完整藏文原文 · 德格版页 当前仅加载第 86 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
ས་སྟེངས་ཤིན་ཏུ་གསང་བ་སྟེ། །སུ་ལའང་བསྟན་པར་མི་བྱའོ། །གང་གིས་ཁྲོ་བོ་འདི་མཐོང་བ། །མི་ཤེས་དྲན་པ་འཁྲུལ་བར་འགྱུར། །སྐྱེ་བོ་ནད་ཀྱིས་འཁྲིགས་ནས་ནི། །དེ་མ་ཐག་ཏུ་བརླག་པར་འགྱུར། །སྔགས་པ་དངོས་གྲུབ་འདོད་པ་ཡིས། །རྟག་ཏུ་བག་ཡོད་པར་གྱུར་
D495.086.0295b01.01པས། །སྔགས་པས་རྟག་ཏུ་རས་བྲིས་འདི། །རྟག་པར་རྒྱུན་དུ་བསྲུང་བར་བྱ། །སྔགས་ཀྱི་སློབ་དཔོན་དག་གིས་བཤད། །རྫོགས་པའི་སངས་རྒྱས་དཔའ་བོ་རྣམས། །འདི་རྣམས་བསམ་གྱིས་མི་ཁྱབ་པའི། །ཡོན་ཏན་རབ་ཏུ་སྒྲུབ་པར་བྱེད། །ས་སྟེངས་དཀྱིལ་འཁོར་རྩ་བའི་
D495.086.0295b02.01སྔགས། །ཡོན་ཏན་གནས་སུ་གྱུར་པ་ཡིས། །དེ་དག་ཐམས་ཅད་བསྒྲུབ་པར་བྱ། །གསང་སྔགས་མ་ལུས་བསམ་མི་ཁྱབ། །བསམ་གྱིས་མི་ཁྱབ་འབྲས་བུ་འབྱུང་། །གསང་སྔགས་སྐུ་ཆེན་ཁྲོ་བོ་འདི། །བཅོམ་ལྡན་ཐུབ་པ་ཞེས་ནི་བྱ། །ཁྲོ་བོའི་རྒྱལ་པོ་བློ་ལྡན་གྱིས། །
D495.086.0295b03.01གསང་སྔགས་འདི་ནི་བཀླགས་པས་འགྲུབ། །ཁྲོ་རྒྱལ་འདི་ནི་བསམ་མི་ཁྱབ། །སྔགས་ཀྱང་བསམ་གྱིས་མི་ཁྱབ་འདོད། །ཐམས་ཅད་བསམ་མེད་གོ་འཕང་འཐོབ། །བཀླགས་པས་འགྲུབ་པར་གསུངས་པ་ཡིས། །སྔགས་པ་བདག་གིས་མི་ནུས་སོ། །སྔགས་པ་བློ་དང་
D495.086.0295b04.01ལྡན་པ་ནི། །གལ་ཏེ་མཚམས་མེད་ལྔ་བྱས་ཀྱང་། །སྐྱེ་བོ་དེ་ཡི་བསམ་པ་ནི། །ཡོངས་སུ་རྫོགས་པར་བྱེད་པ་ཡིན། །དེ་བས་རྣམ་པ་ཐམས་ཅད་དུ། །སྔགས་འདི་འབྲས་བུ་བསམ་མེད་འབྱུང་། །རྟག་ཏུ་མངོན་པར་སྦྱངས་གྱུར་ན། །སྔགས་པའི་འབྲས་བུ་བསམ་མེད་འབྱུང་། །
D495.086.0295b05.01རས་བྲིས་གཉིས་པར་གྱུར་པ་ནི། །བཤད་ཀྱིས་ཕན་པའི་སེམས་ཀྱིས་ཉོན། །ཡོན་ཏན་རྒྱ་ཆེ་བསམ་མི་ཁྱབ། །རྫོགས་སངས་རྒྱས་ཀྱིས་ཡང་དག་གསུངས། །ངུར་སྨྲིག་རས་ནི་བླངས་ནས་སུ། །དྲི་ཡི་ཆུ་ཡིས་ཡོངས་སུ་དགང་། །ཚེས་གྲངས་མེད་ཅིང་རྒྱུ་སྐར་མེད། །གསོ་སྦྱོང་
D495.086.0295b06.01སྨྱུང་བ་ལ་སོགས་མེད། །རི་མོ་མཁན་བཟང་བཙལ་ནས་སུ། །མཁས་པས་རི་མོ་བྲི་བར་བྱ། །སངས་རྒྱས་མགོན་པོ་རྫོགས་སངས་རྒྱས། །ཏིང་ངེ་འཛིན་རྣམས་རིམ་བྲལ་བ། །འཁོར་ལོས་སྒྱུར་བར་གྱུར་པའི་སྐུ། །འོད་ཟེར་སྣ་ཚོགས་ཉམས་པའི་འོད། །བྱང་ཆུབ་དཔག་
D495.086.0295b07.01