完整藏文原文 · 德格版页 当前仅加载第 57 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ནམ་མཁའ་མཛོད་དེ་བཞིན་གཤེགས་པ་རིན་པོ་ཆེ་བཀོད་པ་གཅིག་པ་དེ་ལ་གསོལ་ནས། བྱང་ཆུབ་སེམས་དཔའ་བྱེ་བ་ཕྲག་བཅུ་གཉིས་ཀྱིས་ཡོངས་སུ་བསྐོར་ཏེ་མདུན་དུ་བདར་ནས། ལྷན་ཅིག་ཏུ་མངོན་དུ་གྱུར་པའི་རྫུ་འཕྲུལ་མངོན་པར་འདུ་མི་བྱེད་པ་སངས་རྒྱས་
D148.057.0247b01.01ཀྱི་རྣམ་པར་རོལ་པ་དང་། རྫུ་འཕྲུལ་གྱི་རྐང་པས་བཀོད་པ་ཆེན་པོའི་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ཏེ། སེམས་ཀྱི་སྐད་ཅིག་གཅིག་བྱུང་བ་ཙམ་གྱིས་མི་མཇེད་ཀྱི་འཇིག་རྟེན་གྱི་ཁམས་འདིར་ཕྱིན་ནས་དེ་བར་སྣང་ལ་འདུག་སྟེ། བཀོད་པ་ཆེན་པོའི་འཇིག་རྟེན་གྱི་ཁམས་
D148.057.0247b02.01ཀྱི་མེ་ཏོག་དང་། ཕྲེང་བ་དང་། ཕྱེ་མ་དང་། སྤོས་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་ཅི་འདྲ་བ་དེ་འདྲ་བའི་ཆར་རབ་ཏུ་ཕབ་པ། འདི་ལྟ་སྟེ། ཟླ་བ་དང་། ཟླ་བ་ཆེན་པོ་དང་། ཤིན་ཏུ་མཛེས་པའི་ཟླ་བ་དང་། ཉི་མའི་འོད་དང་། ཉི་
D148.057.0247b03.01མ་རབ་ཏུ་འབར་བ་དང་། མེ་ཤེལ་དང་། མདོག་མཛེས་དང་། མདོག་མཛེས་ཆེན་པོ་དང་། མདོག་མཛེས་པར་འདུག་པ་དང་། སྠ་ལ་དང་། སྠ་ལ་ཆེན་པོ་དང་། སྠ་ལ་རབ་མཛེས་དང་། དྲི་མ་མེད་པ་དང་། ཀུན་དུ་དྲི་མ་མེད་པ་དང་། རྣམ་དག་འོད་དང་། གསེར་དུ་
D148.057.0247b04.01སྣང་དང་། ནམ་མཁའ་སྣང་བ་དང་། རེག་གྱུར་དང་། དྲི་ཆེན་དཀར་དང་། འདབ་བརྒྱ་པ་དང་། ཟེ་བ་སྟོང་ལྡན་དང་། མྱ་ངན་སེལ་བ་དང་། དགའ་བྱེད་དང་། ལྷས་སྟོད་དང་། ཀླུའི་མེ་ཏོག་དང་། དགའ་བ་བདེ་བ་ཀུན་སྐྱེད་པ་དང་། བསམ་གཏན་ཡན་ལག་དང་།
D148.057.0247b05.01དྲིས་དགའ་བ་དང་། ལུས་སེམས་ཚིམ་བྱེད་དང་། སྟོང་གསུམ་དྲི་དང་། ནད་ཀུན་ཞི་བྱེད་དང་། ནད་ཀུན་སེལ་དང་། བདག་གི་གཟི་བརྗིད་ཀྱིས་བརྒྱན་ཅིང་། དཔག་ཏུ་མེད་པའི་བསོད་ནམས་ཀྱིས་གྲུབ་པ། ཕྱོགས་བཅུའི་བྱང་ཆུབ་སེམས་དཔས་རིག་པ། དེ་ལྟ་
D148.057.0247b06.01བུའི་མེ་ཏོག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཀུན་དུ་ཁེབས་པར་བྱས་པས། བཅོམ་ལྡན་འདས་ཀྱི་འཁོར་གྱི་དཀྱིལ་འཁོར་ཐམས་ཅད་དུ་མེ་ཏོག་གིས་པུས་མོ་ནུབ་ཙམ་དུ་གང་བར་གྱུར་ཏོ། །དེ་ནས་ཐམས་ཅད་དང་ལྡན་པའི་འཁོར་དེས། སྔོན་
D148.057.0247b07.01