完整藏文原文 · 德格版页 当前仅加载第 86 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དུ་ནི་རབ་བརྗོད་དོ། །ཡང་དག་སྔགས་ཀྱིས་བསང་གཏོར་བྱ། །གདོང་ནི་རས་ཀྱིས་བཅིངས་ནས་སུ། །མགོ་བོ་ས་ལ་བཏུད་པར་བྱ། །དཀོན་མཆོག་གསུམ་ལ་སེམས་ཕྱོགས་ཏེ། །སྙིང་རྗེ་དང་ནི་ལྡན་པའི་སེམས། །སྐྱོབ་པ་ཐམས་ཅད་མངོན་སུམ་དུ། །གྱུར་
D495.086.0282a01.01པར་བསམས་ཏེ་གཞུག་པར་བྱ། །ཀུན་ཀྱང་དབང་ཕྱུག་གོ་འཕང་འཐོབ། །འཛིན་པ་ཐམས་ཅད་རྣམ་པར་སྤངས། །ཇི་བཞིན་འདོད་པའི་སངས་རྒྱས་ཀྱང་། །ཐེ་ཚོམ་མེད་པར་འབྱུང་བར་འགྱུར། །བླ་མ་ལ་ནི་ཡོན་ཕུལ་ནས། །དབང་བསྐུར་བར་ནི་གསོལ་བ་གདབ། །གུས་པར་གྱུར་པའི་
D495.086.0282a02.01རང་སྲོག་གིས། །བླ་མ་ལ་ནི་འདུད་པར་བྱ། །བླ་མ་ལ་ནི་དབུལ་བའི་ཡོན། །རང་གི་ལུས་ནི་སྙན་མནན་ནས། །བདག་ཉིད་དངོས་པོ་དབུལ་བར་བྱ། །གཞན་དུ་འབྲས་བུ་མེད་པར་འགྱུར། །རིན་ཆེན་གླང་པོ་རྟ་དང་ཕྱུགས། །གཞན་ཡང་ཡིད་ལ་གང་བཞེད་པ། །སློབ་མའི་བློ་བདག་
D495.086.0282a03.01གུས་པ་ཡིས། །དེ་དག་ཐམས་ཅད་དབུལ་བར་བྱ། །དེ་བཞིན་ན་བཟའ་རབ་ཏུ་དབུལ། །བླ་མ་གང་གིས་མཉེས་བྱས་ཤིང་། །བླ་མ་ལ་ནི་ཡོན་ཕུལ་བས། །བསམ་མི་ཁྱབ་པའི་འབྲས་བུ་གསུངས། །དེ་བས་རྣམ་པ་ཐམས་ཅད་ཀྱིས། །རྒྱལ་བ་སྐྱེས་མཆོག་འདི་མཆོད་བྱ། །
D495.086.0282a04.01རྫོགས་སངས་རྒྱས་སུ་དེ་འདིར་བཤད། །ས་བཅུའི་གནས་ཀྱི་དབང་ཕྱུག་དང་། །འཇིག་རྟེན་སྐྱོང་བ་ཐམས་ཅད་བཤད། །བརྒྱ་བྱིན་ལ་སོགས་བདུད་ཚོགས་བཞིན། །ཚངས་པ་ཁྱབ་འཇུག་དྲག་པོ་དང་། །ཀླུ་མོ་དུལ་བའི་སྲས་པོ་དང་། །གཟའ་དང་རྒྱུ་སྐར་ཚོགས་ཐམས་ཅད། །ཕུང་
D495.086.0282a05.01པོ་ཡང་ནི་རྫུ་འཕྲུལ་ཆེ། །ཟག་པ་ཟད་པ་བཤད་པ་དང་། །ཐམས་ཅད་དེ་ཉིད་དུ་བརྗོད་དོ། །དཔལ་ལྡན་གདུལ་དཀའ་འདུལ་མཛད་པ། །ཕྱག་ན་རྡོ་རྗེ་ས་སྟེངས་འདི། །དཔལ་ལྡན་བསྟན་པའི་དོན་མཛད་པ། །དམ་པའི་ལམ་གྱི་གདམས་ངག་ཅན། །རྫོགས་སངས་རྒྱས་ཀྱི་ཇི་
D495.086.0282a06.01བཞིན་སྐུ། །ཡོན་ཏན་ཀུན་གཅིག་ཡང་དག་བཤད། །སློབ་དཔོན་གྱི་ནི་ཡོན་ཏན་གཟུང་། །སྐྱོན་ནི་ནམ་ཡང་མ་ཡིན་ཏེ། །ཡོན་ཏན་བཟུང་བས་དངོས་གྲུབ་འཐོབ། །སྐྱོན་རྣམས་ཀྱིས་ནི་དངོས་གྲུབ་བརླག །དེ་ཡི་གྲིབ་མ་འགོམ་པ་ནི། །མཆོད་རྟེན་བཤིག་པ་ཞེས་སུ་བཤད། །
D495.086.0282a07.01