完整藏文原文 · 德格版页 当前仅加载第 57 函德格 314a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་ཁམས་འདི་ཁེབས་པར་བྱས་སོ། །དེ་ནས་སྐད་ཅིག་དེ་ཉིད་ལ་ཕྱོགས་བཅུའི་འཇིག་རྟེན་གྱི་ཁམས་ན་མེ་ཏོག་དང་། བདུག་སྤོས་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་དང་།
D148.057.0314a01.01རོལ་མོ་དང་། སིལ་སྙན་གྱི་སྒྲ་ཅི་ཡོད་པ་དེ་དག་རིན་པོ་ཆེའི་ལག་པ་གཡས་པ་དེ་ལས་རབ་ཏུ་བབ་བོ། །མེ་ཏོག་གི་ཆར་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་པུས་ནུབ་ཙམ་དུ་ཡོག་པར་གྱུར་ཏོ། །ནམ་མཁའི་དཀྱིལ་ཐམས་ཅད་ཀྱང་གདུགས་དང་། རྒྱལ་མཚན་
D148.057.0314a02.01དང་། བ་དན་དང་། གོས་ཀྱིས་ལེགས་པར་བརྒྱན་པར་གྱུར་ཏོ། །སིལ་སྙན་གྱི་སྒྲ་དེ་དག་ལས་འདི་ལྟ་བུའི་ཚིགས་སུ་བཅད་པ་དག་ཀྱང་བྱུང་སྟེ། ཡོན་ཏན་བདོག་པ་ཡོན་ཏན་རྒྱས་པ་ཡོན་ཏན་བརྒྱས་གང་བ། །བདུད་ཀྱི་འགྲོ་བ་རྣམ་སེལ་དྲན་དང་བློ་གྲོས་རྟོགས་དང་ལྡན། །སྐྱེས་བུ་དམ་
D148.057.0314a03.01པ་དགེ་སྦྱོང་མཆོག་གི་སྐད་ནི་མཛེས་པར་འབྱུང་། །ཕྱོགས་བཅུ་རྣམས་སུ་རྒྱུ་བས་སྲིད་པ་རྣམ་པར་སེལ་བར་བྱེད། ཤིན་ཏུ་རབ་ཏུ་མོས་པར་ཕུལ་གྱིས་རབ་ཏུ་རྒྱས་པ་པོ། །སྲིད་པ་བརྒྱ་ནི་རྣམ་པར་སེལ་ཅིང་རྡུལ་དང་མུན་པ་བྲལ། །ལྷ་དང་མི་རྣམས་འཇིག་པ་མེད་པའི་གྲོང་ཁྱེར་
D148.057.0314a04.01འགྲོ་བ་སྒྲོལ། །སྲིད་པ་མེད་ཅིང་སྟོབས་བཅུ་ལྡན་པ་ནམ་མཁའ་མཉམ་པའི་ཡིད། །སྒྲ་འབྱིན་མཛེས་ཤིང་ཤིན་ཏུ་སྙན་ལ་རབ་ཏུ་ཞི་བའི་བཞིན། །ཐ་བ་མེད་ཅིང་མི་ཁྱུད་དྲི་མེད་དྲི་མ་རབ་ཏུ་སེལ། །སྲིད་པ་གསུམ་པོ་དག་ན་མཚུངས་མེད་ལྷ་དང་མི་ཡིས་མཆོད། །སྲིད་པ་མེད་ཅིང་
D148.057.0314a05.01འགྲོ་བ་དག་ལ་བདེ་སྦྱིན་ཕན་པ་བྱེད། །དྲན་དང་བློ་གྲོས་རྟོགས་དང་མོས་པས་སྤྱད་པ་ལེགས་པར་སྤྱད། །སྟོབས་བཅུ་རྣམས་དང་རབ་ཀྱི་སྟོབས་ཀྱིས་གཞན་གྱི་སྟོབས་ཀྱང་འཇོམས། །ཕ་རོལ་དཔུང་རྣམས་རྣམ་པར་འཐོར་བ་འཆི་མེད་གོ་འཕང་འཐོབ། །སྲིད་པ་མེད་ཅིང་སྐྱེས་བུ་དམ་
D148.057.0314a06.01པ་མཁས་པའི་སྒྲ་ཡང་འབྱིན། །འཁོར་འདི་ལས་ནི་གང་དག་ཏུ་ཡང་མ་སོང་མ་གཡོས་པར། །ཕྱོགས་བཅུ་རྣམས་སུ་ལྷ་མི་མང་པོ་དག་ཀྱང་རྣམ་པར་བཏུལ། །གང་དུའང་མི་གནས་བློ་གྲོས་ཅི་འདྲ་དེ་ལྟར་རབ་ཏུ་གནས། །ཆོས་ཀྱི་དབྱིངས་ལས་མི་གཡོ་བར་ཡང་ས་ནི་གཡོ་བར་བྱེད། །
D148.057.0314a07.01