完整藏文原文 · 德格版页 当前仅加载第 86 函德格 316a 版页；藏文 NFD、目录标记与异常页序保留在来源切片中，重复版页行以稳定序号区分。
པས་མི་བཟློག་པར་ཡལ་ག་དང་། རྩ་བ་དང་། འབྲས་བུ་ཟ་བ་འམ། ཆུ་དང་། རླུང་ཟ་བར་གྱུར་པའི་སྐྱེ་བོས་དབེན་པའི་གནས་སུ་བཟླས་པ་བྱའོ། །ཁྲོ་བོའི་རྒྱལ་པོ་དོན་ཡོད་ཅིང་ཐོགས་པ་མེད་པ་འདི་དཀོན་མཆོག་གསུམ་ལ་རྒྱབ་ཀྱིས་ཕྱོགས་པའི་སེམས་དང་ལྡན་པ་
D495.086.0316a01.01ང་རྒྱལ་ཆེ་བ་མངོན་པའི་ང་རྒྱལ་ཅན་གྱི་གདུག་པའི་སྲིན་པོ་ལ་སོགས་པ་སྦྱར་བར་བྱའོ། །ཕན་པའི་སེམས་ཀྱིས་བྱང་ཆུབ་མཆོག་ཏུ་སེམས་བསྐྱེད་པར་དད་པས་དཀོན་མཆོག་གསུམ་ལ་དང་བར་གྱུར་པར་བསྒྲུབ་པར་བྱའོ། །རྟོག་པ་གཞན་གྱི་ཆོ་གས་ཀྱང་དམན་པའི་སེམས་ཅན་སྡུག་བསྔལ་
D495.086.0316a02.01བ་རྣམས་ནི་སྦྱར་བར་མི་བྱའོ། །དཀོན་མཆོག་གསུམ་ལ་མོས་ཤིང་དད་པ་ལ་ཁྲོ་བོའི་རྒྱལ་པོ་ཆེན་པོ་སྦྱར་བར་བྱའོ། །མཚམས་མེད་པ་ལྔ་བྱེད་པས་ཀྱང་གདོན་མི་ཟ་བར་ཆོ་ག་ཇི་ལྟར་མངོན་པར་འདོད་པའི་དངོས་གྲུབ་ཐོབ་པོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་
D495.086.0316a03.01ནས་དཔལ་ལྡན་རྡོ་རྗེ་འཆང་། །ཐུགས་རྗེ་དང་ནི་ལྡན་པའི་ཐུགས། །སེམས་ཅན་ཁམས་ནི་མ་ལུས་པ། །འདི་ཀུན་རྣམ་པར་གཟིགས་ནས་སུ། །འགྲོ་ལ་ཕན་པ་མཛད་པ་ཅན། །སྙན་པ་ཡི་ནི་ཚིག་གིས་གསོལ། །བཅོམ་ལྡན་ཆོས་རྣམས་ཐམས་ཅད་ཀྱི། །ཁྱོད་ཉིད་གཅིག་པུ་དབང་ཕྱུག་གཙོ། །
D495.086.0316a04.01ཁྱོད་ཉིད་གཅིག་པུ་ཀུན་མཁྱེན་དེ། །ཐམས་ཅད་མཁྱེན་པའི་ནམ་མཁའ་ཅན། །ཁྱོད་ནི་སྐྱོབ་མེད་སེམས་ཅན་གྱི། །སྐྱོབ་པ་དཔུང་གཉེན་ཐམས་ཅད་ཡིན། །སེམས་ཅན་ཀུན་གྱི་ཁྱོད་གཅིག་པུ། །མཆོག་ཏུ་མཉེས་གཤིན་པ་ཡི་ཕ། །ཉོན་མོངས་ནད་རྣམས་གསོ་མཛད་པ། །སྨན་པའི་རྒྱལ་
D495.086.0316a05.01པོ་ཁྱོད་གཅིག་པུ། །ཁྱོད་ནི་སེམས་ཅན་ཐམས་ཅད་ཀྱི། །གཙོ་བོ་མཆོག་ཏུ་གཞོལ་བ་ཡིན། །བདག་ལ་འདིར་ནི་ཁྱོད་གཅིག་པུ། །གཙོ་བོ་བདག་ལ་གཞན་མ་མཆིས། །སེམས་ཅན་རྣམས་ལ་ཕན་འདོད་པས། །གང་ཞིག་བདག་ཉིད་ཁྱོད་ལ་ཞུ། །ཐུགས་རྗེ་དང་ནི་ལྡན་པའི་ཐུགས། །མགོན་
D495.086.0316a06.01པོ་དེ་ནི་བདག་ལ་གསུངས། །སེམས་ཅན་ཇི་ལྟར་བདེ་བར་འགྱུར། །ཇི་ལྟར་སྡུག་བསྔལ་རྟེན་ཅན་དུ། །གང་གིས་འདིར་ནི་གྱུར་པ་ཡིན། །དེ་རྣམས་བདག་ལ་གཙོ་བོས་གསུངས། །རྒྱལ་པོ་མི་རྒོད་ཆོམ་རྐུན་དང་། །དེ་བཞིན་དུ་ནི་མེ་དང་ཆུ། །ནད་དང་མུ་གེ་བདུད་རྣམས་དང་། །དེ་བཞིན་དུས་མིན་
D495.086.0316a07.01