完整藏文原文 · 德格版页 当前仅加载第 86 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །སངས་རྒྱས་ཀུན་གྱི་སྤྱན་སྔར་ནི། །ས་སྟེངས་ཁྱོད་ཉིད་གཅིག་པུ་གནས། །འདས་དང་མ་བྱོན་པར་གྱུར་དང་། །འགྲོ་ལ་ཕན་ཕྱིར་བཞུགས་པ་རྣམས། །ཁ་ལོ་སྒྱུར་བ་ཁྱོད་གཅིག་པུ། །བླ་ན་མེད་པའི་གོ་འཕང་འཐོབ། །རྡོ་རྗེ་སེམས་དཔའ་བློ་ལྡན་
D495.086.0294a01.01པ། །སླར་ཡང་ཕྱག་རྒྱར་གཞག་པས་ཀྱང་། །དབང་ཆེན་ཐམས་ཅད་གཡོས་ནས་ནི། །ས་གཞི་རྣམ་པ་དྲུག་ཏུ་བསྐྱོད། །དེ་དག་ཐམས་ཅད་མངོན་གྱུར་ཏེ། །སངས་རྒྱས་དམ་ཆོས་བསམ་མེད་པས། །བསམ་གྱིས་མི་ཁྱབ་གོ་འཕང་འཐོབ། །ས་སྟེངས་རྡོ་རྗེ་སེམས་དཔའི་བདག །ནམ་
D495.086.0294a02.01མཁའ་མཛོད་ཀྱི་འོད་ཟེར་ཐོབ། །འཕགས་པ་ཆེན་པོ་རྨད་འབྱུང་ཆེ། །འཇིག་རྟེན་ཡང་དག་འབྱུང་འགྱུར་ཏེ། །ས་གཞི་སྙིང་པོ་འདི་རུ་ཡིན། །དེ་ནས་བཅོམ་ལྡན་རྒྱལ་གྱུར་པས། །ས་བཅུའི་བྱང་ཆུབ་སེམས་དཔའ་ལ། །བརྟན་དང་གཡོ་བའི་གསང་བ་རྣམས། །སྙན་པའི་གསུང་
D495.086.0294a03.01གིས་བཀའ་སྩལ་པ། །ཁྱོད་ནི་བདག་གིས་ཚིམ་པར་བྱ། །བདག་ཉིད་ཆེན་པོ་རྡོ་རྗེ་འཆང་། །རྟག་ཏུ་བག་ཡོད་པར་གྱུར་པས། །བདག་ཉིད་ཆེན་པོས་དེ་ཉིད་བྱ། །དེ་ནས་བཅོམ་ལྡན་འདས་ཞི་བ། །ཆོས་ཀྱི་དབྱིངས་ལ་མཆོག་ཏུ་གཞོལ། །ཆོས་ཉིད་གཅིག་པུ་ཐུགས་ཆུད་ནས། །
D495.086.0294a04.01ཀུན་མཁྱེན་ཅང་མི་གསུང་བར་འགྱུར། །དེ་ནས་འཁོར་རྣམས་ཐམས་ཅད་ཀྱིས། །ངོ་མཚར་པ་ཡི་ཚིག་གསོལ་པ། །སངས་རྒྱས་ཆེ་བ་བསམ་མི་ཁྱབ། །འཇིག་རྟེན་མགོན་པོས་བསྟན་པ་ཉིད། །དེང་ནས་བཟུང་སྟེ་བདག་ཅག་ཀུན། །རྟག་པ་གཅིག་པུ་མཐར་ཕྱིན་འགྱུར། །
D495.086.0294a05.01བདག་ཉིད་ཆེན་པོའི་རྡོ་རྗེ་ཅན། །བདེ་བར་གཤེགས་པས་གཏད་པར་འགྱུར། །འཁོར་རྣམས་ཤིན་ཏུ་དགའ་བ་ཡིས། །སྙན་པ་ཡི་ནི་ཚིག་གིས་སྨྲས། །སྐལ་བ་ཆེན་པོ་མཆོག་ཏུ་གྱུར། །ཅི་བགྱི་ཡི་ནི་བཀའ་བསྒོ་སྩལ། །དེ་ནས་དཔལ་ལྡན་རྡོ་རྗེ་འཆང་། །མེ་སྟག་འཕྲོ་
D495.086.0294a06.01བར་གྱུར་པ་ཡིས། །ཐུགས་རྗེར་ལྡན་པའི་ཤུགས་ཀྱིས་སུ། །འཁོར་རྣམས་ལ་ནི་བཀའ་སྩལ་པ། །ཁྲོ་རྒྱལ་རས་རིས་ཆོ་ག་ནི། །རྫུ་འཕྲུལ་ཆེན་པོ་དེ་ཉིད་ཉོན། །གང་ཞིག་སྔགས་ཀྱི་སྒོ་ནས་ནི། །བྱང་ཆུབ་སེམས་དཔའི་སྤྱད་པ་སྤྱོད། །སྔགས་ཀྱི་སྒྲུབ་ཐབས་ལས་
D495.086.0294a07.01