完整藏文原文 · 德格版页 当前仅加载第 57 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོར་ལྟ་བུར་རིག །གཟུགས་གཟུགས་བརྙན་ལྟ་བུར་རིག །གཟུགས་རྩྭ་དང་ཤིང་དང་རྩིག་པ་དང་ལམ་དང་། །མིག་ཡོར་ལྟ་བུར་རིག་ནས་སྦྱིན་པ་སྦྱིན་ཏེ། གཟུགས་ཀྱི་དེ་བཞིན་ཉིད་ཀྱིས་སྦྱིན་པའི་དེ་བཞིན་ཉིད་ལ་འཇུག་གོ །སྦྱིན་པའི་དེ་བཞིན་ཉིད་ཀྱིས་བསྔོ་བའི་དེ་བཞིན་ཉིད་
D148.057.0297a01.01རྗེས་སུ་ཤེས་སོ། །བསྔོ་བའི་དེ་བཞིན་ཉིད་ཀྱིས་བྱང་ཆུབ་ཀྱི་དེ་བཞིན་ཉིད་དང་། བྱང་ཆུབ་ཀྱི་དེ་བཞིན་ཉིད་ཀྱིས་སེམས་ཅན་གྱི་དེ་བཞིན་ཉིད་དང་། སེམས་ཅན་གྱི་དེ་བཞིན་ཉིད་ཀྱིས་བདག་གི་དེ་བཞིན་ཉིད་དང་། བདག་གི་དེ་བཞིན་ཉིད་ཀྱིས་ཆོས་ཐམས་ཅད་ཀྱི་དེ་བཞིན་ཉིད་རྗེས་སུ་ཤེས་སོ། །
D148.057.0297a02.01གང་ཆོས་ཐམས་ཅད་ཀྱི་དེ་བཞིན་ཉིད་དེ་ནི་དེ་བཞིན་ཉིད་མེད་དེ། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དོ། །དེ་བཞིན་ཉིད་རྗེས་སུ་ཤེས་པས་སྦྱིན་པ་སྟེ། སྦྱིན་པ་འདི་ནི་རིགས་ཀྱི་བུ་བྱང་ཆུབ་སེམས་དཔའི་འཇིག་རྟེན་ལས་འདས་པའི་ལམ་མོ། །དེ་བཞིན་དུ་ཚོར་བ་
D148.057.0297a03.01དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མི་རྟག་པར་རིག་ནས་སྦྱིན་པ་སྦྱིན་ནོ། །རྣམ་པར་ཤེས་པ་སྡུག་བསྔལ་བ་དང་། བདག་མེད་པར་རིག །རྣམ་པར་ཤེས་པ་ཞི་བར་རིག །རྣམ་པར་ཤེས་པ་སྟོང་པར་རིག །རྣམ་པར་ཤེས་པ་མཚན་མ་མེད་པར་རིག །
D148.057.0297a04.01རྣམ་པར་ཤེས་པ་སྨོན་པ་མེད་པར་རིག །རྣམ་པར་ཤེས་པ་མངོན་པར་འདུ་མི་བྱེད་པར་རིག །རྣམ་པར་ཤེས་པ་མ་སྐྱེས་པར་རིག །རྣམ་པར་ཤེས་པ་མ་བྱུང་བར་རིག །རྣམ་པར་ཤེས་པ་རྟེན་ཅིང་འབྲེལ་པར་འབྱུང་བར་རིག་ནས་སྦྱིན་པ་སྦྱིན་ནོ། །རྣམ་པར་ཤེས་པ་དབེན་པར་རིག །
D148.057.0297a05.01རྣམ་པར་ཤེས་པ་གཟུང་བ་མེད་པར་རིག །རྣམ་པར་ཤེས་པ་ཀུན་གཞི་མེད་པར་རིག །རྣམ་པར་ཤེས་པ་མི་འབྱུང་བར་རིག །རྣམ་པར་ཤེས་པ་སྒྱུ་མ་ལྟ་བུར་རིག །རྣམ་པར་ཤེས་པ་རྨི་ལམ་ལྟ་བུར་རིག །རྣམ་པར་ཤེས་པ་སྨིག་རྒྱུ་ལྟ་བུར་རིག །རྣམ་པར་ཤེས་པ་ཆུ་ཟླ་ལྟ་བུར་
D148.057.0297a06.01རིག །རྣམ་པར་ཤེས་པ་མིག་ཡོར་ལྟ་བུར་རིག །རྣམ་པར་ཤེས་པ་གཟུགས་བརྙན་ལྟ་བུར་རིག །རྣམ་པར་ཤེས་པ་རྣམ་པར་རིག་པ་མེད་པའི་མཚན་ཉིད་དུ་རིག་ནས་སྦྱིན་པ་སྦྱིན་ཏེ། དེ་རྣམ་པར་ཤེས་པའི་དེ་བཞིན་ཉིད་ཀྱིས་སྦྱིན་པའི་དེ་བཞིན་ཉིད་རྗེས་སུ་ཤེས་སོ། །སྦྱིན་པའི་དེ་བཞིན་
D148.057.0297a07.01