完整藏文原文 · 德格版页 当前仅加载第 57 函德格 302b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་འཇིག་རྟེན་རྣམ་པར་དག་པས་བདག་རྣམ་པར་དག་གོ། །སྨྲས་པ། རིགས་ཀྱི་བུ་འཇིག་རྟེན་རྣམ་པར་དག་པ་འདི་གང་། སྨྲས་པ། གཟུགས་སྔོན་གྱི་མཐའ་རྣམ་པར་དག་པས་འཕོ་བ་ཡང་མེད། གཟུགས་ཀྱི་ཕྱི་མའི་མཐའ་རྣམ་པར་དག་པས་འོང་བ་ཡང་མེད། གཟུགས་ད་
D148.057.0302b01.01ལྟར་བྱུང་བ་ཡང་རྣམ་པར་དག་པས་ཆོས་ཉིད་གནས་པ་སྟེ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྔོན་གྱི་མཐའ་རྣམ་པར་དག་པས་འཕོ་བ་ཡང་མེད། རྣམ་པར་ཤེས་པ་ཕྱི་མའི་མཐའ་རྣམ་པར་དག་པས་འོང་བ་ཡང་མེད། རྣམ་པར་
D148.057.0302b02.01ཤེས་པ་ད་ལྟར་བྱུང་བ་ཡང་རྣམ་པར་དག་པས་ཆོས་ཉིད་གནས་པ་སྟེ། དེ་ནི་རིགས་ཀྱི་བུ་འཇིག་རྟེན་རྣམ་པར་དག་པ་ཞེས་བྱའོ། །སྨྲས་པ། དེ་ལྟར་རྣམ་པར་དག་པའི་འཇིག་རྟེན་ཅི་ལ་ལྟ། སྨྲས་པ། རིགས་ཀྱི་བུ་དེ་ལྟར་རྣམ་པར་དག་པའི་འཇིག་རྟེན་ནི་ཆོས་ཐམས་ཅད་ལ་ལྟའོ། །
D148.057.0302b03.01སྨྲས་པ། ཇི་ལྟར་ན་ཆོས་ཐམས་ཅད་ལ་ལྟ། སྨྲས་པ། ཤེས་རབ་དང་ཡེ་ཤེས་ཀྱིས་ཆོས་ཐམས་ཅད་སྔོན་གྱི་མཐའ་དང་ཕྱི་མའི་མཐར་ཡོངས་སུ་ཆད་པར་རབ་ཏུ་ཤེས་སོ། །སྨྲས་པ། ཆོས་ཐམས་ཅད་སྔོན་གྱི་མཐའ་དང་། ཕྱི་མའི་མཐའ་ཡོངས་སུ་ཆད་པ་གང་། སྨྲས་པ། གང་ལ་
D148.057.0302b04.01ཆད་པ་ཡང་མེད། རྟག་པ་ཡང་མེད་པའོ། །སྨྲས་པ། གང་ལ་ཆད་པ་ཡང་མེད་རྟག་པ་ཡང་མེད་པ་དེ་ལ་ཅི་ཞེས་བྱ། སྨྲས་པ། གང་ལ་ཆད་པ་ཡང་མེད། རྟག་པ་ཡང་མེད་པ་དེ་ལ་ནི་སྐྱེ་བ་མེད་པ་དང་འགག་པ་མེད་པ་ཞེས་བྱ་བའོ། །སྨྲས་པ། གང་ལ་སྐྱེ་བ་ཡང་མེད་འགག་
D148.057.0302b05.01པ་ཡང་མེད་པ་དེ་ཅི་ཞེས་བྱ། སྨྲས་པ། གང་སྐྱེ་བ་མེད་པ་དང་། འགག་པ་མེད་པ་དེ་ནི་ཇི་སྐད་ཅེས་ཀྱང་མི་བྱའོ། །དེ་ཅིའི་ཕྱིར་ཞེ་ན། ཆོས་དེ་བགྲང་དུ་མེད་ཅིང་རྗོད་དུ་མེད་པའོ། །སྨྲས་པ། རིགས་ཀྱི་བུ་བགྲང་དུ་མེད་པའི་ཆོས་ཇི་ལྟར་བགྲང་བར་འགྱུར། སྨྲས་པ། འདི་ལྟ་སྟེ།
D148.057.0302b06.01དཔེར་ན། སའི་སྟེང་ན་ནམ་མཁའ་ལ་བགྲང་མོད་ཀྱི། ནམ་མཁའ་ལ་ནི་བགྲང་བར་མི་ནུས་སོ། །དེ་བཞིན་དུ་བགྲང་བའི་སྒོ་ནས་ནི། བགྲང་མོད་ཀྱི། བགྲང་བའི་སྒོ་ནས་བགྲང་བར་མི་ནུས་སོ། །གང་བགྲང་བའི་སྒོ་དེ་ཉིད་ནི་བགྲང་དུ་མེད་པའི་སྒོའོ། །དེ་ལ་བགྲང་བའི་སྒོ་གང་། བགྲང་
D148.057.0302b07.01