完整藏文原文 · 德格版页 当前仅加载第 57 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་པ་ཡོངས་སུ་དག་པས་སེམས་ཅན་ཐམས་ཅད་ལ་ཁོང་ཁྲོ་བ་མེད་པའི་སེམས་དང་། ཐོགས་པ་མེད་པའི་འོད་ཟེར་ཡོངས་སུ་སྦྱངས། གང་གཱའི་ཀླུང་གི་བྱེ་མ་སྙེད་ཀྱི་སེམས་ཅན་ཐམས་ཅད་ལ་ཁོང་ཁྲོ་བ་མེད་པའི་སེམས་དང་། ཐོགས་པ་མེད་པའི་འོད་ཟེར་ཡོངས་སུ་དག་
D148.057.0287a01.01པས་བྱམས་པ་ཆེན་པོ་ཡོངས་སུ་སྦྱངས་པ་ནས། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་། མངོན་པར་ཤེས་པ་ཆེན་པོའི་ཡེ་ཤེས་ཀྱི་བར་དུ་ཡོངས་སུ་སྦྱངས་སོ། །དེ་བཞིན་དུ་ལུས་ཡོངས་སུ་དག་པ་དང་། ངག་ཡོངས་སུ་དག་པ་དང་། སེམས་
D148.057.0287a02.01ཡོངས་སུ་དག་པ་སྟེ། གང་གཱའི་ཀླུང་གི་བྱེ་མ་སྙེད་ཀྱི་སེམས་ཡོངས་སུ་དག་པས་སྐྱེས་བུ་ཆེན་པོའི་མཚན་གཅིག་ཡོངས་སུ་སྦྱངས་སོ། །དེ་བཞིན་དུ་སྦྱར་ཏེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཐམས་ཅད་ནས། སྐྱེས་བུ་ཆེན་པོའི་མཚན་ཐམས་ཅད་ཡོངས་སུ་དག་པས་དགེ་བའི་
D148.057.0287a03.01རྩ་བའི་བར་དུ་དེས། གང་གཱའི་ཀླུང་གི་བྱེ་མ་སྙེད་ལས་འདས་པའི་དགེ་བའི་རྩ་བ་རྣམས་ཡོངས་སུ་དག་པས་ནམ་མཁའི་མཛོད་འདི་ཡོངས་སུ་དག་པར་བྱང་ཆུབ་སེམས་དཔའ་ནམ་མཁའ་མཛོད་འདིས་ཡོངས་སུ་སྦྱངས་སོ། །ཤཱ་རིའི་བུ་བྱང་ཆུབ་སེམས་དཔའ་ནམ་མཁའ་མཛོད་འདིས་ནམ་མཁའ་
D148.057.0287a04.01ལས་བྱང་ཆུབ་སེམས་དཔའི་སྤྱོད་པ་ཐམས་ཅད་སྟོན་ཏེ། ཤཱ་རིའི་བུ་ཇི་ལྟར་ནམ་མཁའ་ལ་ཟད་པ་མེད་པ་དེ་བཞིན་དུ་རིགས་ཀྱི་བུ་འདིའི་སྨོན་ལམ་དང་སྤྱོད་པ་ཐམས་ཅད་ཡོངས་སུ་དག་པས་གང་ལ་ཡང་ཟད་པ་མེད་དོ། །དེས་ན་འདི་ནམ་མཁའ་མཛོད་ཅེས་བྱའོ། །བསྟན་པ་འདི་བཤད་པ་ན་བྱང་
D148.057.0287a05.01ཆུབ་སེམས་དཔའ་ཁྲི་ལོངས་སྤྱོད་མི་ཟད་པ་དང་། ལག་ན་རིན་པོ་ཆེ་དང་། ནམ་མཁའ་མཛོད་ཀྱི་སྨོན་ལམ་ཡོངས་སུ་བསྐང་བའི་བཟོད་པ་སྐྱེས་སོ། །དེ་ནས་བྱང་ཆུབ་སེམས་དཔའ་ཆོས་ཀྱི་རྒྱལ་པོ་ཞེས་བྱ་བ་དེས་བྱང་ཆུབ་སེམས་དཔའ་ནམ་མཁའ་མཛོད་ལ་འདི་སྐད་ཅེས་སྨྲས་སོ། །
D148.057.0287a06.01རིགས་ཀྱི་བུ་བདག་ཅག་གིས་ནམ་མཁའ་ལས་ཆོས་བསྒྲགས་པའི་མཛོད་མཉན་ཏོ། །ནམ་མཁའ་མཛོད་ཀྱིས་སྨྲས་པ། དེའི་ཕྱིར་རིགས་ཀྱི་བུ་གུས་པ་དང་བཅས་ཤིང་ཞེ་ས་དང་བཅས་པར་འདུག་ལ། ནམ་མཁའ་འདི་ལ་སྟོན་པར་འདུ་ཤེས་སྐྱེད་ཅིག་དང་། ཆོས་མཉན་པའི་མཛོད་ཐོས་
D148.057.0287a07.01