完整藏文原文 · 德格版页 当前仅加载第 57 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཀའ་སྩལ་པ། ཡང་ཤཱ་རིའི་བུ་དེའི་ཚེ་དེའི་དུས་ན་རིན་པོ་ཆེ་བཀོད་པ་ཞེས་བྱ་བའི་བསྐལ་པ་ལ་སངས་རྒྱས་ཀྱི་ཞིང་ཐམས་ཅད་སྟོན་པའི་འཇིག་རྟེན་གྱི་ཁམས་སུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་
D148.057.0286a01.01པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་སྨོན་ལམ་ཐམས་ཅད་ལས་ཤིན་ཏུ་བྱུང་བ་རིན་པོ་ཆེའི་གཟི་བརྗིད་འཕགས་པའི་རྒྱལ་པོ་ཞེས་བྱ་བ་འཇིག་རྟེན་དུ་བྱུང་སྟེ།
D148.057.0286a02.01ཡང་ཤཱ་རིའི་བུ་དེ་བཞིན་གཤེགས་པ་དེའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་དེ་དག་ནི་ཚེའི་ཚད་བསྐལ་པར་གནས་ཀྱང་བཤད་པར་སླ་བ་མ་ཡིན་ནོ། །ཤཱ་རིའི་བུ་དེ་བཞིན་གཤེགས་པ་དེའི་འཁོར་གྱི་དཀྱིལ་འཁོར་ནི་འཇིག་རྟེན་གྱི་ཁམས་སྟོང་གི་ཚད་དུ་གྱུར་ཏེ། བྱང་ཆུབ་སེམས་དཔའི་
D148.057.0286a03.01དགེ་འདུན་ནི་བགྲང་བ་ལས་འདས་པ་ཞིག་བྱུང་ངོ་། །ཤཱ་རིའི་བུ་དེའི་དུས་ན་འཇིག་རྟེན་གྱི་ཁམས་དེ་ན་སྟོང་གསུམ་གྱི་འཁོར་ལོས་སྒྱུར་བའི་རྒྱལ་པོ་ལྷ་ཐམས་ཅད་ཀྱིས་དབང་བསྐུར་བ་ཞེས་བྱ་བ་ཞིག་བྱུང་སྟེ། རིན་པོ་ཆེའི་མཛོད་བསམ་གྱིས་མི་ཁྱབ་བོ། །དེའི་བུ་རྫུས་ཏེ་སྐྱེས་པ་རང་གི་
D148.057.0286a04.01གཟི་བརྗིད་ཀྱིས་མངོན་པར་གྲུབ་པ་དགུ་ཁྲི་དྲུག་སྟོང་ཡོད་དོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་ཞིང་དེ་ན་བུད་མེད་ཀྱི་མིང་ཡང་མེད་དོ། །ཤཱ་རིའི་བུ་དེ་བཞིན་གཤེགས་པ་དེའི་ཚེའི་ཚད་ཀྱང་བསྐལ་པ་སྟོང་ཕྲག་བརྒྱ་ཐུབ་བོ། །དེ་ནས་རྒྱལ་པོ་ལྷ་ཐམས་ཅད་ཀྱིས་དབང་བསྐུར་བས་བར་གྱི་
D148.057.0286a05.01བསྐལ་པ་བཞི་བཅུར། བཅོམ་ལྡན་འདས་དེ་ལ་བསྙེན་བཀུར་དང་རིམ་གྲོར་བྱས་ཏེ་ཉིན་གཅིག་ལ་འགོད་པ་ཡང་རི་རབ་བྱེ་བ་སྟོང་སྙེད་ཀྱི་རིན་པོ་ཆེའི་ཕུང་པོ་ཟད་པར་འགྱུར་བ་དེ་ལྟ་བུས་བསྙེན་བཀུར་དང་རིམ་གྲོ་བྱས་སོ། །དེ་ནས་རྒྱལ་པོ་དེ་བསོད་ནམས་ཀྱིས་བརྟན་པས་བུའི་ཚོགས་དང་།
D148.057.0286a06.01གྲོང་གི་མི་རྣམས་དང་། འཁོར་རྣམས་དང་བཅས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །ཤཱ་རིའི་བུ་དེའི་ཚེ་དེའི་དུས་ན་འཁོར་ལོས་སྒྱུར་བའི་རྒྱལ་པོ་ལྷ་ཐམས་ཅད་ཀྱིས་དབང་བསྐུར་བ་ཞེས་བྱ་བ་དེ་གཞན་ཞིག་ཡིན་པ་སྙམ་དུ་ཁྱོད་སེམས་ན་དེ་དེ་ལྟར་མི་བལྟའོ། །
D148.057.0286a07.01