完整藏文原文 · 德格版页 当前仅加载第 86 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་འཚེ་འགྱུར་ཞིང་། །ནད་རྣམས་མང་པོས་ཀུན་དུ་འཁྲིགས། །བུ་ཕྱུགས་གཉེན་དུ་བཅས་པ་ཡི། །རྒྱལ་པོའང་བརླག་པར་འགྱུར་བ་ཡིན། །རྒྱལ་པོ་གདུག་པའི་སེམས་ལྡན་པ། །སྔགས་པ་ལ་ནི་འཚེ་བ་ནི། །སྦྱོར་བ་འདི་ནི་རབ་བརྩམས་ནས། །སྔགས་
D495.086.0305a01.01པ་མོད་དུ་ཡང་དག་འགྱུར། །ཚ་བ་གསུམ་དང་ལན་ཚྭ་དུག །སྐྱེ་ཚེ་བསྲེགས་པ་ཉིད་དང་ནི། །ཚ་བ་ཚ་བའི་མར་དང་ཡང་། །རྒྱ་སྐྱེགས་ཁུ་བ་སྦྲུལ་གྱི་ཤུབས། །འདི་རྣམས་གཅིག་ཏུ་བྱས་ནས་སུ། །དེ་ཡི་ཚེ་ན་གཟུགས་བརྙན་བྱ། །ཚ་བ་ཡིས་ནི་ཀུན་དུ་དགང་། །ཚ་བའི་མེ་ནི་ཡང་དག་
D495.086.0305a02.01ལྡན། །དེ་ཉིད་ལ་ནི་མིང་བྲིས་ནས། །མི་བཟད་མེ་ལ་བསྲེགས་གྱུར་ན། །དགྲ་བོ་དེ་ཡི་མོད་ལ་འཆི། །གང་ཚེ་སྔགས་པ་ལྟོས་མེད་ན། །གཞན་དུ་དུག་གི་མཚན་མ་དང་། །ཡང་ན་མི་བཟད་ཕོལ་མིག་དང་། །ནད་ཆེན་པོས་ནི་ཀུན་དུ་དཀྲིགས། །རིམས་དང་བརྒྱལ་ནད་འབྱུང་བར་འགྱུར། །
D495.086.0305a03.01མེས་བསྲེགས་ཆར་པ་ཆེན་པོ་འབབ། །དེ་ནས་རྡོ་རྗེ་ཐོགས་ནས་ཀྱང་། །ནད་ཆེན་རྟག་པའི་རིམས་ཀྱིས་ནི། །བུ་དང་ཕྱུགས་དང་གཉེན་དུ་བཅས། །ཐེ་ཚོམ་མེད་པར་འཆི་འགྱུར་ཏེ། །སྔགས་པ་ཞེ་བ་གནག་པས་སོ། །གང་ཚེ་སླར་ཡང་མཉེས་ནས་སུ། །ཐུགས་རྗེ་གཏད་པའི་སེམས་
D495.086.0305a04.01གྱུར་ན། །ནད་ཀུན་ལས་ནི་རྣམ་གྲོལ་བར། །ས་སྟེངས་དེ་མ་ཐག་ཏུ་འགྱུར། །གདུག་པའི་ལས་ནི་མདོར་བསྡུས་པ། །ངོ་མཚར་ཅན་འདི་ཡང་དག་གསུངས། །ས་སྟེངས་སྙིང་པོ་འདི་སྔགས་པའི། །མྱུར་བའི་ལས་ནི་ཡང་དག་བཤད། །ཏིང་འཛིན་ཡུལ་ནི་བསམ་མི་ཁྱབ། །
D495.086.0305a05.01རྫུ་འཕྲུལ་ཡུལ་ཡང་བསམ་མི་ཁྱབ། །ཕ་རོལ་གནོན་པའང་བསམ་མི་ཁྱབ། །རྫོགས་སངས་རྐང་གཉིས་དམ་པ་ཡིས། །ཀུན་ཀྱང་བསམ་གྱིས་མི་ཁྱབ་གསུངས། །ཡོན་ཏན་འདི་ནི་སུ་ཡིས་ནུས། །ཡོན་ཏན་རྨད་དུ་བྱུང་བ་སྟེ། །ཇི་སྲིད་སེམས་ནི་སྤྱོད་གྱུར་པ། །དེ་སྲིད་ལས་ནི་བསྡུས་
D495.086.0305a06.01པ་ཡིན། །བྱང་ཆུབ་སེམས་དཔའ་རྫུ་འཕྲུལ་ཆེ། །རྫོགས་སངས་རྒྱས་ཀྱིས་ཀུན་དུ་གསུངས། །ཞི་བ་དང་ནི་རྒྱས་པ་དང་། །དེ་བཞིན་དབང་དུ་བྱ་བའི་ལས། །རྒྱུད་གཞན་ལས་ཀྱང་གསུངས་པ་ཡི། །དེ་དག་ཐམས་ཅད་འདི་རུ་བྱེད། །ཇི་སྲིད་དེ་རུ་གསང་སྔགས་ནི། །ས་སྟེངས་
D495.086.0305a07.01