完整藏文原文 · 德格版页 当前仅加载第 86 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
གུས་པར་འཛིན་པའི་སྔགས་པ་ནི། །གཙང་ཞིང་ངང་ཚུལ་རྣམ་པར་བརྒྱན། །བླ་མ་མཉེས་པར་ཡང་དག་བྱེད། །ཆོ་གའི་རིམ་པ་ཡོན་ཕུལ་བ། །གསང་སྔགས་གང་ཡང་རུང་གཟུང་ནས། །ཕྱག་རྒྱ་སྦྱིན་པ་ཡོངས་སུ་གཟུང་། །བླ་མ་ལ་ནི་རྗེས་གནང་ཐོབ། །
D495.086.0297a01.01ས་སྟེངས་སྒྲུབ་པ་བརྩོན་པར་བྱེད། །དུར་ཁྲོད་དང་ནི་རི་བོའི་རྩེ། །ལམ་གྱི་བཞི་མདོ་འམ་མཚན་མ་གཅིག །གང་དུ་ཡིད་ནི་ཉམས་དགའ་བའི། །གནས་དེ་ཉིད་དུ་བརྩམ་པར་བྱ། །སློང་མོ་གཅིག་པུའི་ཟས་ཟ་འམ། །ཡང་ན་རྩ་བ་འབྲས་སོགས་ཟ། །དབེན་ཞིང་ཅ་ཅོ་མེད་པའི་སར། །
D495.086.0297a02.01དེ་རུ་འབུམ་ཕྲག་གཅིག་བཟླས་བྱ། །འབུམ་ཕྲག་ཡོངས་སུ་རྫོགས་ནས་ནི། །ཨ་པ་མརྒའི་ཡམ་ཤིང་སོགས། །མངར་གསུམ་དང་ནི་ལྡན་པར་བསྲེག །འབུམ་ཕྲག་གཅིག་ཏུ་ཚང་བ་ན། །དེ་ནས་ཟླ་བ་ཉ་ཡི་ནི། །དུས་ཚིགས་ཀྱི་ནི་སྔོན་དུ་བསྡད། །སྒྲུབ་ཐབས་འདི་ནི་
D495.086.0297a03.01རྟོགས་པ་ཡིས། །བསྲུང་བའི་ཆོ་ག་ཚུལ་བཞིན་བྱ། །རལ་གྲི་ལ་སོགས་མཚོན་ཆ་གསུངས། །ཡང་ན་གང་ཡང་རུང་བ་གསུངས། །དེར་གནས་འདི་ནི་རབ་ཏུ་ཞུགས། །སྒྲུབ་པ་པོ་ཡི་གང་ཟག་བཞུགས། །ནམ་ཕྱེད་སྒྲ་ནི་བྱུང་བ་ན། །རས་བྲིས་མདུན་དུ་བཞུགས་སུ་གསོལ། །
D495.086.0297a04.01གསང་སྔགས་བཟླས་ཏེ་ཐུན་གཞག་ལ། །འདི་ནི་ནང་གི་རྣམ་དག་གནས། །དེ་ནས་དེ་ཡི་མཚན་མ་ནི། །དེར་ནི་དུ་མ་འབྱུང་བར་འགྱུར། །སྙན་པའི་རྔ་ཡི་སྒྲ་མང་ནི། །ཡང་ན་མེ་ཏོག་ཆར་དུ་འབབ། །གནས་སུ་ལྷ་ཡི་བུ་འོངས་ཏེ། །སྣ་ཚོགས་རྔ་ཡི་སྒྲ་དང་ཡང་། །མིའམ་
D495.086.0297a05.01ཅིས་ནི་རྣམ་བརྒྱན་པ། །གླུ་ནི་སྙན་པར་ལེན་པར་བྱེད། །ཚངས་དང་བརྒྱ་བྱིན་ལ་སོགས་ལྷ། །རྫུ་འཕྲུལ་ཆེན་པོ་དེར་འོངས་ནས། །མེ་ཏོག་གི་ནི་ཆར་ཡང་འབེབས། །འདུད་ཅིང་ཤིན་ཏུ་བཀའ་སྩོལ་ཞུ། །རིག་པ་འཛིན་པས་མེ་ཏོག་གི། །ཆར་པས་ས་སྟེངས་ཁེངས་པར་ཕབ། །
D495.086.0297a06.01སྣ་ཚོགས་རྔ་ཡི་སྒྲ་དང་ནི། །རབ་ཏུ་བདེ་ཞིང་ཡིད་འཕྲོག་པ། །ས་སྟེངས་དེ་རུ་ཀུན་ཁེངས་པར། །གླུ་སྙན་པ་ཡི་སྒྲ་ཡང་ལེན། །བྱང་ཆུབ་སེམས་དཔའ་ཆེན་པོའི་བདག །ས་བཅུའི་གནས་ཀྱི་དབང་ཕྱུག་རྣམས། །བྱང་ཆུབ་སེམས་དཔའ་བློ་ལྡན་པས། །ཐུགས་རྗེ་ཅན་བདག་
D495.086.0297a07.01