完整藏文原文 · 德格版页 当前仅加载第 86 函德格 314b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པས་མི་གཡོ་བའི་མངག་གཞུག་པས་མགུལ་ནས་བཅིངས་ཏེ་ལྷོའི་ཕྱོགས་སུ་ཁྱེར་ནས་མྱོས་ཤིང་ཁྲག་ཏུ་སྐྱུག་ཅིང་སྐྲག་པར་དགྲའི་ལུས་བལྟས་པས་རིགས་རྒྱུད་དང་བཅས་པ་བརླག་པར་འགྱུར་རོ། །མིའི་རུས་པ་ལ་བརྒྱ་རྩ་བརྒྱད་མངོན་པར་སྔགས་ནས་བཏགས་ན་གང་གི་མིང་
D495.086.0314b01.01ནས་སྨོས་པ་དེའི་མོད་དུ་རིམས་ཀྱིས་བཏབ་པར་འགྱུར་རོ། །ནིམ་པའི་འབྲས་བུ་མར་ཁུས་བཏགས་ནས་སྦྱིན་སྲེག་བྱས་ན་ཉི་མ་གསུམ་གྱིས་དགྲ་བོ་བརླག་པར་འགྱུར་རོ། །ཚྭ་དང་འཇིམ་པས་དགྲ་བོའི་གཟུགས་བརྙན་བྱས་ལ་མྱོས་བྱེད་ཀྱི་ཚེར་མས་བཙུགས་ཏེ་གཏུབས་ཤིང་བཅད་པའི་
D495.086.0314b02.01སྦྱིན་སྲེག་བྱས་ན་དེ་མ་ཐག་ཏུ་བརླག་པར་འགྱུར་རོ། །དགྲ་བོའི་མིང་ནས་སྨོས་ཤིང་ས་ལ་མ་རི་ཞེས་བྱ་བ་བརྒྱ་རྩ་བརྒྱད་བསྲེགས་པས་དགྲ་བོ་དབུལ་བར་འགྱུར་རོ། །དབང་དུ་བྱ་བར་འདོད་ན་ལན་ཚྭའི་རང་བཞིན་གྱི་གཟུགས་བརྙན་བྱས་ཏེ་གཅད་ནས་སྦྱིན་སྲེག་བྱས་ན་སྐྱེས་བུ་ཆེན་པོ་
D495.086.0314b03.01ཉི་མ་བདུན་གྱིས་དབང་དུ་འགྱུར་རོ། །ཛཱ་ཏི་ཁ་འབུས་པའི་སྦྱིན་སྲེག་འབུམ་བྱས་ན་གནོད་སྦྱིན་མོ་དབང་དུ་འགྱུར་རོ། །འཕྲུལ་བྱེད་ཀྱི་འདབ་མས་སྦྱིན་སྲེག་བྱས་པས་སྨྱོ་བར་འགྱུར་རོ། །ལན་ཚྭའི་སྦྱིན་སྲེག་གིས་ལྷའི་བུ་མོ་ཡང་འགུགས་སོ། །གུ་གུལ་གྱི་སྦྱིན་སྲེག་གིས་རྒྱལ་
D495.086.0314b04.01པོ་ཐོབ་པར་འགྱུར་རོ། །རས་བྲིས་གཞན་གྱི་ཆོ་ག་འདི་ཡིན་ཏེ། དབུས་སུ་བཅོམ་ལྡན་འདས་ཤཱཀྱ་ཐུབ་པ་དེའི་གཡས་སུ་འཇམ་དཔལ་རྒྱན་ཐམས་ཅད་ཀྱིས་བརྒྱན་པ། གཡོན་དུ་རྡོ་རྗེ་འཛིན་པ་ཞལ་ཅུང་ཟད་འཛུམ་པ་ཕྱག་ན་རྡོ་རྗེ་བསྣམས་པ་བྲི་བར་བྱའོ། །དེའི་སྤྱན་སྔར་འབུམ་
D495.086.0314b05.01ཕྲག་ལྔ་བཟླས་པས་ལས་ཐམས་ཅད་བྱེད་ནུས་པར་འགྱུར་ཏེ། ཕ་རོལ་གྱི་དམག་ཚོགས་ལ་ནད་འབྱུང་བར་འགྱུར་རོ། །སྤྱན་གྱི་ཕྱག་རྒྱ་བཅིངས་ཏེ་ཁྲོས་པས་ཡི་གེ་ཧཱུྃ་ལ་སོགས་པའི་མཐའ་ཅན་གྱི་སྔགས་བཟླས་པས་དགྲ་བོ་གདོན་ཆེན་པོས་འཛིན་པ་འམ་ངེས་པར་བརླག་པར་
D495.086.0314b06.01འགྱུར་རོ། །དུར་ཁྲོད་ཀྱི་ཐལ་བ་ལ་ལན་འབུམ་བཟླས་ནས་གང་ལ་བྱིན་པ་དེ་བྲན་དུ་འགྱུར་རོ། །གིའུ་ཝང་ལ་ལན་བདུན་བཟླས་ནས་ཐིག་ལེ་བྱས་པས་སྐྱེ་བོ་ཐམས་ཅད་དགའ་བར་འགྱུར་ཞིང་མི་མཐོང་བར་འགྱུར་རོ། །བགེགས་ཐམས་ཅད་དང་ལོག་པར་འདྲེན་པ་ལ་སོགས་པ་
D495.086.0314b07.01