完整藏文原文 · 德格版页 当前仅加载第 86 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
མི་སླུ་བ་ནི་ཉིད་ཡིན་ནོ། །དེ་ཕྱིར་འདི་ནི་མི་གཡོ་བས། །མི་གཡོ་བ་ཞེས་མངོན་པར་བརྗོད། །མི་གཡོ་བ་ཡི་ས་ཐོབ་པ། །བསམ་གཏན་རྩེ་གཅིག་བློ་ཡིས་གནས། །ཉན་ཐོས་ས་ལ་སོགས་པ་ཡི། །བདུད་རྣམས་ཀུན་གྱིས་མི་གཡོ་བ། །དེ་ནས་མགོན་པོས་མཚན་གསོལ་ཏོ། །
D495.086.0270b01.01རྫོགས་པའི་སངས་རྒྱས་རྐང་གཉིས་མཆོག །བྱང་ཆུབ་སེམས་དཔའ་དཔའ་བོ་རྣམས། །འདི་ནི་དོན་ཀུན་འགྲུབ་པར་བྱེད། །གང་ཡང་འདས་པའི་སངས་རྒྱས་དང་། །གང་ཡང་དེ་བཞིན་མ་བྱོན་པ། །མགོན་པོ་ད་ལྟར་བཞུགས་པ་གང་། །འགྲོ་ལ་ཕན་ཕྱིར་ཆོ་ག་ནི། །དེ་དག་
D495.086.0270b02.01ཀུན་གྱིས་འདི་གསུངས་པ། །སངས་རྒྱས་སྤྱན་ཞེས་བྱ་བར་བཤད། །སེམས་ཅན་ཁམས་ནི་ཐམས་ཅད་ཀྱི། །བསྟན་པ་གང་ཡིན་བསྲུང་བར་མཛད། །སངས་རྒྱས་ཀུན་གྱི་སྤྲུལ་པ་གང་། །བྱང་ཆུབ་སེམས་དཔའ་མཐུ་ཆེན་གྱིས། །གང་ཡང་གསང་སྔགས་གྲངས་མེད་པ། །
D495.086.0270b03.01སེམས་ཅན་ཕན་འདོགས་བཞུགས་པར་གསུངས། །ལག་ན་རྡོ་རྗེ་བློ་ལྡན་པ། །འདི་དག་ཐམས་ཅད་ཡང་དག་བཤད། །མི་གང་སྡིག་པས་བསྒྲིབས་མེད་ཀྱི། །སེམས་ཅན་སྣང་བ་སྐྱེད་པར་བྱེད། །མི་ཕྱེད་པ་ཡི་ཞགས་པས་བཅིངས། །བླ་ན་མེད་པའི་གོ་འཕང་འགྱུར། །
D495.086.0270b04.01ཁྲོ་བོའི་རྒྱལ་པོ་བློ་དང་ལྡན། །སྔགས་པས་མ་བསྒྲུབས་པ་ཡང་འགྲུབ། །ཁྲོ་བོའི་རྒྱལ་པོའི་བྱིན་རླབས་ཀྱིས། །འདོད་པ་མ་ལུས་འགྲུབ་པར་འགྱུར། །དེ་ནས་ཐམས་ཅད་དང་ལྡན་པའི་འཁོར་དེ་དག་ངོ་མཚར་ཏེ། དགའ་ཞིང་མིག་རྒྱས་པས་མགྲིན་གཅིག་དང་ངག་གཅིག་
D495.086.0270b05.01ཏུ་ཚིག་སྙན་པོས་གསོལ་པ། ཨེ་མའོ་སངས་རྒྱས་ཐམས་ཅད་ནི། །ཐབས་དང་ཤེས་རབ་བསམ་དུ་མེད། །ཐུགས་རྗེར་གྱུར་པའི་ཐུགས་ཀྱིས་ནི། །མཚུངས་མེད་དམ་ཚིག་བཤད་དུ་གསོལ། །གང་ཡང་སེམས་ཅན་འཇིགས་པས་འཁྲིགས། །ས་སྟེངས་ཐམས་ཅད་
D495.086.0270b06.01འཇིགས་མེད་ཅིང་། །གང་གིས་གུས་ཆེན་རང་བཞིན་གྱིས། །དེ་ཡི་ངན་འགྲོ་སྟོངས་པར་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཁྲོ་བོའི་རྒྱལ་པོའི་དཀྱིལ་འཁོར་འདིར་
D495.086.0270b07.01