完整藏文原文 · 德格版页 当前仅加载第 57 函德格 313a 版页；藏文 NFD、目录标记与异常页序保留在来源切片中，重复版页行以稳定序号区分。
བསྡུས་སོ། །མི་འཁྲུག་པ་ནི་ཤིན་ཏུ་མུར་ཐུག་པ་དང་། ཤིན་ཏུ་མཐར་ཕྱིན་པས་བསྡུས་སོ། །མི་རྩོད་པ་ནི་བདེན་པ་དང་། ཆོས་ལ་དགའ་བས་བསྡུས་སོ། །ངར་འཛིན་པ་འདོར་བ་ནི་རྒྱུ་ཡོངས་སུ་ཤེས་པ་དང་། ལྟ་བ་ཡང་དག་པར་བཅོམ་པས་བསྡུས་སོ། །ང་ཡིར་འཛིན་པ་
D148.057.0313a01.01སྤོང་བ་ནི་ང་ཡི་བ་མེད་པ་དང་། ཡོངས་སུ་འཛིན་པ་མེད་པས་བསྡུས་སོ། །བྱང་ཆུབ་ཀྱི་སེམས་ལ་ལྟ་བ་ནི་ཐེག་པ་དམན་པ་མི་འདོད་པ་དང་། སེམས་ཅན་ཐམས་ཅད་ལ་སྙིང་རྗེ་བས་བསྡུས་སོ། །བྱང་ཆུབ་ཀྱི་སྙིང་པོ་ལ་རྟོན་པ་ནི་བདུད་ཐམས་ཅད་བཅོམ་པ་དང་། ཆོས་ཐམས་ཅད་མངོན་པར་
D148.057.0313a02.01རྫོགས་པར་བྱང་ཆུབ་པས་བསྡུས་སོ། །བདུད་ཀྱི་ལས་རིག་པ་ནི་དགེ་བའི་བཤེས་གཉེན་གྱི་མན་ངག་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པས་བསྡུས་སོ། །སངས་རྒྱས་ཀྱི་བྱིན་གྱི་རླབས་ནི་ཇི་སྐད་སྨྲས་པ་དེ་བཞིན་བྱེད་པ་དང་། སེམས་ཅན་ཐམས་ཅད་ཡོངས་སུ་མི་གཏོང་བས་
D148.057.0313a03.01བསྡུས་སོ། །བློ་མི་འགྱུར་བ་ནི་ས་དང་འདྲ་བའི་སེམས་དང་། རྗེས་སུ་ཆགས་པ་དང་ཁོང་ཁྲོ་བ་སྤངས་པས་བསྡུས་སོ། །མི་རྒོད་པ་ནི་རྒོད་པ་དང་འགྱོད་པ་སྤངས་པ་དང་། མི་རྟག་པར་སོ་སོར་རྟོག་པས་བསྡུས་སོ། །རི་ལྟ་བུ་ནི་མི་མཐོ་བ་དང་། མི་དམའ་བས་བསྡུས་སོ། །མི་བསྐྱོད་པ་ནི་
D148.057.0313a04.01དམ་བཅས་པ་མི་ཉམས་པ་དང་། དམ་བཅས་པ་ཉམས་སུ་ལོན་པར་བྱེད་པས་བསྡུས་སོ། །ལེགས་པར་བྱ་བའི་ལས་བྱེད་པ་ནི་གདུང་བ་མེད་པ་དང་། འགྱོད་པ་མེད་པས་བསྡུས་སོ། །གདུང་བ་མེད་པ་ནི་ཚུལ་ཁྲིམས་ཡོངས་སུ་དག་པ་དང་། ཏིང་ངེ་འཛིན་ཡོངས་སུ་དག་པས་བསྡུས་
D148.057.0313a05.01སོ། །བདེན་པ་ནི་ཀུན་རྫོབ་ཀྱི་བདེན་པ་དང་། དོན་དམ་པའི་བདེན་པས་བསྡུས་སོ། །ཡང་དག་པ་ཉིད་ནི་དེ་བཞིན་ཉིད་དང་། དེ་ཁོ་ན་ཉིད་ཀྱིས་བསྡུས་སོ། །བརྟེན་པའི་རྗེས་སུ་འཐུན་པ་ནི་རྒྱུ་དང་རྐྱེན་གྱིས་བསྡུས་སོ། །རྟག་པ་དང་ཆད་པ་རྣམ་པར་སྤོང་བ་ནི་སྐྱེ་བ་མེད་པ་དང་། འགག་
D148.057.0313a06.01པ་མེད་པས་བསྡུས་སོ། །རིགས་པ་ནི་ལས་ཀྱི་རྣམ་པར་སྨིན་པ་ལ་ཡིད་ཆེས་པ་དང་། ལས་དང་མི་འགལ་བས་བསྡུས་སོ། །ཚུལ་ནི་དབེན་པའི་ཚུལ་དང་། མི་སྐྱེ་བའི་ཚུལ་གྱིས་བསྡུས་སོ། །ཡང་དག་པའི་སྤོང་བ་ནི་མི་དགེ་བའི་ཆོས་སྤོང་བ་དང་། དགེ་བའི་ཆོས་ཆུད་མི་གསོན་པས་
D148.057.0313a07.01