་ཐམས་ཅད་ལ་ཕན་ཞིང་བདེ་བའི་ཕྱིར་དང་། མ་འོངས་པའི་
D495.086.0308a05.01སེམས་ཅན་གྱི་དོན་གྱི་ཕྱིར་ཁྲོ་བོའི་རྒྱལ་པོ་ཆེན་པོ་ཐམས་ཅད་དུ་ཐོགས་པ་མེད་པ། རྟུལ་ཕོད་པ་དེ་བཞིན་གཤེགས་པ་ཐམས་ཅད་ཀྱིས་རྗེས་སུ་གནང་བ། ལས་ཐམས་ཅད་བྱེད་པར་ནུས་པ། དངོས་གྲུབ་སྒྲུབ་པར་བྱེད་པ་ཡོངས་སུ་འདྲི་བར་བྱེད་པ་ལེགས་པར་ཉོན་ལ་ཡིད་ལ་ཟུང་ཤིག་དང་
D495.086.0308a06.01ང་ཡིས་བཤད་དོ། །དེ་ལ་ལག་ན་རྡོ་རྗེ་སློབ་དཔོན་དེ་བཞིན་གཤེགས་པའི་གོ་འཕང་ལ་གནས་པས་ཁྲོ་བོ་ཆེན་པོའི་དཀྱིལ་འཁོར་ཆེན་པོ་བྲི་བར་བྱ་སྟེ། གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །དེ་ལ་བཅོམ་ལྡན་དཔའ་བོ་ཆེ། །ཆོས་ནི་ཐམས་ཅད་ཡང་དག་ལྡན། །
D495.086.0308a07.01