完整藏文原文 · 德格版页 当前仅加载第 86 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ། །རས་བྲིས་གཉིས་པར་ཚུལ་བཞིན་དུ། །ཇི་ལྟར་རིགས་པར་བྱ་བ་ཡིན། །རས་བྲིས་གཉིས་པ་འདི་ཡིས་ནི། །རྒྱལ་བས་སྒྲུབ་ཐབས་གང་གསུངས་པ། །གལ་ཏེ་ས་སྟེངས་སྒྲུབ་བྱེད་ན། །འདི་ནི་ཉིད་དུ་ཆོ་གས་བསྒྲུབ། །སྒྲུབ་ཐབས་ཆོ་ག་བསམ་མི་ཁྱབ། །འདི་ནི་བསམ་མི་ཁྱབ་
D495.086.0298b01.01པས་གསུངས། །འབྲས་བུ་བསམ་གྱིས་མི་ཁྱབ་པ། །རྫོགས་སངས་རྐང་གཉིས་མཆོག་གིས་གསུངས། །ཚེས་གྲངས་མེད་ཅིང་རྒྱུ་སྐར་མེད། །འདི་ལས་སྨྱུང་བར་གནས་པ་མེད། །ལྷག་མ་ལྷག་མ་མིན་ཡང་རུང་། །སླར་ཡང་འབད་པས་བསྒྲུབ་པར་བྱ། །འབུམ་ཕྲག་གཅིག་ནི་བཟླས་
D495.086.0298b02.01བརྗོད་ན། །མཚམས་མེད་ལྔ་བྱས་སྔགས་པས་ཀྱང་། །ལས་རྣམས་ཐམས་ཅད་ཀུན་ནས་སུ། །བདག་ཉིད་རྒྱལ་བའི་སྐྱེས་མཆོག་འགྱུར། །གསོ་སྤྱད་ལ་སོགས་དཱུར་བས་བྱས། །ཡང་ན་བརྗོད་དེ་བཏབ་པས་སོ། །རིམས་སོགས་ནད་ཀྱིས་བཏབ་པ་དང་། །གདུག་པ་རྣམས་གསོ་བྱེད་
D495.086.0298b03.01པ་དང་། །ནད་རྣམས་ཀུན་གྱིས་ཟིན་པ་དང་། །གཟའ་ཀུན་གྱིས་ནི་རབ་གཟིར་བ། །རས་བྲིས་སྤྱན་སྔར་རབ་གཞག་སྟེ། །ཁྲོ་བོའི་སྔགས་ཀྱིས་བསྔགས་པའོ། །བུམ་པ་ཆུ་ཡིས་ཡོངས་བཀང་ནས། །ནད་ཀྱིས་བཏབ་པའི་མི་ཁྲུས་བྱ། །མཆོག་ཏུ་བདེ་བ་སྦྱིན་པ་ན། །དེ་རྣམས་རྣལ་
D495.086.0298b04.01མར་སོས་པར་འགྱུར། །ས་སྟེངས་གདོན་གྱིས་ཟིན་པ་ཡི། །སྦྱིན་སྲེག་དག་ནི་ཡང་དག་གསུངས། །དཱུར་བ་མངར་གསུམ་གྱིས་བཏགས་པ། །གདོན་རྣམས་ཞི་ཕྱིར་སྦྱིན་སྲེག་བྱ། །སྲིན་པོ་ཡང་ནི་བཤད་པ་དང་། །མཁའ་འགྲོ་མ་དང་རྫུ་འཕྲུལ་ཆེ། །ཤ་ཟ་དང་ནི་གྲུལ་བུམ་དང་། །
D495.086.0298b05.01མ་མོ་རྫུ་འཕྲུལ་ཆེ་གསུངས་པ། །གཞན་ཡང་གདུག་པ་བྱེད་པ་ཡིས། །ས་སྟེངས་སེམས་ཅན་འཚེ་བྱེད་གང་། །དེ་རྣམས་གཞོམ་པར་བྱ་བའི་ཕྱིར། །ཁྲོ་བོའི་རྒྱལ་པོ་རབ་ཏུ་སྦྱར། །ནད་རྣམས་དང་ནི་གདོན་དག་ལ། །སྨན་གྱི་ཤིང་གི་ཡམ་ཤིང་ནི། །ཨ་རུ་སྐྱུ་རུ་ལ་སོགས་པས། །
D495.086.0298b06.01སྦྱིན་སྲེག་འདི་ནི་རབ་ཏུ་སྦྱར། །རྒྱལ་སྲིད་ཐོབ་པར་འདོད་པ་ཡིས། །ས་གཞི་སྟེང་ན་གནས་པ་གང་། །དེ་ཡི་ཆོ་ག་འདི་ནི་མཆོག །པདྨའི་ཆོ་ག་སྦྱིན་སྲེག་རིམ། །པདྨ་ཆུ་ལ་འབུམ་ཕྲག་གཅིག །མངར་གསུམ་གྱིས་བཏགས་འདོད་པ་ཡིས། །རས་བྲིས་སྤྱན་སྔར་སྦྱིན་སྲེག་བྱ། །རྒྱལ་པོ་
D495.086.0298b07.01