完整藏文原文 · 德格版页 当前仅加载第 57 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོག་འདི་དག་ག་ལས་མཆིས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་འོད་བཀོད་པ་ཞེས་བྱ་བའི་ཚངས་པའི་འཇིག་རྟེན་གྱི་ཁམས་སྟོང་ཕྲག་བརྒྱ་ལ་དབང་བ་ཞིག་ཡོད་དེ། ཚངས་པ་དེས་བྱང་ཆུབ་སེམས་དཔའ་ནམ་མཁའ་མཛོད་ལ་མཆོད་པ་བྱ་བའི་ཕྱིར་མེ་ཏོག་འདི་དག་
D148.057.0307a01.01གཏོར་ཏོ། །ཀུན་དགའ་བོས་གསོལ་པ། བཅོམ་ལྡན་འདས་བདག་ཅག་གིས་ཚངས་པ་དེ་ལྟའོ། །བཀའ་སྩལ་པ། ཚངས་པ་དེ་དེའུ་རེ་མཐོང་གིས་ཅུང་ཞིག་སྡོད་ཅིག །དེ་ནས་ཚངས་པ་འོད་བཀོད་པ་ཚངས་པ་སྟོང་ཕྲག་དྲུག་ཅུ་རྩ་བརྒྱད་ཀྱིས་ཡོངས་སུ་བསྐོར་ཅིང་མདུན་དུ་བདར་ཏེ། ཚངས་པའི་
D148.057.0307a02.01འཇིག་རྟེན་ནས་མི་སྣང་བར་གྱུར་ནས། བཅོམ་ལྡན་འདས་ཀྱི་སྤྱན་སྔར་ཕྱིན་ཏེ། དེས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་ལ་ཚངས་པ་འོད་བཀོད་པས་འདི་སྐད་ཅེས་གསོལ་ཏོ། །
D148.057.0307a03.01བཅོམ་ལྡན་འདས་བྱང་ཆུབ་སེམས་དཔའ་ནམ་མཁའ་མཛོད་ཀྱི་ཚུལ་ཁྲིམས་ཀྱི་ཆེ་བ་དང་། ཏིང་ངེ་འཛིན་གྱི་ཆེ་བ་དང་། མངོན་པར་ཤེས་པའི་ཆེ་བ་དང་། ཡེ་ཤེས་ཀྱི་ཆེ་བ་དང་། ཤེས་རབ་ཀྱི་ཆེ་བ་དང་། སྨོན་ལམ་ཡོངས་སུ་རྫོགས་པའི་ཆེ་བ་དང་། ཐབས་ལ་མཁས་པའི་ཆེ་བ་དང་།
D148.057.0307a04.01ལྷག་པའི་བསམ་པའི་ཆེ་བ་དང་། ཆོས་ཀྱི་དབང་ཕྱུག་གི་ཆེ་བ་དང་། ལུས་ཀྱི་རྒྱན་གྱི་ཆེ་བ་དང་། ངག་དང་སེམས་ཀྱི་རྒྱན་གྱི་ཆེ་བ་དང་། ཆོས་ཐམས་ཅད་ལ་དབང་བའི་ཆེ་བ་ངོ་མཚར་ཏོ། །འདི་ལྟར་བྱང་ཆུབ་སེམས་དཔའ་ནམ་མཁའ་མཛོད་ཅེས་བགྱི་བ་སྔོན་ཤིན་ཏུ་སྦྱང་བ་བགྱིས་པས་ལུས་
D148.057.0307a05.01དང་། ངག་དང་། སེམས་དག་གིས་བརྩོན་པ་མ་མཆིས་པར་བགྱི་བ་ཐམས་ཅད་སྟོན་ཏེ། བཅོམ་ལྡན་འདས་སུ་ཞིག་སྔོན་གྱི་དགེ་བའི་རྩ་བ་རྣམས་ལ་བྱས་པ་མི་གཟོ་བར་འགྱུར། བཅོམ་ལྡན་འདས་བྱང་ཆུབ་སེམས་དཔའ་ནམ་མཁའ་མཛོད་ད་ལྟར་གང་སེང་གེའི་སྒྲ་སྒྲོགས་པ་འདི་ནི་སྔོན་གྱི་སྤྱོད་པ་ཟབ་
D148.057.0307a06.01མོའི་རྒྱུ་འཐུན་པའོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །ཚངས་པ་ཇི་སྐད་སྨྲས་པ་བཞིན་ཏེ། བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་སྔོན་གྱི་དགེ་བའི་རྩ་བ་དང་། བསོད་ནམས་དང་ཡེ་ཤེས་ལས་བྱུང་ངོ་། །དེ་ནས་བཅོམ་
D148.057.0307a07.01