完整藏文原文 · 德格版页 当前仅加载第 57 函德格 320a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པའི་འཇིག་རྟེན་གྱི་ཁམས་དེ་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། ལྷ་དང་མིས་གང་བར་འགྱུར་རོ། །འདི་ལྟ་སྟེ་དཔེར་ན། ཀུན་དགའ་བོ་དགའ་ལྡན་གྱི་ལྷའི་ལོངས་སྤྱོད་དང་། ཀུན་སྤྱོད་པ་ཅི་འདྲ་བར་སེམས་ཅན་དེ་དག་གི་
D148.057.0320a01.01ལོངས་སྤྱོད་དང་། ཀུན་སྤྱོད་པ་ཡང་དེ་འདྲ་བར་འགྱུར་རོ། །ཀུན་དགའ་བོ་དེ་བཞིན་གཤེགས་པ་ཤིན་ཏུ་གནས་པའི་ཆོས་སྣང་བ་ཐོབ་ཅེས་བྱ་བ་དེའི་ཚེའི་ཚད་ནི་བར་གྱི་བསྐལ་པ་བཞི་བཅུ་ཐུབ་པར་འགྱུར་རོ། །ཉན་ཐོས་བྱེ་བ་ཕྲག་དྲུག་ཅུ་རྩ་བཞི་རྣམས་ཀྱི་ཉན་ཐོས་ཀྱི་འདུས་པ་
D148.057.0320a02.01ཆེན་པོར་འགྱུར་རོ། །བྱང་ཆུབ་སེམས་དཔའ་ཁྲི་ཉིས་སྟོང་གི་དགེ་འདུན་དུ་འགྱུར་རོ། །ཀུན་དགའ་བོ་གང་བདུད་དང་། བདུད་ཀྱི་བུ་དང་། བདུད་ཀྱི་རིས་ཀྱི་ལྷ་ད་ལྟར་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཞུགས་པ་འདི་དག་ཐམས་ཅད་ཀྱང་ཡོངས་སུ་དག་
D148.057.0320a03.01པར་གནས་པའི་འཇིག་རྟེན་གྱི་ཁམས་དེར་སྐྱེ་བར་འགྱུར་ཏེ། བཅོམ་ལྡན་འདས་དེ་བཞིན་གཤེགས་པ་ཤིན་ཏུ་གནས་པའི་ཆོས་སྣང་བ་ཐོབ་པ་དེའི་སངས་རྒྱས་ཀྱི་ཞིང་དུ་དེ་དག་ཐམས་ཅད་དེ་བཞིན་གཤེགས་པ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
D148.057.0320a04.01ལུང་སྟོན་པར་འགྱུར་རོ། །བདུད་སྡིག་ཅན་ལུང་བསྟན་པ་བཤད་པ་འདི་རབ་ཏུ་བསྟན་པ་ན། གང་འཁོར་དེར་འདུས་པའི་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་དག་ཐམས་ཅད་ངོ་མཚར་དུ་གྱུར་ནས། འདི་ལྟར་བདུད་ཀྱི་ལས་དེ་སྙེད་བགྱིད་ཀྱང་དེ་
D148.057.0320a05.01བཞིན་གཤེགས་པ་མཐོང་བ་དོན་ཡོད་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མྱ་ངན་ལས་འདའ་བར་འགྱུར་བ་ནི། སངས་རྒྱས་བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་འདུལ་བ་ངོ་མཚར་ཏོ། །བཅོམ་ལྡན་འདས་རིགས་ཀྱི་བུ་
D148.057.0320a06.01འམ། རིགས་ཀྱི་བུ་མོ་སུ་ཞིག་གང་ཟག་ལ་གང་ཟག་གིས་ཚོད་གཟུང་། བཅོམ་ལྡན་འདས་སངས་རྒྱས་ཀྱི་ཡུལ་འདི་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱི་ས་མ་ལགས་སོ་ཞེས་ཆེད་དུ་བརྗོད་པ་འདི་ཆེད་དུ་བརྗོད་དོ། །བཅོམ་ལྡན་འདས་ཀྱིས་བཀའ་སྩལ་པ།
D148.057.0320a07.01