完整藏文原文 · 德格版页 当前仅加载第 57 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའ་དང་མཚུངས་པ་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཤེས་རབ་ཡོངས་སུ་དག་པ་ནི་འདི་བརྒྱད་དེ། བརྒྱད་གང་ཞེ་ན། འདི་ལྟ་སྟེ། དགེ་བའི་ཆོས་ཐམས་ཅད་ཡང་དག་པར་སྒྲུབ་ཀྱང་རྟག་པར་ལྟ་བར་མི་སྦྱོར་བ་དང་། མི་དགེ་
D148.057.0261a01.01བའི་ཆོས་ཐམས་ཅད་སྤོང་བར་བརྩོན་འགྲུས་རྩོམ་ཡང་ཆད་པར་ལྟ་བར་མི་ལྟུང་བ་དང་། རྟེན་ཅིང་འབྲེལ་པར་འབྱུང་བ་ལ་འཇུག་ཀྱང་མི་སྐྱེ་བའི་བཟོད་པ་དང་འགལ་བར་མི་བྱེད་པ་དང་། སོ་སོ་ཡང་དག་པར་རིག་པ་བཞི་ཤེས་པར་སྣང་ཡང་ངེས་པའི་ཚིག་གི་སྤོབས་པ་ལ་མི་ཆགས་པ་དང་།
D148.057.0261a02.01ཆོས་ཀྱི་སྡོམ་བཞིའང་སྟོན་ལ་མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། ཞི་བ་ཉིད་དུ་དངོས་པོ་ཡང་དག་པར་རྗེས་སུ་མི་མཐོང་བ་དང་། ལས་དང་བྱ་བ་ལ་འཇུག་པ་རབ་ཏུ་སྟོན་ཀྱང་ལས་བྱེད་ཅིང་རྣམ་པར་སྨིན་པ་མེད་པ་ལས་ཀྱང་མི་གཡོ་བ་དང་། སྤྲོས་པ་མེད་པའི་ཆོས་
D148.057.0261a03.01ཤེས་པ་ལ་གནས་པ་ཡིན་ཡང་ཆོས་ཐམས་ཅད་ཀྱི་ཚིག་རབ་ཏུ་དབྱེ་བ་ངེས་པར་བསྟན་པ་རབ་ཏུ་སྟོན་པ་དང་། ཆོས་ཐམས་ཅད་ཀྱི་སྣང་བ་ལ་རབ་ཏུ་རྙེད་པ་ཡིན་གྱིས་ཀུན་ནས་ཉོན་མོངས་པ་དང་རྣམ་པར་བྱང་བ་ཡང་སེམས་ཅན་རྣམས་ལ་རབ་ཏུ་སྟོན་པ་སྟེ། རིགས་ཀྱི་བུ་བརྒྱད་པོ་དེ་དག་
D148.057.0261a04.01ནི་བྱང་ཆུབ་སེམས་དཔའ་རྣམས་ཀྱི་ཤེས་རབ་ཡོངས་སུ་དག་པའོ། །ཡང་ཤེས་རབ་ཅེས་བྱ་བ་འདི་ནི་རྣམ་པར་རྟོག་པ་ཀུན་ནས་འབར་བ་མེད་པའི་ཕྱིར་ཉེ་བར་ཞི་བའི་ཚིག་གོ། །རང་གི་མཚན་ཉིད་ཀྱིས་རྣམ་པར་དག་པའི་ཕྱིར་འདི་ནི་མི་འགྱུར་བའི་ཚིག་གོ། །གནས་མེད་པའི་ཕྱིར་འདི་
D148.057.0261a05.01ནི་རྣམ་པར་མི་རྟོག་པའི་ཚིག་གོ། །ཡང་དག་པ་ཉིད་ཇི་ལྟ་བའི་ཕྱིར་འདི་ནི་ཇི་ལྟ་བ་བཞིན་གྱི་ཚིག་གོ། །འགྱུར་བ་མ་ཡིན་པའི་ཕྱིར་འདི་ནི་བདེན་པའི་ཚིག་གོ། །མ་རུང་བར་མི་འགྱུར་བའི་ཕྱིར་འདི་ནི་ཡང་དག་པའི་ཚིག་གོ། །བཅིངས་པ་ཡང་དག་པར་བཅོམ་པའི་ཕྱིར་འདི་ནི་ཡིད་རྣོ་
D148.057.0261a06.01བའི་ཚིག་གོ། །འཕགས་པའི་ཡོན་ཏན་གྱི་ཕྱིར་འདི་ནི་ངོམས་པའི་ཚིག་གོ། །ཤིན་ཏུ་བརྟགས་པའི་ཕྱིར་འདི་ནི་ངེས་པར་འབྱེད་པའི་ཚིག་གོ། །བརྗོད་དུ་མེད་པའི་ཕྱིར་འདི་ནི་དོན་གྱི་ཚིག་གོ། །ཁྱད་པར་མེད་པའི་ཕྱིར་འདི་ནི་མཚུངས་པའི་ཚིག་གོ། །མི་ཤིགས་པའི་ཕྱིར་འདི་ནི་
D148.057.0261a07.01