完整藏文原文 · 德格版页 当前仅加载第 86 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བའི་མགོན་པོས་བསྲེག་པར་མཛོད། །སྙིང་པོ་མེད་པ་ལྟ་བུར་འགྱུར། །ཆུ་ཤིང་གི་ནི་སྡོང་པོ་བཞིན། །ཕྱེ་མ་ལེབ་བཞིན་སྐྱེ་བོ་རྣམས། །དྲག་ཏུ་བོད་པའི་ལུང་ཐོབ་པ། །བསྲེགས་ཀྱང་ཟུག་རྔུ་མི་འབྱུང་སྟེ། །དེ་བཞིན་འདིར་ནི་བྱིས་པ་རྣམས། །བགེགས་དང་ལོག་
D495.086.0272b01.01འདྲེན་ཐམས་ཅད་དང་། །གྲངས་མེད་བཅུ་ཡི་སྟོབས་ཀྱི་བདག །གསང་སྔགས་རྒྱལ་པོ་བརྗོད་པ་ཡིས། །དེ་དག་ཐམས་ཅད་ཐལ་བར་བརླག །དེ་བས་རྣམ་པ་ཐམས་ཅད་ཀྱིས། །བཅོམ་ལྡན་ཁྱོད་ལ་བདག་གསོལ་འདེབས། །ཁྱོད་ཀྱི་སྲས་པོ་བདག་མཉེས་གཤིན། །
D495.086.0272b02.01བདག་གི་དེ་ནི་གསན་པའི་རིགས། །དེ་ནས་བཅོམ་ལྡན་འདས་ཤཱཀྱ་ཐུབ་པ་ཐུགས་རྗེ་དང་ལྡན་པའི་ཐུགས་མངའ་བས་ཕྱག་ན་རྡོ་རྗེ་སེམས་ཅན་ལ་ཕན་པའི་ཕྱིར། ཐུབ་པ་མཆོག་གི་གཙོ་བོ་ལ། །གསོལ་བ་བཏབ་པའི་ཚིག་འདི་ནི། ཤིན་ཏུ་རྒྱ་ཚ་བུ་ལགས་སོ། །
D495.086.0272b03.01དེ་ནས་བཅོམ་ལྡན་འདས་ཀྱིས་དེའི་ཚེ་སེམས་ཅན་ཐམས་ཅད་ཀྱི་སྲོག་འབྱུང་ཞིང་ཡེ་ཤེས་འཁྲུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་ནས་རིག་པའི་རྒྱལ་མོ་འདི་སེམས་ཅན་ཐམས་ཅད་ལ་ཕན་པར་བྱེད་པ། འདུས་བྱས་ཐམས་
D495.086.0272b04.01ཅད་རབ་ཏུ་འགྱུར་བར་བྱེད་པ། འཇིགས་པ་ཐམས་ཅད་རབ་ཏུ་འཇིགས་པར་བྱེད་པ། དགྲ་ཐམས་ཅད་དང་མེ་དང་ཆུ་སེལ་བར་བྱེད་པ། སེམས་ཅན་ཐམས་ཅད་ཀྱི་དཔལ་ཕུན་སུམ་ཚོགས་ཤིང་སྐལ་བ་བཟང་པོ་ཐོབ་པར་བྱེད་པ། སངས་རྒྱས་དང་བྱང་ཆུབ་སེམས་དཔའ་
D495.086.0272b05.01ཐམས་ཅད་དང་། ཉན་ཐོས་དང་། རང་རྒྱལ་སྐྱེད་པར་བྱེད་པ། འཇིགས་པ་ཐམས་ཅད་སྲེག་པར་བྱེད་པ། རྣམ་པར་འཚེ་བ་ཐམས་ཅད་འཇོམས་པར་བྱེད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བཞེད་པ་གསུངས་པ། ན་མཿསརྦྦ་ཏ་ཐཱ་ག་ཏེ་བྷྱཿ། སརྦྦཱ་
D495.086.0272b06.01ཤ་པ་རི་པཱུ་ར་ཀེ་བྷྱཿ། སརྦྦ་ཐཱ། ཨོཾ་སརྦྦ་སྃ་སྐཱ་ར་པ་རིཥྐཱ་ར་བི་ཤུད་དྷ། དྷརྨྨ་ཏེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། དེ་ནས་འདི་གསུངས་པ་ཙམ་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུ་བདེ་བ་ཐམས་ཅད་གཏད་ཅིང་ཀུན་ནས་རྒྱལ་བ་དང་ལྡན་པ། དབང་ཕྱུག་གོ་
D495.086.0272b07.01