完整藏文原文 · 德格版页 当前仅加载第 86 函德格 309a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་བཟླས་ནས་དེ་བཞིན་དུ་གསེར་རམ་དངུལ་ལམ་ཟངས་ཀྱི་རང་བཞིན་གྱི་ཞགས་པ་བྱས་ཏེ། མཚན་མ་ཤེས་ནས་དཀྱིལ་འཁོར་བྲིས་ཏེ་བསྒྲུབས་ན་དེ་བཞིན་དུ་རིག་པ་འཛིན་པར་འགྱུར་རོ། །རིག་པ་འཛིན་པའི་རྒྱལ་པོ་ཐམས་ཅད་ཀྱི་བསྐལ་པར་གནས་སོ། །
D495.086.0309a01.01དེ་ལྟར་རལ་གྲི་དང་། རྒྱལ་མཚན་དང་། ནོར་བུ་དང་། གིའུ་ཝང་དང་། གདུགས་དང་། ལྕགས་ཀྱུ་བསྒྲུབས་པར་གྱུར་ན་དེ་བཞིན་དུ་འགྲུབ་པོ། །དེ་ནས་རྒྱལ་པོ་དབང་དུ་བྱ་བར་འདོད་ན་ཀུ་ཤའི་རང་བཞིན་ལ་གཟུགས་བརྙན་བྱས་ནས་རྐང་པ་གཡོན་པས་མནན་ལ་ཇི་སྲིད་རྒྱལ་པོ་རང་
D495.086.0309a02.01ཉིད་འོངས་ནས་འཁོར་དང་བཅས་པ་དབང་དུ་འགྱུར་བ་དེ་སྲིད་དུ་བཟླས་པ་བྱའོ། །དེ་ནས་ལྷ་སྒྲུབ་པར་འདོད་ན་ཐང་ཤིང་གི་རང་བཞིན་གྱི་གཟུགས་བརྙན་བྱས་ལ་ཇི་སྲིད་དུ་ལྷ་འོངས་ཀྱི་བར་དེ་སྲིད་དུ་བཟླས་པ་བྱའོ། །འོངས་ནས་སྨྲ་བ་སྒྲུབ་པར་བྱེད་དེ་སྔགས་པ་གང་འདོད་པ་དེ་གནང་བར་སྟེར་རོ། །
D495.086.0309a03.01དེ་བཞིན་དུ་ཀླུ་སྒྲུབ་པར་འདོད་པས་ནཱ་ག་གེ་སར་གྱི་ཤིང་ལས་ཀླུའི་གཟུགས་བརྙན་བྱས་ནས་སྔར་གྱི་བཞིན་དུ་འབུམ་ཕྲག་གསུམ་བཟླས་ཏེ། ཇི་སྲིད་དུ་ཀླུ་ཐམས་ཅད་དབང་དུ་གྱུར་པ་དེ་སྲིད་དུ་བཟླས་པ་བྱའོ། །དེ་བཞིན་དུ་གནོད་སྦྱིན་སྒྲུབ་པར་འདོད་པས་གསེར་ལས་གནོད་སྦྱིན་གྱི་གཟུགས་
D495.086.0309a04.01བྱས་ལ་སྔར་བཞིན་དུ་འབུམ་ཕྲག་གསུམ་བཟླས་ཏེ་ཇི་སྲིད་དུ་གནོད་སྦྱིན་ཐམས་ཅད་འོངས་ཏེ་བཀའ་བསྒོ་སྒྲུབ་པར་བྱེད་པ་དེ་སྲིད་ཀྱི་བར་དུ་བཟླས་པ་བྱའོ། །དེ་ནས་དྲི་ཟ་སྒྲུབ་པར་འདོད་པས་འོད་མའི་རང་བཞིན་ལས་དྲི་ཟའི་གཟུགས་བརྙན་བྱས་ལ་སྔར་བཞིན་དུ་འབུམ་ཕྲག་གསུམ་བཟླས་ཏེ་ཇི་
D495.086.0309a05.01སྲིད་དུ་དྲི་ཟ་འོངས་ནས་སྨྲ་བར་འགྱུར་བ་དེ་སྲིད་ཀྱི་བར་དུ་བཟླས་པར་བྱའོ། །དེ་བཞིན་དུ་ནམ་མཁའ་ལྡིང་སྒྲུབ་པར་འདོད་པས་འཇིམ་པའི་རང་བཞིན་ལས་ནམ་མཁའ་ལྡིང་བྱས་ལ་སྔར་བཞིན་དུ་འབུམ་ཕྲག་གསུམ་བཟླས་ན་ནམ་མཁའ་ལྡིང་ཐམས་ཅད་བཀའ་སྩལ་པ་བཞིན་བྱེད་དོ། །དེ་ལྟར་
D495.086.0309a06.01སྲིན་པོ་སྒྲུབ་པར་འདོད་པས་དུར་ཁྲོད་ཀྱི་སོལ་བས་སྲིན་པོའི་གཟུགས་བྲིས་ལ་རྐང་པ་གཡོན་པས་མནན་ཏེ་ཇི་སྲིད་དུ་སྲིན་པོ་ཐམས་ཅད་སྨྲ་བ་སྒྲུབ་པར་བྱེད་པ་དེ་སྲིད་དུ་བཟླས་པ་བྱའོ། །དེ་ལྟར་སྐྱེས་པ་དང་བུད་མེད་རྣམས་ཀྱང་ཀུན་དུ་སྦྱར་ན་དེ་བཞིན་དུ་འགྲུབ་པོ། །དེ་ལྟར་ལག་ན་རྡོ་རྗེ་ཇི་ལྟ་ཇི་
D495.086.0309a07.01