完整藏文原文 · 德格版页 当前仅加载第 57 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོའི་ཚིག་གོ། །མི་གནས་པའི་ཕྱིར་འདི་ནི་མ་གཡོས་པའི་ཚིག་གོ། །རབ་ཏུ་འབིགས་པའི་ཕྱིར་འདི་ནི་རྡོ་རྗེའི་ཚིག་གོ། །བྱེད་པ་བྱས་པའི་ཕྱིར་འདི་ནི་སྒྲོལ་བའི་ཚིག་གོ། །རང་བཞིན་གྱིས་ཀུན་ནས་ཉོན་མོངས་པ་མེད་པའི་ཕྱིར་འདི་ནི་རྣམ་པར་དག་པའི་ཚིག་གོ། །སྣང་བ་མི་
D148.057.0261b01.01དམིགས་པའི་ཕྱིར་འདི་ནི་མུན་པ་མེད་པའི་ཚིག་གོ། །སྒྲོ་བཏགས་པ་མེད་པའི་ཕྱིར་འདི་ནི་གཉིས་སུ་མེད་པའི་ཚིག་གོ། །ཤིན་ཏུ་ཟད་ཅིང་བྱང་བའི་ཕྱིར་འདི་ནི་ཟད་པའི་ཚིག་གོ། །འདུས་མ་བྱས་པའི་ཕྱིར་འདི་ནི་མི་ཟད་པའི་ཚིག་གོ། །སྦྱོར་བ་མེད་པའི་ཕྱིར་འདི་ནི་འདུས་མ་བྱས་ཀྱི་ཚིག་གོ། །
D148.057.0261b02.01ཤིན་ཏུ་རྣམ་པར་དག་པའི་ཕྱིར་འདི་ནི་ནམ་མཁའི་ཚིག་གོ། །སྒྲིབ་པ་མེད་པའི་ཕྱིར་འདི་ནི་ནམ་མཁའི་ཚིག་གོ། །གནས་པའི་གནས་ཀྱི་ཕྱིར་འདི་ནི་ཀུན་ནས་གསལ་བྱེད་ཀྱི་ཚིག་གོ། །ངོ་བོ་ཉིད་མེད་པའི་ཕྱིར་འདི་ནི་མི་དམིགས་པའི་ཚིག་གོ། །རྣམ་པར་ཤེས་པ་དང་ཡེ་ཤེས་
D148.057.0261b03.01གཉིས་སུ་མེད་པའི་ཕྱིར་འདི་ནི་ཡེ་ཤེས་ཀྱི་ཚིག་གོ། །གཉེན་པོ་མེད་པའི་ཕྱིར་འདི་ནི་མི་རྫི་བའི་ཚིག་གོ། །མངོན་པར་མ་གྲུབ་པའི་ཕྱིར་འདི་ནི་ལུས་མེད་པའི་ཚིག་གོ། །ཀུན་དུ་རྟོག་པའི་སྡུག་བསྔལ་གྱི་ཕྱིར་འདི་ནི་ཡོངས་སུ་ཤེས་པའི་ཚིག་གོ། །སྲེད་པའི་བག་ལ་ཉལ་
D148.057.0261b04.01ཡང་དག་པ་བཅོམ་པའི་ཕྱིར་འདི་ནི་ཀུན་འབྱུང་བ་སྤངས་པའི་ཚིག་གོ། །རབ་ཏུ་མ་བྱུང་བའི་ཕྱིར་འདི་ནི་འགོག་པའི་ཚིག་གོ། །གཉིས་སུ་མེད་པའི་ལམ་ལ་རབ་ཏུ་འཇུག་པའི་ཕྱིར་འདི་ནི་བསྒོམ་པའི་ཚིག་གོ། །རྫོགས་པའི་སངས་རྒྱས་པར་རབ་ཏུ་ཕྱེ་བའི་ཕྱིར་འདི་ནི་སངས་
D148.057.0261b05.01རྒྱས་པའི་ཚིག་གོ། །རབ་ཏུ་འདོད་ཆགས་དང་བྲལ་བའི་ཕྱིར་འདི་ནི་ཆོས་ཀྱི་ཚིག་སྟེ། གང་དེ་ལྟ་བུའི་ཚིག་ལ་འཇུག་པའི་ཡེ་ཤེས་སྣང་བ་གཞན་གྱི་དྲིང་ལ་མི་འཇོག་པའི་ཕྱིར་འདི་ནི་ཤེས་རབ་ཅེས་བྱའོ། །གང་ངེས་པར་བསྟན་པ་ཐམས་ཅད་ལ་ནམ་མཁའ་དང་མཚུངས་པར་བསྟན་
D148.057.0261b06.01པའི་རྗེས་སུ་འགྲོ་སྟེ། རྗེས་སུ་འགྲོ་བས་ཆོས་ཆུང་ངུ་ལ་ཡང་མི་རྟོག་རྣམ་པར་མི་རྟོག་པ་འདི་ནི་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ནམ་མཁའ་དང་མཚུངས་པའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །
D148.057.0261b07.01