完整藏文原文 · 德格版页 当前仅加载第 86 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་བརླབས་ཀྱི་ཡིན་ནོ། །གཅིག་ཏུ་སེམས་ཅན་དོན་རབ་བརྩོན། །ས་གཞི་ལ་ནི་རྣམ་པར་བཞུགས། །སེམས་ཅན་རྣམས་ལ་ཕན་འདོད་པས། །སྤྲུལ་པ་རྣམས་ཀྱང་འགྱེད་པར་མཛད། །མཆོད་ཅིང་མཉེས་པར་རྟག་ཏུ་ནི། །རྒྱལ་བ་ཞིང་ན་ཡང་དག་
D495.086.0266a01.01བཞུགས། །ཇི་སྲིད་ཕྱོགས་རྣམས་གནས་ཀྱི་བར། །རྟག་པར་རྒྱུན་དུ་མཆོད་འགྱུར་བའི། །སངས་རྒྱས་ཀུན་ནི་མཉམ་པ་རུ། །བྱང་ཆུབ་ཅེས་བྱ་འདི་ལ་བཞུགས། །རང་བཞིན་མེད་པའི་ཆོས་རྣམས་ནི། །སྐྱེ་བ་དང་ནི་འགགས་པ་ཡིན། །ཐ་སྙད་ལ་ནི་བརྟེན་གནས་
D495.086.0266a02.01སུ། །གང་ཞིག་སྒྱུ་མ་བཞིན་དུ་གསུངས། །སྒྱུ་མ་སྟོང་པ་ཉིད་ཡིན་ལྟར། །ཆོས་རྣམས་མཚན་ཉིད་དེ་བཞིན་ནོ། །འོན་ཀྱང་གསང་བའི་བདག་པོ་བདག་གིས་བསྐལ་པ་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གྲངས་མེད་ཀྱི་བསྐལ་པ་སྙེད་དུ་སེམས་ཅན་སྣ་ཚོགས་ཀྱི་
D495.086.0266a03.01ལུས་བླངས་ནས་སྡུག་བསྔལ་སྤྱད་དེ་མགོ་དང་། ལག་པ་དང་། རྐང་པ་དང་། མིག་དང་། ཡན་ལག་གི་མཆོག་དང་། ཆུང་མ་དང་། བུ་དང་། བུ་མོ་དང་། གླང་པོ་དང་། གླང་དང་། ཤིང་རྟ་ལ་སོགས་པ་དང་། གཞན་ཡང་ཕྱི་རོལ་གྱི་དངོས་པོ་རྣམས་ཡོངས་སུ་བཏང་སྟེ། ཕ་རོལ་ཏུ་ཕྱིན་པ་
D495.086.0266a04.01དྲུག་ཡོངས་སུ་རྫོགས་ནས་བསམ་གྱིས་མི་ཁྱབ་པའི་འཇིག་རྟེན་གྱི་ཁམས་སྣ་ཚོགས་པ་རྣམས་ཀྱི་ཚུལ་གྱིས་བསམ་པ་སྣ་ཚོགས་དང་། འདོད་པ་སྣ་ཚོགས་པ་ལ་སྒྲ་དབྱངས་དང་། ཚིག་དང་། ཡི་གེ་བསྟན་ཅིང་སྤྱོད་ལམ་སྣ་ཚོགས་ཀྱི་མཚན་མའི་ཆ་བྱད་དང་། དབྱིབས་ཀྱི་
D495.086.0266a05.01ཁྱད་པར་ཅན་གྱིས་བདག་གིས་སེམས་ཅན་རྣམས་ཀྱི་དོན་བྱས་ཤིང་གང་བྱང་ཆུབ་ཀྱི་སྙིང་པོར་བདུད་བཞི་བཅོམ་པ་དེ་ཐམས་ཅད་གསང་སྔགས་ཀྱི་རྒྱལ་པོ་འདིའི་མཐུས་བྱས་སོ། །འདི་ནི་སངས་རྒྱས་རྣམས་འཕེལ་བར་བྱེད་པ་བདུད་ལས་ཀྱང་རྒྱལ་བར་བྱེད་པ་བསྟན་པ་ཐམས་
D495.086.0266a06.01ཅད་ཀྱི་དོན་ཡོད་པར་བྱེད་པ། གཞན་ཡང་སྣ་ཚོགས་མ་ལུས་པའི་བགེགས་ལས་ཀྱང་རྒྱལ་བར་བྱེད་པ་སྟེ། འདི་ལས་གཉིས་པ་གཞན་ཡོད་མིན། །སངས་རྒྱས་རྣམས་ཀྱིས་མི་འགྱུར་སྔགས། །དེ་བས་སྙིང་གར་གཞག་ནས་ཀྱང་། །ཅི་ལྟར་བདེ་བར་རྣམ་པར་གནས། །
D495.086.0266a07.01