完整藏文原文 · 德格版页 当前仅加载第 57 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནམ་མཁའ་མཛོད་དེའི་ཚེ་དེའི་དུས་ན་སྟོང་གསུམ་གྱི་འཁོར་ལོས་སྒྱུར་བའི་རྒྱལ་པོ་ལྷ་ཐམས་ཅད་ཀྱིས་དབང་བསྐུར་བ་ཞེས་བྱ་བར་གྱུར་ཏོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །ཀྱེ་མ་བྱང་ཆུབ་སེམས་
D148.057.0286b01.01དཔའ་ནམ་མཁའ་མཛོད་འདིས་བསམ་གྱིས་མི་ཁྱབ་པའི་གོ་ཆ་བགོས་ཏེ། བཅོམ་ལྡན་འདས་དེ་སྲིད་ནས་ཐེག་པ་ལ་རབ་ཏུ་ཞུགས་པ་ངོ་མཚར་ཏོ། །བཅོམ་ལྡན་འདས་དེ་འདྲ་བའི་སྤྱོད་པས་འདི་འདྲ་བའི་ཆོས་ཀྱི་མཐུ་ཆེན་པོ་རྙེད་པར་ནུས་སོ། །བཅོམ་ལྡན་འདས་ཀྱིས་བཀའ་སྩལ་པ།
D148.057.0286b02.01ཤཱ་རིའི་བུ་བྱང་ཆུབ་སེམས་དཔའ་ནམ་མཁའ་མཛོད་འདིས་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་བཅོམ་ལྡན་འདས་རྣམས་ལ་རིམ་གྲོ་དང་བསྟི་སྟང་བྱས་ཏེ་བྱང་ཆུབ་ཀྱི་སེམས་ཡོངས་སུ་སྦྱངས་སོ། །གང་གཱའི་ཀླུང་གི་བྱེ་མ་སྙེད་ཀྱི་བྱང་ཆུབ་ཀྱི་སེམས་ཡོངས་སུ་དག་པས་བསམ་པ་
D148.057.0286b03.01ཡོངས་སུ་སྦྱངས་ཏེ། གང་གཱའི་ཀླུང་གི་བྱེ་མ་སྙེད་ཀྱི་བསམ་པ་ཡོངས་སུ་དག་པས་སྦྱོར་བ་ཡོངས་སུ་སྦྱངས། གང་གཱའི་ཀླུང་གི་བྱེ་མ་སྙེད་ཀྱི་སྦྱོར་བ་ཡོངས་སུ་དག་པས་ལྷག་པའི་བསམ་པ་ཡོངས་སུ་སྦྱངས། གང་གཱའི་ཀླུང་གི་བྱེ་མ་སྙེད་ཀྱི་ལྷག་པའི་བསམ་པ་ཡོངས་སུ་དག་པས་སྦྱིན་
D148.057.0286b04.01པའི་ཕ་རོལ་ཏུ་ཕྱིན་པ་ཡོངས་སུ་སྦྱངས། གང་གཱའི་ཀླུང་གི་བྱེ་མ་སྙེད་ཀྱི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་དག་པས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་སྦྱངས། གང་གཱའི་ཀླུང་གི་བྱེ་མ་སྙེད་ཀྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པས་བཟོད་པའི་ཕ་རོལ་ཏུ་ཕྱིན་པ་ཡོངས་སུ་
D148.057.0286b05.01སྦྱངས། གང་གཱའི་ཀླུང་གི་བྱེ་མ་སྙེད་ཀྱི་བཟོད་པའི་ཕ་རོལ་ཏུ་ཕྱིན་པ་ཡོངས་སུ་དག་པས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་སྦྱངས། གང་གཱའི་ཀླུང་གི་བྱེ་མ་སྙེད་ཀྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པས་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་སྦྱངས། གང་གཱའི་
D148.057.0286b06.01ཀླུང་གི་བྱེ་མ་སྙེད་ཀྱི་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་དག་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་སྦྱངས། གང་གཱའི་ཀླུང་གི་བྱེ་མ་སྙེད་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པས་ཐབས་ཀྱི་ཕ་རོལ་ཏུ་ཕྱིན་པ་ཡོངས་སུ་སྦྱངས། གང་གཱའི་ཀླུང་གི་བྱེ་མ་སྙེད་ཀྱི་ཐབས་ཀྱི་ཕ་རོལ་ཏུ་
D148.057.0286b07.01