完整藏文原文 · 德格版页 当前仅加载第 86 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་གསུངས་པ་ཡིན། །སེམས་ཅན་མེད་དེ་སྒྱུ་མ་བཞིན། །ཡིད་ཀྱིས་བསྒོམ་པར་བྱ་བ་ཡིན། །ལ་ལར་སྒྱུ་མ་ཅི་བཞིན་དུ། །རང་བཞིན་མེད་པར་ཡང་གྱུར་ཏེ། །སྟོང་ཉིད་དེ་ཡི་རང་བཞིན་དུ། །ཐ་སྙད་རྣམས་ནི་རྟོགས་པར་བྱ། །དེ་ལྟར་གསང་སྔགས་
D495.086.0265a01.01མགོན་པོ་འདི། །རང་བཞིན་མེད་པར་མཉམ་པར་མཛེས། །འདོད་པའི་དོན་རྣམས་སྩོལ་བ་ཡང་། །ཐམས་ཅད་ཀྱང་ནི་རྫོགས་པར་བྱེད། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་ལ་སོགས་པ་ཐམས་ཅད་དང་ལྡན་པའི་འཁོར་དང་། ཚངས་པ་དང་། དབང་
D495.086.0265a02.01པོ་ལ་སོགས་པ་རྣམས་ཤིན་ཏུ་ངོ་མཚར་རྨད་དུ་གྱུར་ཅིང་སྙིང་པོ་རྣམས་སྤངས་ཏེ། དེ་ཐམས་ཅད་བཅོམ་ལྡན་འདས་ཤཱཀྱ་ཐུབ་པ་ལ་བལྟས་ནས། ཚིག་འདི་དག་མགྲིན་གཅིག་གི་ངག་གིས་གསོལ་པ། བཅོམ་ལྡན་འདས་བདག་ཅག་གིས་སྔོན་ཆད་མ་ཐོས་པའི་ཆོས་ཀྱི་
D495.086.0265a03.01འཁོར་ལོ་འདི་བསྐོར་བ་བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་ཏོ། །བཅོམ་ལྡན་འདས་བདག་ཅག་མཆོག་ཏུ་བདེ་བ་དང་ལྡན་པར་འགྱུར་རོ། །བཅོམ་ལྡན་འདས་འདི་ནི་བསམ་གྱིས་མི་ཁྱབ་པ་ལགས་སོ། །བཅོམ་ལྡན་འདས་འདི་ནི་ཉན་ཐོས་
D495.086.0265a04.01ཐམས་ཅད་དང་། རང་སངས་རྒྱས་རྣམས་ཀྱི་སྤྱོད་ཡུལ་མ་ལགས་སོ། །བཅོམ་ལྡན་འདས་བདུད་སྡིག་ཏོ་ཅན་རྣམས་དང་། བགེགས་ཀྱི་གཟུགས་ཅན་ཐམས་ཅད་ཀྱིས་བགོམ་པར་མི་ནུས་ལགས་སོ། །བཅོམ་ལྡན་འདས་འདི་ནི་སེམས་ཅན་ཐམས་ཅད་ཀྱི་དོན་དམ་
D495.086.0265a05.01པའི་ཡིད་བཞིན་གྱི་ནོར་བུ་ལགས་སོ། །བཅོམ་ལྡན་འདས་འདི་ནི་མངོན་པར་འདོད་པའི་དོན་སྐོང་བ་ལགས་སོ། །བཅོམ་ལྡན་འདས་འདི་ནི་དེ་བཞིན་གཤེགས་པའི་བསྟན་པ་དང་། སེམས་ཅན་རྣམས་ཀྱི་སྲུང་མ་ལགས་སོ། །བཅོམ་ལྡན་འདས་འདི་ནི་སྲིན་པོ་དང་
D495.086.0265a06.01གྲུལ་བུམ་ལ་སོགས་པ་ཐམས་ཅད་ཀྱིས་འདའ་བར་མི་ནུས་པ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་བྱང་ཆུབ་སེམས་དཔའ་ཆེན་པོ་དེ་དག་དང་། ལྷ་ལ་སོགས་
D495.086.0265a07.01