完整藏文原文 · 德格版页 当前仅加载第 57 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། རིམ་གྲོ་བྱེད་པ་དང་། བསྙེན་བཀུར་བྱེད་པ་སྔོན་དུ་འགྲོ་བས་མདོ་དང་རྟོགས་པ་བརྗོད་པ་དང་སྔོན་བྱུང་བ་ལ་སྤོབས་པར་འགྱུར་རོ། །སྡུག་བསྔལ་བ་དང་དབུལ་བ་དང་མགོན་མེད་པ་ལ་མི་བརྙས་པས་མི་ཐུལ་བའི་སྤོབས་པར་འགྱུར་རོ། །གཏེར་
D148.057.0276a01.01མི་ཟད་པ་སྦྱིན་པ་དང་། ཕ་རོལ་ཆོས་ལ་སྦྱོར་བས་ཚིག་རབ་ཏུ་དབྱེ་བ་བསྟན་པ་མི་ཟད་པ་ལ་སྤོབས་པར་འགྱུར་རོ། །ཚིག་བདེན་པ་དང་། ཐ་བ་མེད་པ་དང་། ངག་རྩུབ་པོ་མེད་པའི་ངག་གི་ལས་དང་ལྡན་པས་སྤོབས་པ་ཤིན་ཏུ་གསལ་ཞིང་མཛེས་པར་འགྱུར་རོ། །བླ་མའི་
D148.057.0276a02.01ཚིག་ཁྱད་དུ་མི་གསོད་པ་དང་གཞན་གྱི་ཚིག་མི་གཅོག་པས་ཚིག་བཙུན་ཞིང་གཟུང་བའི་སྤོབས་པར་འགྱུར་རོ། །རང་གི་ཡོན་ཏན་གྱི་ཆོས་སྒྲུབ་པས་ཆོས་བསྟན་པ་འབྲས་བུ་ཡོད་པའི་སྤོབས་པར་འགྱུར་རོ། །བདག་ལ་མི་སྟོད་པ་དང་། གཞན་ལ་མི་སྨོད་པ་དང་། ཕངས་
D148.057.0276a03.01པའི་དངོས་པོ་ཡོངས་སུ་གཏོང་བས་ལྷའི་འཁོར་གྱི་རྒྱན་གྱི་སྤོབས་པར་འགྱུར་རོ། །ཆོས་ལ་སློབ་དཔོན་གྱི་དཔེ་མཁྱུད་མེད་པ་དང་། ཆོས་ཇི་ལྟར་ཐོས་པ་བཞིན་དུ་སྟོན་པས་ཐེ་ཙོམ་ཐམས་ཅད་གཅོད་པའི་སྤོབས་པར་འགྱུར་རོ། །བསྟན་བཅོས་ཐམས་ཅད་ཤེས་པ་དང་། གཞན་ལ་
D148.057.0276a04.01མི་གནོད་པ་དང་། ནད་པ་རྣམས་ཀྱི་ནད་གཡོག་བྱེད་པ་དང་། སྨན་རབ་ཏུ་སྦྱིན་པས་འཇིག་རྟེན་པ་དང་། འཇིག་རྟེན་ལས་འདས་པའི་ཆོས་ཐམས་ཅད་ལ་སྤོབས་པར་འགྱུར་རོ། །ཕ་རོལ་ལ་འཁྲུལ་པའི་སྐབས་མི་ཚོལ་བ་དང་། གཞན་དག་གི་ལྟུང་བ་མི་གླེང་བ་དང་། འཁྲུལ་
D148.057.0276a05.01པ་ལ་མི་རྟོག་པས་འཁྲུལ་པ་མེད་པའི་སྤོབས་པར་འགྱུར་རོ། །སེམས་ཅན་ཐམས་ཅད་ལ་སེམས་སྙོམས་པ་དང་། སེམས་ཅན་ཐམས་ཅད་ལ་མཚུངས་པར་སྤྱོད་པ་དང་། མྱ་ངན་ལས་འདས་པའི་ལམ་ལ་འགོད་པ་དང་། རྙེད་པ་དང་བཀུར་སྟི་དང་། ཚིགས་སུ་བཅད་པ་ཐམས་
D148.057.0276a06.01ཅད་དོན་དུ་མི་གཉེར་བས་འཁོར་ལ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཀྱི་སྤོབས་པར་འགྱུར་རོ། །བཀའ་བློ་བདེ་བ་དང་། དེས་པ་དང་། ཇི་སྐད་སྨྲས་པ་དེ་བཞིན་བྱེད་པ་དང་། སེམས་དགའ་བ་དང་། གཞན་གྱི་རྒྱུད་འཁྲུག་པར་མི་བྱེད་པས་སྐྱེ་བ་
D148.057.0276a07.01