完整藏文原文 · 德格版页 当前仅加载第 86 函德格 319a 版页；藏文 NFD、目录标记与异常页序保留在来源切片中，重复版页行以稳定序号区分。
བརླག་པར་འགྱུར། །གཟའ་མཆོད་པ་རབ་འབྱམ་གྱི་རིམ་པར་ཕྱེ་བའོ།། །།མི་གཡོ་མགོན་པོ་ཞེས་བྱ་བ། །སེམས་ཅན་རྗེས་སུ་སྲུང་བར་བྱེད། །འཇམ་པའི་དཔལ་གྱི་དཀྱིལ་འཁོར་སྟོན། །དེ་ཚེ་དངོས་གྲུབ་མཛེས་པ་ཀུན། །རྡོ་རྗེ་
D495.086.0319a01.01རལ་གྲི་སོགས་དེ་བཞིན། །ཕྱིས་ཀྱི་དཀྱིལ་འཁོར་ནང་དུ་ནི། །སྔགས་པས་ཆོ་ག་བཞིན་དུ་བསྒྲུབ། །ལས་ཀྱི་ཆོ་ག་མཐོང་བ་ཡིས། །ས་གཞི་དག་པར་ཡང་དག་བལྟ། །སློབ་མ་རྣམས་ལ་ཕན་འདོད་པས། །འབད་པས་དཀྱིལ་འཁོར་ཀུན་དུ་བྲི། །ཀུན་ནས་ཁྲུ་
D495.086.0319a02.01ཚད་ལྔ་ཡིན་ཏེ། །ཁྱམས་ཀྱིས་སོ་སོར་རྣམ་པར་བརྒྱན། །རྟ་བབས་རྣམ་པར་བཙུགས་པ་ནི། །ནུབ་ཀྱི་སྒོ་ནི་བསྒོམ་པར་བྱ། །སྒོ་ཡི་ལས་ནི་འཇིགས་མེད་པར། །བྱང་ཕྱོགས་ཀྱི་ནི་རབ་ཏུ་བྱ། །གཞན་དུ་གང་ཞིག་རབ་བྱེད་ན། །རིང་པོར་མི་ཐོགས་ངེས་པར་བརླག །སྔར་
D495.086.0319a03.01གྱི་བཞིན་དུ་ཆོ་ག་ཡིས། །གྲུ་བཞི་རུ་ནི་ཐིག་གདབ་བྱ། །སྒོ་ཁྱུད་དང་ནི་ཁྱམས་དང་ལྡན། །སྣམ་བུས་ཀྱང་ནི་ཡང་དག་བརྒྱན། །དེ་ནས་སྔགས་པས་དབུས་ཀྱི་ཆར། །རལ་གྲིའི་ཕྱག་རྒྱ་གཟུགས་བཟང་ལྡན། །མེ་ཡི་དཀྱིལ་འཁོར་དབུས་སུ་ནི། །རིན་ཆེན་རྡོ་བར་ལེགས་པར་
D495.086.0319a04.01གནས། །འབར་བའི་ཕྲེང་བ་གཟི་བརྗིད་འཁྲིགས། །ཉི་མ་འཆར་ཀའི་འོད་དང་མཚུངས། །རང་གི་ས་བོན་ས་བོན་གྱིས། །རྫོགས་པའི་སངས་རྒྱས་བསྒོམ་བྱ་བྲི། །འདི་ནི་བྱིན་གྱིས་བརླབས་བའི་སྔགས། །ན་མཿསརྦྦ་ཏ་ཐཱ་ག་ཏེ་བྷྱཿ། སརྦྦ་བི་ཤྭ་མུ་ཁེ་བྷྱཿ། ཧེ་ཧེ་ཧེ། ཨཱ་ཛྙཱ་
D495.086.0319a05.01པ་རི་མཱརྒ་ཎ་ཨཱ་གཙྪ་བྷ་ག་བན་སཱི་གྷྲཾ་སྭཱ་ཧཱ། དེ་ཡི་བྱང་དུ་བྲི་བ་ནི། །བུམ་པ་རྡོ་རྗེ་མཚན་མ་ཅན། །ཞི་བ་འབར་བའི་ཕྲེང་བས་འཁྲིགས། །འཇིག་རྟེན་གཙོ་བོ་དེ་རང་བཞིན། །ལྷོ་ཡི་ཕྱོགས་སུ་མགོན་པོ་ཡིས། །རྡོ་རྗེ་འབད་པས་བྲི་བར་བྱ། །མེ་ཡི་དཀྱིལ་འཁོར་དབུས་སུ་ནི། །ཕྱག་
D495.086.0319a06.01ན་རྡོ་རྗེ་བློ་ལྡན་པས། །དབང་ལྡན་ཕྱོགས་ལ་བརྟེན་ནས་ནི། །མཛེས་པའི་གཟུགས་བརྙན་ཕྱག་རྒྱ་བྲི། །རིན་ཆེན་རྡོ་བར་བཞུགས་ཤིང་འབར། །ཡིད་བཞིན་ནོར་བུ་ཞེས་སུ་བཤད། །ཁྲོ་རྒྱལ་ཕྱག་རྒྱ་རྟུལ་ཕོད་རོལ། །སྟེང་དུ་པདྨ་བྲིས་ནས་ནི། །སངས་རྒྱས་ཐམས་ཅད་
D495.086.0319a07.01