完整藏文原文 · 德格版页 当前仅加载第 57 函德格 322a 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་བདུད་སྡིག་ཅན་ལྟར་བདག་ཀྱང་ཁྱད་པར་དུ་མཆི་བར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ལེགས་སོ་ལེགས་སོ། །ངས་བཤད་པའི་དོན་ཁྱོད་ཀྱིས་ཁོང་དུ་ཆུད་དེ། ངས་ཁྱིམ་བདག་ཁྱོད་ལ་ལུང་བསྟན་གྱིས་སེམས་དང་ལྷག་
D148.057.0322a01.01པའི་བསམ་པ་འདིས་བསྐལ་པ་བཟང་པོའི་སངས་རྒྱས་བཅོམ་ལྡན་འདས་ཐམས་ཅད་ལ་བསྟི་སྟང་དུ་བྱས། བླ་མར་བྱས། རི་མོར་བྱས་ཏེ་མཆོད་ནས། དེ་དག་གི་ཐད་ནས་ཚངས་པར་སྤྱད་པ་སྤྱོད་པར་འགྱུར། དེ་དག་གི་དམ་པའི་ཆོས་ཀྱང་ཡོངས་སུ་འཛིན་པར་འགྱུར་རོ། །དེའི་འོག་
D148.057.0322a02.01ཏུ་སངས་རྒྱས་བཅོམ་ལྡན་འདས་བགྲང་བ་ལས་འདས་པ་སྙེད་ཅིག་མཉེས་པར་བྱས་ཏེ། བསྐལ་པ་གྲངས་མེད་པ་བདུན་བརྒྱ་ན་ཤིན་ཏུ་དྲི་མ་མེད་པའི་བསྐལ་པ་ལ། དེ་བཞིན་གཤེགས་པ་ཀུན་ནས་ལྡང་བ་ཐམས་ཅད་རྣམ་པར་སེལ་བ་ཞེས་བྱ་བ་འཇིག་རྟེན་དུ་འབྱུང་སྟེ། རིག་པ་
D148.057.0322a03.01དང་ཞབས་སུ་ལྡན་པ་ཞེས་བྱ་བ་ནས་སངས་རྒྱས་བཅོམ་ལྡན་འདས་ཞེས་བྱ་བའི་བར་དུ་འགྱུར་རོ། །དེ་ནས་དགེ་བསྙེན་དཔལ་སྦས་ཀྱིས། བཅོམ་ལྡན་འདས་ལས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཐོས་ནས་ཚིམ་ཞིང་མགུ་ལ་ཡི་རངས་ཏེ།
D148.057.0322a04.01རབ་ཏུ་དགའ་ནས་དགའ་བ་དང་ཡིད་བདེ་བ་སྐྱེས་ཏེ། རྒྱན་ཇི་སྙེད་ཐོགས་པ་བཅོམ་ལྡན་འདས་ཀྱི་སྐུ་ལ་གསོལ་ནས་ཚིག་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་ཁྱིམ་ན་གཏེར་ཆེན་པོ་བཞི་མཆིས་ཏེ། རིན་པོ་ཆེ་མང་པོ་དང་། གསེར་གྱིས་ཡོངས་སུ་གང་བའོ། །
D148.057.0322a05.01དེ་དག་ལས་གཏེར་ཆེན་པོ་གཅིག་ནི་ཁྱིམ་གྱི་བུ་སྨད་དང་། བྲན་ཕོ་དང་། བྲན་མོ་དང་། ལས་བགྱིད་པ་རྣམས་ལ་སྩལ་ཏོ། །གཏེར་ཆེན་པོ་གཅིག་ནི་དབུལ་པོ་སློང་བ་ཐམས་ཅད་ལ་སྩལ་ཏོ། །གཏེར་ཆེན་པོ་གཅིག་ནི་དགེ་སློང་ཕྱོགས་བཞི་ནས་ལྷགས་པའི་ཕྱོགས་བཞིའི་དགེ་སློང་གི་
D148.057.0322a06.01དགེ་འདུན་རྣམས་ལ་འབུལ་ལོ། །གཏེར་ཆེན་པོ་གཅིག་ནི་སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་ལ་འབུལ་ལོ། །བཅོམ་ལྡན་འདས་བདག་ནི་ཡང་བར་གྱུར་ཏེ་ང་ཡི་བ་མ་མཆིས། ཡོངས་སུ་འཛིན་པ་ཡང་མ་མཆིས་ན་བཅོམ་ལྡན་འདས་བདག་ལེགས་པར་བཤད་པའི་ཆོས་
D148.057.0322a07.01