完整藏文原文 · 德格版页 当前仅加载第 86 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །སྟེང་གི་ཕྱོགས་ཀྱི་ཆ་ཉིད་དུ། །བདག་ཉིད་ཆེན་པོ་སྐྱོན་བྲལ་བ། །དེ་དག་ཀུན་ལ་དཔའ་བོ་བཞུགས། །དབུས་སུ་གཅིག་པུ་བཞུགས་པར་འགྱུར། །སོ་སོར་བྱང་ཆུབ་ལ་བརྟེན་ནས། །ཤཱ་རིའི་བུ་ནི་བདག་ཉིད་ཆེ། །དེ་ནས་ཡེ་ཤེས་ནམ་མཁའ་མཁྱེན། །རྫུ་
D495.086.0277b01.01འཕྲུལ་ཡུལ་ནི་མཆོག་ཏུ་འགྱུར། །མཽད་གལ་བུ་ཡང་ཉིད་དང་ནི། །འོད་སྲུང་བདག་ཉིད་ཆེན་པོ་ནི། །རྒྱལ་མཆོག་དེ་ནས་ས་སྟེངས་སུ། །རྟ་ཐུལ་དང་ནི་བ་ལང་བདག །དྲག་ཤུལ་དབང་ཆེན་ཆངས་བུ་ཅན། །བ་ར་དྭ་ཛ་ཉིད་དང་ནི། །ཀུན་དགའ་བོ་ནི་དགའ་ཞེས་བཤད། །
D495.086.0277b02.01སྒྲ་གཅན་འཛིན་ཡང་རིམ་ཇི་བཞིན། །འདི་རུ་ཇི་བཞིན་བཀོད་ནས་གཞག །ལྷུང་བཟེད་ཆུ་སྐྱེས་རྣམ་པར་བརྒྱན། །ཕྱག་ན་རྡོ་རྗེ་སྲས་པོ་ཀུན། །དཔུང་{བཟངས་,བཟང་}ལ་སོགས་དེ་བཞིན་ཀུན། །ཕྱག་ན་རྡོ་རྗེ་ཉེ་བར་ནི། །དེ་རྣམས་ཇི་བཞིན་བཀོད་ནས་གཞག །དམ་ཆོས་སྲས་
D495.086.0277b03.01པོར་བཤད་པར་ནི། །གང་ཡང་འཇམ་དཔལ་ལ་སོགས་གཞན། །འཇམ་དབྱངས་དང་ནི་ཉེ་བར་དུ། །དེ་དག་ཐམས་ཅད་གཞག་པར་བྱ། །གང་ཡང་ཁྲོ་བོ་ཡང་དག་བཤད། །ཕྱག་ན་རྡོ་རྗེའི་རིགས་ལས་འབྱུང་། །ལྷོ་ཡི་ཕྱོགས་སུ་བརྟེན་ནས་སུ། །འདི་ནི་རིམ་པ་བཞིན་
D495.086.0277b04.01དུ་གཞག །རྡོ་རྗེ་དགྲ་སྟ་ཡང་དག་ལྡན། །རྡོ་རྗེ་ཐོ་བ་དེ་བཞིན་ནོ། །ཤིན་ཏུ་དྲག་ཤུལ་ཡང་དག་བཤད། །འབར་བའི་ཕྲེང་བའི་འོད་ཀྱིས་འཁྲིགས། །ཁྲོ་བོར་ཡང་དག་བཤད་པ་ནི། །རྟ་མགྲིན་ཤིན་ཏུ་མཐོང་བར་གནས། །ཁྲོ་གཉེར་ཅན་དང་ཡང་དག་རོལ། །སྒྲོལ་མར་
D495.086.0277b05.01གྲགས་པའང་རྙེད་པར་དཀའ། །རང་གི་ཕྱག་རྒྱ་མཚན་མར་ལྡན། །བརྩོན་པས་དེར་ཡང་བྲི་བར་བྱ། །སྒྲོལ་མ་ཁྲོ་གཉེར་ཅན་དག་བྲི། །རིག་མ་བཅོམ་ལྡན་མ་དེ་བཞིན། །མཱ་མ་ཀཱི་དང་ལྕགས་སྒྲོག་བཤད། །ནམ་མཁའ་སངས་རྒྱས་སྤྱན་དང་ནི། །རྨ་བྱ་འོད་ཟེར་ཅན་
D495.086.0277b06.01ཉིད་དང་། །དུག་སེལ་རི་ཁྲོད་ལོ་མ་ཅན། །རང་གི་ཕྱག་རྒྱ་མཚན་མར་ལྡན། །སྐལ་བ་ཆེན་པོ་དེ་ཡང་བྲི། །བྱང་གི་ཕྱོགས་ལ་བརྟེན་ནས་སུ། །ཤིན་ཏུ་རྫུ་འཕྲུལ་ཆེ་བར་བཞུགས། །ཕྱག་རྒྱ་གང་ཚེ་གཟུགས་ཅན་མ། །སྐུ་ལ་རྒྱན་གྱིས་རྣམ་པར་བརྒྱན། །ཕོ་ཉ་ཕོ་མོ་དེ་
D495.086.0277b07.01