完整藏文原文 · 德格版页 当前仅加载第 57 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
འོད་དང་། དུང་དང་། མན་ཤེལ་དང་། བྱི་རུ་དང་། ཨན་ད་རྙིལ་དང་། ཡོན་ཏན་འབྱུང་གནས་དང་། རབ་ཏུ་ཞི་བའི་འོད་དང་། ཆུ་འོད་དང་། ཆུ་མདོག་དང་། ཆུ་དང་བར་བྱེད་དང་། སའི་འོད་དང་། མི་ཕྱེད་པའི་གནས་དང་། མིག་མི་བཟོད་པ་དང་། བརྒྱ་བྱིན་ཐོགས་པ་དང་། རྒྱལ་བ་དང་། ཆེར་རྒྱལ་བ་དང་། གཟི་བརྗིད་འབར་
D148.057.0282b01.01བ་དང་། དཔལ་གྱི་སྙིང་པོའི་རྒྱལ་པོ་དང་། རྡོ་རྗེའི་ཟེ་བ་ཅན་དང་། འཇིག་རྟེན་སྣང་བ་དང་། སྐར་མ་དགའ་དང་། འོད་འཛིན་དང་། ཟླ་གམ་དང་། འཛམ་བུའི་ཆུ་འོད་དང་། འཛམ་བུའི་གླིང་གི་འོད་དང་། འོད་སྟོང་ལྡན་དང་། སྐར་མདའི་སྒོ་དང་། མེའི་འོད་དང་། རྒྱལ་བས་བརྒྱན་པ་དང་། ཚ་བ་ཞི་བྱེད་དང་། གདུང་བ་
D148.057.0282b02.01མེད་དང་། ནད་སེལ་དང་། མིག་སྦྱོང་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་སྦྱོང་དང་། ཡན་ལག་རྣམ་པར་སྣང་བ་དང་། རྣམ་པར་སྣང་བའི་འོད་དང་། འོད་སྔོན་པོ་དང་། འོད་སེར་པོ་དང་། དཀར་པོ་དང་། ཤེལ་གྱི་ཁ་དོག་དང་། རིན་པོ་ཆེའི་དྲ་བ་དང་། རིན་པོ་ཆེ་ཐམས་ཅད་ཡང་དག་པར་བསྡུས་པ་
D148.057.0282b03.01དང་། མིང་དེ་ལྟ་བུ་དང་། མིང་དེ་མ་ཡིན་པའི་རིན་པོ་ཆེའི་ཆར་རབ་ཏུ་ཕབ་སྟེ། ནོར་བུ་རིན་པོ་ཆེ་དེ་དག་གི་མིང་ནི་བསྐལ་པར་ཡང་ཟད་པར་སླ་བ་མ་ཡིན་ནོ། །དེ་ནས་བྱང་ཆུབ་སེམས་དཔའ་དུས་ཀྱི་རྒྱལ་པོ་ཞེས་བྱ་བ་དེས་བྱང་ཆུབ་སེམས་དཔའ་ནམ་མཁའ་མཛོད་ལ་འདི་སྐད་ཅེས་སྨྲས་སོ། །
D148.057.0282b04.01རིགས་ཀྱི་བུ་མི་མཇེད་ཀྱི་འཇིག་རྟེན་གྱི་ཁམས་འདི་ན་སེམས་ཅན་སྡུག་བསྔལ་ཞིང་དབུལ་བ། ཟས་དང་སྐོམ་མེད་པ། གཅེར་བུ་གོས་མེད་པ། གོས་རལ་པོ་གྱོན་པ་དང་། {ཡི་དགས་,ཡི་དྭགས་}རྣམས་བཀྲེས་ཤིང་སྐོམ་པས་ཡོངས་སུ་ཟིན་པ། གཅེར་བུ་རང་གི་སྐྲས་ཡོག་པ། མཆིལ་མ་དང་
D148.057.0282b05.01ངར་སྣབས་དང་། ཁྲག་དང་། རྣག་ཟ་འདོད་པ་དེ་ལྟ་བུའི་སེམས་ཅན་དེ་དག་བསྐྱབ་པའི་ཕྱིར་ཟས་དང་། སྐོམ་དང་། གོས་ཀྱི་ཆར་ཁྱོད་ཀྱིས་ཕོབ་ཤིག །དེ་ནས་དེ་མ་ཐག་ཏུ་བྱང་ཆུབ་སེམས་དཔའ་ནམ་མཁའ་མཛོད་ཀྱི་བྱིན་གྱི་རླབས་ཀྱིས་བཟའ་བ་དང་། བཅའ་བ་དང་། མྱང་བ་དང་། བལྡག་
D148.057.0282b06.01པ་སྣ་ཚོགས་ཀྱི་ཆར་རབ་ཏུ་ཕབ་སྟེ། རོ་བརྒྱ་དང་ལྡན་པའི་ཁུ་བ་དང་། བཏུང་བ་ཐམས་ཅད་ཀྱི་ཆར་གྱི་རྒྱུན་ཤིང་རྟའི་སྲོག་ཤིང་ཙམ་གྱི་ཆར་མངོན་པར་བབ་བོ། །གོས་ཁ་དོག་དུ་མ་དང་། ཁ་དོག་ཐ་དད་པ་དང་། ཁ་དོག་བརྒྱ་སྟོང་དུ་མ་དང་། ཕྲ་ཞིང་འཇམ་པ་ཀ་ཙ་ལིན་དི་ཀ་ལྟར་རེག་ན་བདེ་བའི་
D148.057.0282b07.01