完整藏文原文 · 德格版页 当前仅加载第 57 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
རང་རང་གི་ཁྱོ་གང་ཡིན་པ་ཁྲིད་ནས་དགའ་མགུ་རངས་ཤིང་རབ་ཏུ་དགའ་སྟེ་ཡིད་བདེ་བ་སྐྱེས་ནས་རང་རང་གི་ཁྱིམ་དུ་དོང་ངོ་། །དེ་ནས་སྤྲུལ་པའི་སྐྱེས་བུ་དེ་དག་གིས་ཞག་བདུན་དུ་བུད་མེད་དེ་དག་ཇི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དེ་ལྟ་དེ་ལྟར་
D148.057.0284b01.01སྨིན་པར་བྱས་སོ། །དེ་ནས་ཡང་བུད་མེད་ལྔ་བརྒྱ་པོ་དེ་དག་བྱང་ཆུབ་སེམས་དཔའ་ནམ་མཁའ་མཛོད་ཀྱི་ཐད་དུ་ལྷགས་ནས་ཚིགས་སུ་བཅད་པ་འདི་སྐད་ཅེས་སྨྲས་སོ། །ཆོས་ཀྱི་རང་བཞིན་སྟོང་པ་སྒྱུ་མ་འདྲ། །ཆོས་ཀྱི་མཚན་ཉིད་དེ་ནི་སྔོན་མ་འཚལ། །དེ་ཕྱིར་ཁྱོད་ཀྱིས་སྤྲུལ་པའི་
D148.057.0284b02.01ཁྱོ་སྩལ་ཏེ། །བདག་ཅག་ཐེག་པའི་མཆོག་ལ་དེས་སྨིན་བགྱིས། །ཆོས་འདི་ཐམས་ཅད་ཡང་དག་སྤྲུལ་པ་སྟེ། །གཡོ་བ་མེད་ཅིང་བྱེད་མེད་སྔ་ནས་སྟོང་། །ཟག་མེད་ཡེ་ཤེས་བདག་གིས་རབ་རྟོགས་ཏེ། །སླན་ཆད་ཉོན་མོངས་དབང་དུ་མི་མཆིའོ། །བྱང་
D148.057.0284b03.01ཆུབ་མཆོག་གི་སེམས་ནི་བསྐྱེད་པར་བགྱི། །སེམས་ཅན་ཐམས་ཅད་མགྲོན་དུ་གཉེར་བར་བགྱི། །སེམས་ཅན་རྒྱ་ཆེན་ཁྱོད་ཀྱིས་ཕབ་པ་བཞིན། །བདག་ཅག་གིས་ཀྱང་ཆོས་མཆོག་ཆར་པ་དབབ། །འདྲེན་མཆོག་ཐུབ་པས་དེ་དག་ལུང་བསྟན་པ། །ཁྱེད་
D148.057.0284b04.01ཅག་མ་འོངས་དུས་ན་འགྱུར་བ་ནི། །སྤྱད་པ་སྤྱད་ནས་རྒྱལ་བའི་དབང་པོ་དག །ཤིན་ཏུ་དུལ་ཞེས་བྱ་བའི་བདེ་གཤེགས་འགྱུར། །ཡང་དེའི་ཚེ་ན་མི་ལྔ་བརྒྱ་གསད་པར་ཆད་དེ་གསད་དུ་ཁྲིད་པ་ལས་དེ་དག་གིས་བར་སྣང་ལས་སེམས་ཅན་རྣམས་བྱང་ཆུབ་སེམས་
D148.057.0284b05.01དཔའ་ནམ་མཁའ་མཛོད་ཅེས་བྱ་བ་གང་འཇིགས་པའི་སེམས་ཅན་རྣམས་ལ་མི་འཇིགས་པ་སྦྱིན་པ་ཞིག་ཡོད་ཀྱིས་དེ་ལ་ཁྱེད་ཅག་ཕྱག་འཚོལ་ཅིག་དང་གསད་པ་འདི་ལས་ཐར་བར་འགྱུར་རོ་ཞེས་སྒྲ་ཞིག་ཐོས་སོ། །དེ་ནས་དེ་དག་ཐམས་ཅད་ཤི་བས་འཇིགས་
D148.057.0284b06.01སྐྲག་པས་སྒྲ་སྐད་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའ་མཛོད་ལ་ཕྱག་འཚལ་ལོ། །ཞེས་ཚིག་དེ་སྐད་ཅེས་སྨྲས་སོ། །ཚིག་དེ་སྐད་ཅེས་སྨྲས་མ་ཐག་ཏུ་སྐད་ཅིག་དེ་ཉིད་ལ་བར་སྣང་ལས་མི་ལྔ་བརྒྱ་བབས་ཏེ། དེར་ལྷགས་
D148.057.0284b07.01