完整藏文原文 · 德格版页 当前仅加载第 57 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་གཤེད་མའི་མི་དེ་དག་ལ་འདི་སྐད་ཅེས་སྨྲས་སོ། །ཁྱེད་ཅག་གིས་མི་དབུལ་པོ་འདི་དག་གསད་དེ་ཅི་རུང་། ངེད་ཅག་གི་གོས་དང་རྒྱན་རྣམས་ཁྱེར་ལ་ངེད་ཅག་གི་སྲོག་ཆོད་དེ་མི་འདི་དག་ཁྱེ་ཤིག །དེ་དག་ཆགས་པས་ནོན་པའི་ཕྱིར་གསད་པར་ཆད་པའི་མི་ལྔ་བརྒྱ་
D148.057.0285a01.01པོ་དེ་དག་བཏང་སྟེ། སྤྲུལ་པའི་སྐྱེས་བུ་དེ་དག་བསད་དོ། །དེ་ནས་མི་བསད་པ་ལས་བཏང་བ་དེ་དག་གསོད་པས་འཇིགས་ཤིང་སྐྲག་པ་ལས་དབུགས་འབྱིན་པ་རྙེད་པས་བྱང་ཆུབ་སེམས་དཔའ་ནམ་མཁའ་མཛོད་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་
D148.057.0285a02.01ཡང་མགོ་བོས་ཕྱག་འཚལ། བྱང་ཆུབ་སེམས་དཔའ་ནམ་མཁའ་མཛོད་ལ་ཡང་ཐལ་མོ་སྦྱར་ཏེ་ཕྱག་འཚལ་ནས་འདི་སྐད་ཅེས་གསོལ་ཏོ། །སྐྱེས་བུ་དམ་པ་ཁྱོད་ཀྱིས་བདག་ཅག་གི་སྲོག་དང་དབུགས་འབྱིན་པ་རྙེད་པར་བགྱིས་ན། བདག་ཅག་ཆོས་གང་ལ་ནན་ཏན་དུ་བགྱིས་པས་བདག་
D148.057.0285a03.01ལ་སྨན་པ་དང་། གཞན་ལ་སྨན་པ་ལ་ཞུགས་པར་འགྱུར་བའི་ཆོས་བསྟན་པ་བདག་ཅག་ལ་སྩལ་དུ་གསོལ། བྱང་ཆུབ་སེམས་དཔའ་ནམ་མཁའ་མཛོད་ཀྱིས་སྨྲས་པ། རིགས་ཀྱི་བུ་ཁྱེད་ཅག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་ཅིག་དང་། འདི་ལྟར་ཁྱེད་རྣམས་
D148.057.0285a04.01བདག་ལ་ཕན་པ་དང་། གཞན་ལ་ཕན་པར་ཞུགས་པར་འགྱུར་རོ། །དེ་དག་ལ་དེ་སྐད་ཅེས་སྨྲས་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་དག་ལ་བྱང་ཆུབ་སེམས་དཔའ་ནམ་མཁའ་མཛོད་ཀྱིས་བརྒྱ་སྟོང་རི་བའི་རས་བཅོས་བུ་ཟུང་ཅིག་བྱིན་ཏེ།
D148.057.0285a05.01གྲོགས་པོ་དག་རས་བཅོས་བུ་ཟུང་འདི་དེ་བཞིན་གཤེགས་པ་ལ་གསོལ་ཅིག །དེ་དག་ཐམས་ཅད་ཀྱིས་རས་བཅོས་བུ་ཟུང་དེ་དེ་བཞིན་གཤེགས་པའི་སྐུ་ལ་མངོན་པར་གསོལ་ཏེ། དེ་དག་ཐམས་ཅད་བཅོམ་ལྡན་འདས་ཀྱིས་བསྐལ་པ་བགྲང་བ་ལས་འདས་པ་ན། བྱང་ཆུབ་ཀྱི་ཕྱོགས་ཀྱི་
D148.057.0285a06.01ཆོས་ཚུལ་ཡང་དག་པར་བསྒྲུབས་ནས་མི་འཇིགས་པ་སྦྱིན་པ་ཞེས་བྱ་བའི་དེ་བཞིན་གཤེགས་པ་འཇིག་རྟེན་དུ་འབྱུང་ངོ་ཞེས་ལུང་བསྟན་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་བྱང་ཆུབ་སེམས་དཔའ་ནམ་མཁའ་མཛོད་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་གང་མི་སྐམ་མི་ཟད་
D148.057.0285a07.01