完整藏文原文 · 德格版页 当前仅加载第 57 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་པ་མེད་ཅིང་ཐོགས་པ་མེད་པའི་དེ་བཞིན་དུ་དེ་ཡུལ་ཐམས་ཅད་ལ་ཡང་མི་ཆགས་མི་ཐོགས་ཏེ། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སངས་རྒྱས་ཀྱི་ཡུལ་ལ་རྗེས་སུ་ཞུགས་ཤིང་རང་གི་ཡུལ་ཡོངས་སུ་དག་པ་ཡིན་ནོ། །རིགས་ཀྱི་བུ་དེ་ལ་ཇི་
D148.057.0274a01.01ལྟར་ན་བྱང་ཆུབ་སེམས་དཔའ་གཟུངས་ཐོབ་པ་རྟག་ཏུ་མི་བརྗེད་པར་སྤྱོད་པ་ཡིན་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་གཟུངས་ཡོངས་སུ་སྦྱང་བ་བྱ་བས་གཟུངས་ཐོབ་པར་གྱུར་ཏེ། དེ་ལ་གཟུངས་ཡོངས་སུ་སྦྱོང་བ་བྱེད་པ་གང་ཞེ་ན། རིགས་ཀྱི་བུ་སུམ་ཅུ་རྩ་གཉིས་
D148.057.0274a02.01པོ་འདི་དག་ནི་གཟུངས་ཡོངས་སུ་སྦྱོང་བ་བྱེད་པ་སྟེ། སུམ་ཅུ་རྩ་གཉིས་པོ་གང་ཞེ་ན། འདི་ལྟ་སྟེ། ཆོས་དོན་དུ་གཉེར་བ་དང་། ཆོས་འདོད་པ་དང་། ཆོས་ཀྱི་ཀུན་དགའ་ལ་དགའ་མོས་པ་དང་། ཆོས་ལ་གཞོལ་བ་དང་། ཆོས་ལ་བབ་པ་དང་། མང་དུ་ཐོས་པ་རྣམས་ལ་སྟེན་
D148.057.0274a03.01ཅིང་བསྙེན་ལ་བསྙེན་བཀུར་བྱེད་པ་དང་། སློབ་དཔོན་དང་མཁན་པོ་རྣམས་ལ་ང་རྒྱལ་མེད་ཅིང་བཙུན་པར་གུས་པར་བྱེད་པ་དང་། ཆོས་ཡོངས་སུ་ཚོལ་བས་མི་ངོམས་པ་དང་། རྗེས་སུ་བསྟེན་པ་རྣམས་ལ་བཀའ་བློ་བདེ་ཞིང་འཐུན་པར་འཛིན་པ་དང་། ཆོས་སྨྲ་བའི་གང་ཟག་
D148.057.0274a04.01རྣམས་ལ་སྟོན་པ་ཙམ་དུ་སེམས་ཤིང་འཁྲུལ་པ་མི་ཚོལ་བ་དང་། ཀུན་འཛིན་པ་དང་། ཀློག་པ་དང་། སྟོན་པ་ལ་ལེ་ལོ་མེད་པ་དང་། ཆོས་ལ་སློབ་དཔོན་གྱི་དཔེ་མཁྱུད་མེད་ཅིང་ཟང་ཟིང་མེད་པར་ཆོས་སྦྱིན་པ་དང་། ཤེས་རབ་ཀྱི་རྩ་བའི་གནས་ཐོས་པ་དང་ཚུལ་
D148.057.0274a05.01བཞིན་གྱི་ཆོས་ལ་སྦྱོར་བ་དང་། ཇི་ལྟར་ཐོས་པའི་ཆོས་ལ་སོ་སོར་བརྟག་པའི་ཕྱིར་མང་དུ་ཐོས་པ་མུ་མེད་པར་བྱས་པ་དང་། ཚངས་པར་སྤྱོད་པ་ལ་གནས་པ་མུ་མེད་པར་བྱས་པ་དང་། རྟག་ཏུ་དབེན་པ་ལ་སེམས་གཞོལ་བ་དང་། རྗེས་སུ་དྲན་པ་དྲུག་རྗེས་སུ་དྲན་པ་དང་།
D148.057.0274a06.01ཡང་དག་པར་ཆགས་པར་འགྱུར་བ་དྲུག་མི་འདོར་བ་དང་། གུས་པར་བྱ་བའི་གནས་དྲུག་ཡོངས་སུ་མི་གཏོང་བ་དང་། སེམས་ཅན་ཐམས་ཅད་ལ་ཁོང་ཁྲོ་བ་མེད་པའི་སེམས་ཀྱིས་ཆོས་ལ་སྦྱོར་བ་དང་། རྟེན་ཅིང་འབྲེལ་པར་འབྱུང་བ་དང་མི་འགལ་བའི་ལས་དང་། བྱ་བ་
D148.057.0274a07.01