完整藏文原文 · 德格版页 当前仅加载第 86 函德格 302b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་། །ཕོལ་མིག་ཆེན་པོ་འབྱུང་བར་འགྱུར། །ས་གཞི་ཀུན་དུ་མྱོས་འགྱུར་བར། །དེ་མ་ཐག་ཏུ་འགྱུར་བ་ཡིན། །གསང་སྔགས་འཛིན་པ་མ་གཏོགས་པ། །ས་སྟེངས་གཞན་མ་སུ་ཡིས་ནུས། །འོ་མ་ཅན་ཤིང་ཡམ་ཤིང་དང་། །དཀར་གསུམ་སྦྱིན་སྲེག་བྱས་པ་ཡིས། །སྐྱེ་བོ་དེ་ནི་
D495.086.0302b01.01རྣལ་མར་འགྱུར། །སྔགས་པའི་བཀའ་དྲིན་བཟང་པོས་སོང་། །སྤངས་པ་རབ་ཏུ་བླངས་ནས་སུ། །མཁས་པས་ཁང་པ་སྟོང་པར་བྱ། །ནིམ་པའི་འདབ་མར་དགྲ་ཡི་མིང་། །ཐམས་ཅད་དུག་གིས་བྱུགས་ནས་སུ། །སླར་ཡང་རབ་ཏུ་བསྐམ་པར་བྱ། །ནིམ་པའི་འདབ་མར་དགྲ་ཡི་མིང་། །
D495.086.0302b02.01རང་གི་ཁྲག་གིས་བྲིས་ནས་སུ། །དེ་ཡི་ནང་དུ་བཅུག་ནས་སུ། །རྒྱུས་པས་རབ་ཏུ་བསྒྲིམ་པར་བྱ། །ཚ་བ་གསུམ་གྱིས་མེ་སྤར་ཏེ། །སྲེག་བླུགས་གསུམ་དུ་སྦྱིན་སྲེག་བྱ། །སྔགས་པས་འཇིག་རྟེན་གསུམ་བརླག་ན། །གདུག་པའི་ས་བདག་སྨོས་ཅི་དགོས། །གལ་ཏེ་ཞི་བར་བྱེད་འདོད་
D495.086.0302b03.01ན། །སྙིང་རྗེ་ཡིས་ནི་སེམས་བརླན་ཅིང་། །འོ་མ་ཅན་ཤིང་ཡམ་ཤིང་ནི། །འོ་མས་བཏགས་ནས་ཏིལ་དང་འབྲས། །སྲེག་བླུགས་བརྒྱ་རྩ་བདུན་བསྲེགས་ན། །དེ་མ་ཐག་ཏུ་ཞི་བར་འགྱུར། །བྱ་རྒོད་ཤ་དང་དེ་བཞིན་འུག །བྱི་ལ་ཡི་ནི་ཤ་རྣམས་དང་། །ནེའུ་ལེའི་སྤུ་ནི་བླངས་ནས་སུ། །
D495.086.0302b04.01སྤུན་པའི་མེ་ལ་བསྲེགས་གྱུར་ན། །སྲེག་བླུགས་གསུམ་ཙམ་ཉིད་ཀྱིས་སུ། །མྱུར་བ་ཉིད་དུ་དབྱེ་བར་འགྱུར། །བྱ་རྒོད་རུས་པ་སྦྲུལ་རུས་རྣམས། །མི་ཡི་ཁ་ཡི་རུས་པ་རྣམས། །འདི་རྣམས་སེར་རྩིར་གཏུབས་ནས་སུ། །ཁྱིམ་གྱི་དྲུང་དུ་སྦས་ནས་ནི། །གལ་ཏེ་བདེ་བྱེད་ཀྱིས་བསྲུངས་
D495.086.0302b05.01ཀྱང་། །དེ་མ་ཐག་ཏུ་དགྲ་བོ་བརླག །དུག་དང་བདག་ཉིད་ཁྲག་དང་ནི། །ལན་ཚྭ་ཚ་བ་གསུམ་དེ་བཞིན། །འདི་ཡིས་གཟུགས་བརྙན་བྱས་སུ། །དགྲ་བོའི་མིང་ནི་རབ་ཏུ་གཞུག །ནིམ་པའི་ཤིང་ལ་མེ་སྤར་ཏེ། །ཁྲོ་བོའི་མེ་ནི་ཡང་དག་མཆོད། །གང་དུ་ཅུང་ཟད་ཅི་ཡོད་པ། །སྲེག་
D495.086.0302b06.01བླུགས་གསུམ་ནི་བསྲེག་པར་བྱ། །སྲེག་བླུགས་གཅིག་ནི་བྱས་པ་ཡིས། །བདག་ཉིད་བུ་དང་ཆུང་མའོ། །གཉིས་ཀྱིས་རང་གི་གཉེན་ཚོགས་ཉིད། །གསུམ་པས་ཡུལ་འཁོར་བཞོན་དཔུང་བཅས། །རང་བྱུང་བས་ནི་བསྲུངས་གྱུར་ཀྱང་། །ཐལ་བ་ཉིད་དུ་རློག་པར་འགྱུར། །བདག་
D495.086.0302b07.01