完整藏文原文 · 德格版页 当前仅加载第 86 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱ། །བྱིན་ནས་སྟེང་གི་སངས་རྒྱས་རྣམས། །ཐུགས་རྗེར་གྱུར་པའི་ཐུགས་མངའ་བ། །བལྟས་ནས་འཁོར་བའི་སྡུག་བསྔལ་ནི། །གཙོ་བོ་དེ་རུ་བལྟ་བར་བྱ། །དེ་ནས་ལག་པས་མེ་ཏོག་དང་། །བདུག་པ་བླངས་ནས་སྙིང་གར་གཞག །དེ་ལ་གསོལ་བ་གདབ་
D495.086.0280a01.01པར་བྱ། །ཐུགས་རྗེའི་རོ་གཅིག་ཏུ་གྱུར་པ། །འགྲོ་བ་ཕན་པར་མཛད་པ་ཡི། །ཇི་སྙེད་རྫོགས་སངས་རྒྱས་བཞུགས་པ། །དེ་སྙེད་བདག་གིས་འདོད་པ་ཡི། །འབྲས་བུ་ཡང་དག་ཐོབ་པར་མཛོད། །དེ་ལྟར་ཕྱོགས་རྣམས་ཐམས་ཅད་དུ། །རྒྱལ་བའི་གནས་སུ་གསོལ་བ་གདབ། །དེ་
D495.086.0280a02.01ནས་ཡང་དག་བསམ་བྱས་པའི། །རྗེས་སུ་རྒྱལ་བའི་སྲས་པོ་ཡང་། །ཡོན་ཆབ་ལ་སོགས་ཆོ་ག་ཡིས། །དྲི་དང་མེ་ཏོག་སོགས་སླར་ཡང་། །མངོན་སུམ་བཞིན་དུ་སྐྱོབ་བ་ནི། །མཉམ་གཞག་གྱུར་པས་མཆོད་པར་བྱ། །རང་གི་སྐུར་གྱུར་ཐམས་ཅད་ནི། །དེ་བཞིན་རང་གི་མཚོན་
D495.086.0280a03.01ཆར་ལྡན། །རང་གི་ཆ་བྱད་མཚོན་ཆར་ལྡན། །འཇིགས་པ་མེད་པར་བསམ་པར་བྱ། །འདི་དག་ཐམས་ཅད་མཆོད་སྦྱིན་ཕྱག །ཅོད་པན་མགོ་བོར་གནས་པར་བཤད། །བསམ་པ་ཐམས་ཅད་རྫོགས་མཛད་པ། །སྐལ་བ་ཆེན་པོ་བསམ་པར་བྱ། །དེ་ལྟར་དཀྱིལ་འཁོར་མགོན་པོ་
D495.086.0280a04.01ནི། །མཆོད་སྦྱིན་བདག་ཉིད་བསམ་པར་བྱ། །གཙོ་བོ་བསྟན་ལ་སྨན་མཛད་པ། །རྣམ་པ་ཀུན་དུ་བསམ་པར་བྱ། །དེ་ནས་མཁས་པས་མར་མེ་དང་། །མཆོད་ཡོན་ཞལ་བསིལ་ཤིན་ཏུ་མཛེས། །དྲི་དང་མེ་ཏོག་མར་མེ་དང་། །བདུག་པ་གཏོར་མ་དེ་བཞིན་དུ། །ཞལ་ཟས་དེ་ལ་
D495.086.0280a05.01དབུལ་བར་བྱ། །ཆན་དང་འོ་ཐུག་དེ་བཞིན་ནོ། །རས་ཀྱིས་མགྲིན་པ་བཅིངས་པ་ཡི། །བུམ་པ་བཅུ་དྲུག་གཞག་པར་བྱ། །གདུགས་དང་རྒྱལ་མཚན་བ་དན་དང་། །རྟ་དང་གླང་པོ་བཞོན་པའི་མཆོག །དྲིལ་བུའི་སྒྲ་ནི་རབ་ཏུ་སྙན། །རོལ་མོ་རིན་ཆེན་ཁྱད་པར་དུ། །བྱེ་བ་གྲངས་ནི་
D495.086.0280a06.01མེད་པ་ཡི། །མཆོག་ཉིད་ཀྱང་ནི་དབུལ་བར་བྱ། །ཁྱད་པར་དུ་ཡང་སྙན་པའི་སྒྲ། །དབྱངས་གླུ་སོས་དལ་ཡིད་འཕྲོག་པ། །དྲིལ་བུའི་རོལ་མོ་ཁྱད་པར་དུ། །དཀྱིལ་འཁོར་དགེ་བ་མཆོད་པར་བྱ། །དེ་ལྟར་ཆོ་ག་བཞིན་མཆོད་ནས། །སོར་མོ་བཅུ་ཡི་ཐལ་སྦྱར་ཏེ། །སྨོན་ལམ་
D495.086.0280a07.01