完整藏文原文 · 德格版页 当前仅加载第 57 函德格 321b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པའི་སྒོ་ཐམས་ཅད་ཀྱང་མི་སྙེམས་པའོ། །དེ་དག་ཐམས་ཅད་སྙེམས་པ་ཡང་དག་པར་བཅོམ་པས་ཚུལ་དང་འདྲ་བར་འགྲོ་བའི་ལམ་ཁོང་དུ་ཆུད་དེ་བདུད་ཀྱི་ཡུལ་ལས་ཡང་དག་པར་འདའ་བར་འགྱུར་རོ། །དེ་དག་བདུད་ཀྱི་ཡུལ་ལས་ཡང་དག་པར་འདས་པས་སངས་རྒྱས་ཀྱི་ཡུལ་ལ་
D148.057.0321b01.01རབ་ཏུ་གནས་པར་འགྱུར་རོ། །དེ་དག་སངས་རྒྱས་ཀྱི་ཡུལ་ལ་རབ་ཏུ་གནས་པས་སེམས་ཅན་ཐམས་ཅད་ཀྱི་ཡུལ་ལ་འཇུག་པར་འགྱུར་རོ། །སེམས་ཅན་ཐམས་ཅད་ཀྱི་ཡུལ་ལ་ཞུགས་པས། ཆོས་ཀྱི་དབྱིངས་ཀྱི་ཡུལ་འཁྲུག་པར་མི་བྱེད་པར་འགྱུར་རོ། །དེ་དག་ཆོས་
D148.057.0321b02.01ཀྱི་དབྱིངས་ཀྱི་རྗེས་སུ་སོང་སྟེ། མཉམ་པ་བྱེ་བྲག་མེད་པ་ཐོབ་པས་ཐམས་ཅད་མཁྱེན་པའི་ཡེ་ཤེས་རྗེས་སུ་ཐོབ་པར་འགྱུར་རོ། །བསྟན་པ་འདི་བཤད་པ་ན། བྱང་ཆུབ་སེམས་དཔའ་མང་པོ་ཞིག་ལས་དང་ཉོན་མོངས་པ་དང་། ཆོས་ཀྱི་སྒྲིབ་པ་ཀུན་ནས་ལྡང་བ་དང་།
D148.057.0321b03.01འགྱོད་པ་ཀུན་ནས་ལྡང་བ་ཐམས་ཅད་དང་བྲལ་ཏེ། མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། །།འཕགས་པ་ནམ་མཁའ་མཛོད་ཀྱིས་ཞུས་པ། བམ་པོ་བརྒྱད་པ་སྟེ་ཐ་མ། དེ་ནས་དགེ་བསྙེན་དཔལ་སྦས་ཞེས་བྱ་བས་བཅོམ་ལྡན་འདས་ཀྱི་ཞབས་
D148.057.0321b04.01གཉིས་ལ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་རྣམ་པར་གྲོལ་བའི་སྒོ་ཆོས་ཀྱི་རྣམ་གྲངས་འདི་ནི་བཅོམ་ལྡན་འདས་ཀྱིས་བདག་གི་སླད་དུ་བཤད་དོ། །དེ་ཅིའི་སླད་དུ་ཞེ་ན། བཅོམ་ལྡན་འདས་བདག་གིས་བཅོམ་
D148.057.0321b05.01ལྡན་འདས་བསད་པའི་སླད་དུ་ཤུལ་ཞུགས་ཀྱིས་གཏམས་པར་བགྱིས་ཏེ་བཤོས་ཀྱང་དུག་དང་བསྲེས་པ་སྦྱར་བ་དེས། བཅོམ་ལྡན་འདས་ལས་བདག་གིས་ཆོས་མང་དུ་ཐོས་ཀྱང་འགྱོད་པ་རབ་ཏུ་བསལ་བར་མ་ནུས་ཀྱི། བཅོམ་ལྡན་འདས་བདག་གིས་ཆོས་ཀྱི་རྣམ་གྲངས་འདི་
D148.057.0321b06.01ཐོས་ནས་འགྱོད་པ་དེ་ཐམས་ཅད་མ་མཆིས་པར་གྱུར་ཏེ། ཆོས་ཐམས་ཅད་ལ་སྣང་བའང་སྐྱེས་སོ། །བཅོམ་ལྡན་འདས་བདག་ནི་འགྱོད་པ་མ་མཆིས་ཐེ་ཚོམ་མ་མཆིས་ཏེ་སྣང་བ་ཐོབ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱི་སྟེ། བཅོམ་ལྡན་འདས་
D148.057.0321b07.01