完整藏文原文 · 德格版页 当前仅加载第 57 函德格 311b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབས་པ་ནི་རབ་ཏུ་སེམས་པ་དང་། དེས་པར་སེམས་པས་བསྡུས་སོ། །རིགས་ཀྱི་བུ་ཆོས་བཅུ་དྲུག་པོ་དེ་དག་ནི་ཆོས་སུམ་ཅུ་རྩ་གཉིས་པོ་དེ་དག་གིས་བསྡུས་སོ། །སྨྲས་པ། རིགས་ཀྱི་བུ་ཆོས་སུམ་ཅུ་རྩ་གཉིས་པོ་འདི་དག་ཆོས་དུ་ཞིག་གིས་བསྡུས། སྨྲས་པ། རིགས་ཀྱི་བུ་ཆོས་སུམ་ཅུ་
D148.057.0311b01.01རྩ་གཉིས་པོ་འདི་དག་ནི་ཆོས་དྲུག་ཅུ་རྩ་བཞིས་བསྡུས་ཏེ། དྲུག་ཅུ་རྩ་བཞི་གང་ཞེ་ན། འདི་ལྟ་སྟེ། ངོ་ཚ་ཤེས་པ་ནི་ནང་དུ་སོ་སོར་རྟོག་པ་དང་། དབང་པོ་ཡང་དག་པར་སྡོམ་པས་བསྡུས་སོ། །ཁྲེལ་ཡོད་པ་ནི་ཕྱི་རོལ་གྱི་ཡུལ་སྲུང་བ་དང་། མཁས་ཤིང་རྟོགས་པ་ལ་འཛེམ་པས་བསྡུས་
D148.057.0311b02.01སོ། །བཀའ་བློ་བདེ་བ་ནི་ཆོས་དོན་དུ་གཉེར་བ་དང་། ཆོས་འདོད་པས་བསྡུས་སོ། །འགྲོགས་ན་བདེ་བ་ནི་ལུས་ཡིད་དུ་འོང་བ་དང་། སེམས་ཡིད་དུ་འོང་བས་བསྡུས་སོ། ཁྱད་དུ་མི་གསོད་པ་ནི་མ་ཁེངས་པ་དང་། ཆོས་སྤྱོད་པས་བསྡུས་སོ། །འདུད་པ་ནི་ལུས་གྱ་གྱུ་མེད་པ་དང་། སེམས་
D148.057.0311b03.01གྱ་གྱུ་མེད་པས་བསྡུས་སོ། །དྲི་མ་མེད་པ་ནི་དྲི་མ་གསུམ་བསལ་བ་དང་། རྣམ་པར་ཐར་པ་གསུམ་སྒོམ་པས་བསྡུས་སོ། །མི་རྩུབ་པ་ནི་མི་བརླང་བ་དང་། ཕྲ་མ་མེད་པས་བསྡུས་སོ། །ཁོང་ཁྲོ་བ་མེད་པའི་སེམས་ནི་བདག་བསྲུང་བ་དང་། གཞན་སྲུང་བས་བསྡུས་སོ། །སེམས་ཅན་
D148.057.0311b04.01ཐམས་ཅད་ལ་སེམས་མཉམ་པ་ནི་ཐ་དད་པ་མེད་པ་དང་། རོ་གཅིག་པས་བསྡུས་སོ། །ཡོངས་སུ་མི་སྐྱོ་བ་ནི་རྨི་ལམ་གྱི་རང་བཞིན་དང་། སྒྱུ་མའི་རང་བཞིན་གྱིས་བསྡུས་སོ། །སེམས་ཅན་ཐམས་ཅད་ཀྱི་བྱ་བ་ཅི་ཡོད་ཅེས་བྱ་བ་ནི་མངོན་པར་ཤེས་པ་དང་། ཐབས་ཀྱིས་བསྡུས་སོ། །མི་འཚེ་
D148.057.0311b05.01བ་ནི་འདོད་པ་དང་། ལས་ཀྱི་རྣམ་པར་སྨིན་པ་ལ་ཡིད་ཆེས་པས་བསྡུས་སོ། །རང་གི་ལོངས་སྤྱོད་ཀྱིས་ཆོག་པར་འཛིན་པ་ནི་འདོད་པ་ཉུང་བ་དང་། ཆོག་ཤེས་པས་བསྡུས་སོ། །དུལ་བ་ནི་མི་འཁྲུག་པ་དང་། མི་རྩོད་པས་བསྡུས་སོ། །ཞི་བ་ནི་ངར་འཛིན་པ་འདོར་བ་དང་། ང་ཡིར་འཛིན་
D148.057.0311b06.01པ་སྤོང་བས་བསྡུས་སོ། །ཡི་དམ་མ་ཞིག་པ་ནི་བྱང་ཆུབ་ཀྱི་སེམས་ལ་ལྟ་བ་དང་། བྱང་ཆུབ་ཀྱི་སྙིང་པོ་ལ་རྟོན་པས་བསྡུས་སོ། །དམ་བཅས་པ་ཉམས་སུ་ལོན་པར་བྱེད་པ་ནི་བདུད་ཀྱི་ལས་རིག་པ་དང་། སངས་རྒྱས་ཀྱི་བྱིན་གྱིས་བརླབས་ཀྱིས་བསྡུས་སོ། །བློ་ཤིན་ཏུ་གནས་པ་ནི་མི་
D148.057.0311b07.01