完整藏文原文 · 德格版页 当前仅加载第 86 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཐོབ་འཇིག་རྟེན་མགོན་པོས་ནི། །བྱང་ཆུབ་འདུས་མ་བྱས་པ་བརྙེས། །དེ་ནས་འོད་ཟེར་དེས་ཚིགས་སུ་བཅད་པ་འདི་ཐོས་ནས་སླར་ལོག་སྟེ་བཅོམ་ལྡན་འདས་ཀྱི་དཔལ་བེའུ་ཉིད་དུ་ཞུགས་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་དེ་
D495.086.0264a01.01རྣམས་རང་རང་གི་འཇིག་རྟེན་གྱི་ཁམས་ནས་ཁྲོ་བོའི་མཐུས། བཅོམ་ལྡན་འདས་ཤཱཀྱ་ཐུབ་པ་ག་ལ་བ་དེར་ལྷགས་སོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་རྣམས་ཀྱི་སེམས་རྩེ་གཅིག་པར་མཁྱེན་ནས་སླར་ཡང་རྡོ་རྗེ་བསྒྱིངས་པ་བསྲེགས་
D495.086.0264a02.01པའི་མེ་ལྕེ་ཀུན་དུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་སོ། །རབ་ཏུ་གཡོས་སོ། །ཀུན་ཏུ་རབ་ཏུ་གཡོས་སོ། །
D495.086.0264a03.01འགུལ། རབ་ཏུ་འགུལ། ཀུན་དུ་རབ་ཏུ་འགུལ། ལྡེག་རབ་ཏུ་ལྡེག །ཀུན་དུ་རབ་ཏུ་ལྡེག །འཁྲུགས། རབ་ཏུ་འཁྲུགས། ཀུན་དུ་རབ་ཏུ་འཁྲུགས། འུར་འུར། རབ་ཏུ་འུར་འུར། ཀུན་དུ་རབ་ཏུ་འུར་འུར། ཆེམ་ཆེམ། རབ་ཏུ་ཆེམ་ཆེམ། ཀུན་དུ་རབ་ཏུ་ཆེམ་ཆེམ།
D495.086.0264a04.01འཇིག་རྟེན་དུ་ཤིན་ཏུ་སྣང་བ་དཔག་ཏུ་མེད་པར་བྱུང་བར་གྱུར་ཏོ། །གཞན་ཡང་བསམ་གྱིས་མི་ཁྱབ་པའི་ཆོ་འཕྲུལ་མཐོང་ངོ་། །སྙོམས་པར་ཞུགས་པ་འདི་ནི་དེ་བཞིན་གཤེགས་པ་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པ། བདུད་ཐམས་ཅད་རབ་ཏུ་འཇོམས་
D495.086.0264a05.01པར་བྱེད་པ། སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པ། ཆོས་ཀྱི་དབྱིངས་གྲངས་མེད་པར་སེམས་ཅན་གྱི་ཁམས་རྣམ་པར་གྲོལ་བར་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྟོང་པ་ཉིད་ཀྱི་རང་བཞིན་གྱི་ཏིང་ངེ་འཛིན་རྣམ་པར་རྟོག་པ་མེད་
D495.086.0264a06.01པའི་ཡེ་ཤེས་ཀྱི་མེ་ཡང་དག་པར་བྱུང་བ། བྱང་ཆུབ་སེམས་དཔའ་ཐམས་ཅད་ཀྱི་བྱང་ཆུབ་ཀྱི་སྙིང་པོ་ཉེ་བར་སྟོན་པ། སྣ་ཚོགས་པའི་གསུང་གིས་འཁོར་ལོའི་དཀྱིལ་འཁོར་རབ་ཏུ་སྒྲུབ་པ། བྱང་ཆུབ་སེམས་དཔའ་རྣམས་ཀྱི་ཡབ། སེམས་ཅན་ཉོན་མོངས་པའི་མུན་
D495.086.0264a07.01