完整藏文原文 · 德格版页 当前仅加载第 57 函德格 322b 版页；藏文 NFD、目录标记与异常页序保留在来源切片中，重复版页行以稳定序号区分。
འདུལ་བ་ལ་རབ་ཏུ་འབྱུང་སྟེ་བསྙེན་པར་རྫོགས་ཤིང་དགེ་སློང་གི་ཚུལ་ཐོབ་པར་བགྱིར་གསོལ། དགེ་བསྙེན་དཔལ་སྦས་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་སྟེ་བསྙེན་པར་རྫོགས་ནས་དགེ་སློང་གི་ཚུལ་ཐོབ་བོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ནམ་མཁའ་
D148.057.0322b01.01མཛོད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ན་བསྐལ་པ་གྲངས་མ་མཆིས་པ་བྱེ་བར་ཡང་དག་པར་བསྒྲུབས་པའི་བྱང་ཆུབ་འདི་སུ་འཛིན་པར་འགྱུར། དེ་ནས་འཁོར་དེ་ནས་བྱང་ཆུབ་སེམས་དཔའ་བྱེ་བ་ཕྲག་དྲུག་ཅུ་ལངས་
D148.057.0322b02.01ནས་དེ་དག་ཐམས་ཅད་ཐལ་མོ་སྦྱར་ཏེ། བཅོམ་ལྡན་འདས་ལ་ཕྱག་འཚལ་ནས་སྒྲ་སྐད་དབྱངས་གཅིག་ཏུ་ཚིགས་སུ་བཅད་པ་འདི་དག་གསོལ་ཏོ། །བཅོམ་ལྡན་རྐང་གཉིས་དམ་པ་ནི། །མྱ་ངན་འདས་སླད་བདག་ཅག་རྣམས། །ལུས་དང་སྲོག་ཏུ་བཅས་བཏང་སྟེ། །དམ་པའི་ཆོས་
D148.057.0322b03.01ནི་གཟུང་བར་སྤྲོ། །རྙེད་དང་བཀུར་སྟི་སྤངས་ནས་སུ། །སྟེན་པ་ཀུན་ཀྱང་རབ་སྤངས་ཏེ། །སངས་རྒྱས་ཡེ་ཤེས་བསྟན་པ་ཡི། །ཆོས་འདི་རྗེས་སུ་མི་གཏང་ངོ་། །དམ་པའི་ཆོས་ནི་གཟུང་སླད་དུ། །གཤེ་དང་མི་སྙན་མཆི་བ་དང་། །ངན་དུ་སྨྲ་བའི་ཚིག་རྣམས་ཀྱང་། །བཟོད་པ་དེ་དག་
D148.057.0322b04.01དང་དུ་བླངས། །ཚུལ་འདི་རབ་ཏུ་བཟུང་ནས་སུ། །ཅོ་འདྲི་བ་དང་སྡིགས་པ་དང་། །མི་བསྔགས་པ་དང་མི་སྙན་པ། །དེ་དག་ཐམས་ཅད་བཟོད་པར་བགྱིད། །དམིགས་པ་དག་ལ་རབ་གནས་པ། །བདུད་ཀྱི་ཕོ་ཉ་བདུད་ཀྱི་ཕྱོགས། །དམ་པའི་ཆོས་ལ་སྐུར་འདེབས་པའི། །དགེ་
D148.057.0322b05.01སློང་དག་ནི་འབྱུང་བར་འགྱུར། །ཚུལ་ཁྲིམས་འཆལ་པ་སྡིག་ཆོས་ཅན། །ཁྱིམ་པ་དང་ནི་བསྟེན་ཅིང་གནས། །བཀུར་སྟི་དག་དང་རྙེད་ལ་བརྐམ། །ཆོས་འདི་ཚོལ་བ་མི་བགྱིད་དོ། །འཇིག་རྟེན་རྒྱང་ཕན་རྣམས་དང་འདྲེ། །བདག་ལ་རབ་ཏུ་སྟོད་བགྱིད་ཅིང་། །རབ་ཏུ་དེས་པ་རྣམས་
D148.057.0322b06.01ལ་སྨོད། །མི་མཁས་ང་རྒྱལ་ཅན་དག་འབྱུང་། །དགོན་པའི་གནས་ནི་སྤངས་ནས་སུ། །རྟག་ཏུ་འདུ་འཛི་རྣམས་ལ་དགའ། །འཇིག་རྟེན་གསང་ཚིག་རྣམས་ལ་བརྩོན། །འཇིག་ཚོགས་ལ་ནི་རབ་ཏུ་གནས། །མི་མཁས་པ་དག་དགེ་འདུན་ལས། །ཞལ་ཏ་བྱེད་ལ་རྟག་ཏུ་བརྩོན། །
D148.057.0322b07.01