完整藏文原文 · 德格版页 当前仅加载第 57 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བའི་ཏིང་ངེ་འཛིན་ནི་ཕ་རོལ་རྒོལ་བ་ཐམས་ཅད་འཇོམས་པར་འགྱུར་རོ། །སྙིང་པོའི་རྗེས་སུ་སོང་བ་ཞེས་བྱ་བའི་ཏིང་ངེ་འཛིན་ནི་རྡོ་རྗེའི་ལུས་མི་ཕྱེད་པར་འགྱུར་རོ། །སྙིང་པོ་དང་ལྡན་པ་ཞེས་བྱ་བའི་ཏིང་ངེ་འཛིན་ནི་དམ་བཅས་པ་ཐམས་ཅད་ཉམས་འོག་ཏུ་ཆུད་པར་འགྱུར་
D148.057.0291a01.01རོ། །རྡོ་རྗེའི་དཀྱིལ་འཁོར་ཞེས་བྱ་བའི་ཏིང་ངེ་འཛིན་ནི་མངོན་པར་ཤེས་པ་ལས་མི་ཉམས་པར་འགྱུར་རོ། །རྡོ་རྗེའི་སྙིང་པོ་ཞེས་བྱ་བའི་ཏིང་ངེ་འཛིན་ནི་བྱང་ཆུབ་ཀྱི་སྙིང་པོར་འགྲོ་བར་འགྱུར་རོ། །རྡོ་རྗེ་ལྟ་བུ་ཞེས་བྱ་བའི་ཏིང་ངེ་འཛིན་ནི་ཆོས་ཐམས་ཅད་རབ་ཏུ་རྟོགས་པར་འགྱུར་རོ། །སྤྱོད་པ་དང་
D148.057.0291a02.01ལྡན་པ་ཞེས་བྱ་བའི་ཏིང་ངེ་འཛིན་ནི་སེམས་ཅན་ཐམས་ཅད་ཀྱི་སེམས་དང་སྤྱོད་པ་ལ་འཇུག་པའི་ཡེ་ཤེས་སུ་འགྱུར་རོ། །ས་འཛིན་ཅེས་བྱ་བའི་ཏིང་ངེ་འཛིན་ནི་ཆགས་པ་དང་ཞེ་སྡང་མེད་པར་འགྱུར་རོ། །བདུད་ཀྱི་དཀྱིལ་འཁོར་འཇོམས་པ་ཞེས་བྱ་བའི་ཏིང་ངེ་འཛིན་ནི་བདུད་བཞི་ལས་ཡང་དག་
D148.057.0291a03.01པར་འདའ་བར་འགྱུར་རོ། །ལུས་རྣམ་པར་འཇིག་པ་ཞེས་བྱ་བའི་ཏིང་ངེ་འཛིན་ནི་གཟུགས་ཐམས་ཅད་རྣམ་པར་འཇིག་པར་འགྱུར་རོ། །མི་འཛུམས་པ་ཞེས་བྱ་བའི་ཏིང་ངེ་འཛིན་ནི་སེམས་རྩེ་གཅིག་ཏུ་འགྱུར་རོ། །རྣམ་པ་ལ་འཇུག་པ་ཞེས་བྱ་བའི་ཏིང་ངེ་འཛིན་ནི་དམིགས་པ་ཐམས་
D148.057.0291a04.01ཅད་ཡོངས་སུ་དག་པར་འགྱུར་རོ། །ཉོན་མོངས་པ་མེད་པ་ཞེས་བྱ་བའི་ཏིང་ངེ་འཛིན་ནི་དམིགས་པ་ཐམས་ཅད་ལས་ཡང་དག་པར་འདའ་བར་འགྱུར་རོ། །འཁོར་ལོ་དྲི་མ་མེད་པ་ཞེས་བྱ་བའི་ཏིང་ངེ་འཛིན་ནི་ཆོས་ཀྱི་འཁོར་ལོ་ཡོངས་སུ་དག་པར་འགྱུར་རོ། །གློག་འོད་ཅེས་བྱ་བའི་ཏིང་ངེ་
D148.057.0291a05.01འཛིན་ནི་སེམས་ཀྱི་སྐད་ཅིག་འཇིག་པ་ལ་རྣམ་པར་ལྟ་བར་འགྱུར་རོ། །ལེགས་པར་བྱས་པས་རྣམ་པར་རྒྱལ་བ་ཞེས་བྱ་བའི་ཏིང་ངེ་འཛིན་ནི་དགེ་བའི་ཆོས་ཐམས་ཅད་ཡོངས་སུ་རྫོགས་པར་འགྱུར་རོ། །རྣམ་པར་སྦྱོང་བ་ཞེས་བྱ་བའི་ཏིང་ངེ་འཛིན་ནི་མི་དགེ་བའི་ཆོས་ཐམས་ཅད་སྤོང་
D148.057.0291a06.01བར་འགྱུར་རོ། །ལུས་ཀྱི་རྒྱན་ཅེས་བྱ་བའི་ཏིང་ངེ་འཛིན་ནི་མཚན་དང་དཔེ་བྱད་བཟང་པོ་ཡོངས་སུ་རྫོགས་པར་འགྱུར་རོ། །ངག་གི་རྒྱན་ཅེས་བྱ་བའི་ཏིང་ངེ་འཛིན་ནི་ཚངས་པའི་སྒྲ་སྐད་བསྒྲགས་པས་སེམས་ཅན་ཐམས་ཅད་ཀྱི་སེམས་མགུ་བར་འགྱུར་རོ། །སེམས་ཀྱི་རྒྱན་ཅེས་བྱ་
D148.057.0291a07.01