完整藏文原文 · 德格版页 当前仅加载第 63 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
གདུལ་བ་ཞིག་ན་ཞེས་སྨྲ་བར་འགྱུར་ཞིང་བདག་ཉིད་ཤིན་ཏུ་ཕལ་པ་ཡིན་ནོ་སྙམ་དུ་སེམས་པར་འགྱུར་རོ། །དེ་གང་གི་ཚེ་ང་ལ་སློབ་པ་དེའི་ཚེ་བདག་ཉིད་ཀྱིས་ཤེས་པར་འགྱུར་ཏེ། དེ་བཞིན་གཤེགས་པའི་བྱིན་གྱི་རླབས་ནི་དེ་འདྲའོ། །འོད་སྲུང་དཔེར་ན་རེ་ཞིག་དགའ་བོ་རང་ཉིད་ཀྱིས་འབྲས་བུ་ཐོབ་པར་མི་
D222.063.0123b01.01ཤེས་ཏེ། འདི་ས་བཅུ་ཐོབ་པ་ཡིན་ཡང་བདག་གིས་ནི་འབྲས་བུ་མ་ཐོབ་བོ་སྙམ་དུ་བདག་ཉིད་ཀྱིས་ཤེས་སོ། །དེ་ཅིའི་ཕྱིར་ཞེ་ན། ངའི་བྱིན་གྱི་རླབས་ཀྱིས་གྱུར་ན་ས་བདུན་པ་དང་། ས་བརྒྱད་པ་ལ་གནས་པ་ཅི་སྨོས། རབ་འབྱོར་གཞན་ཡང་དཔེར་ན་དེ་བཞིན་གཤེགས་པས་ཡུངས་ཀར་གྱི་འབྲུའི་ནང་དུ་ཕྱོགས་
D222.063.0123b02.01བཅུའི་འཇིག་རྟེན་གྱི་ཁམས་ཀྱི་སེམས་ཅན་རབ་ཏུ་མང་པོ་གང་དག་ཡིན་པ་དེ་དག་བཅུག་ན་སེམས་ཅན་གཅིག་ལ་ཡང་དོག་པའམ། ཉམ་ང་བའམ། གནོད་པར་འགྱུར་བ་མེད་ཅིང་ཕན་ཚུན་ཡང་བདག་ཅག་གང་དུ་ཁྲིད་པ་དང་། ཁྱེར་བ་དང་། བཅུག་པ་ཡང་མི་ཤེས་ལ་བྱ་བ་དེ་ཡང་རབ་ཏུ་སྤྱོད་དོ། །དེ་བཞིན་དུ་ཇི་
D222.063.0123b03.01ལྟར་ངས་མཁྱེན་པ་དེ་ལྟར་ཁྱོད་ཀྱིས་ཀྱང་ཤེས་ལ་གཞན་གྱིས་ཀྱང་ཤེས་སོ། །ཁ་ཅིག་གིས་ནི་མི་ཤེས་ཏེ་དེ་ཡང་རང་ཁོ་ནས་མི་ཤེས་སོ། །ཡང་གལ་ཏེ་དེ་ལྟར་སངས་རྒྱས་མཐུ་དང་ལྡན་པ་ལགས་ན་ཉིད་ཇི་ལྟ་བ་བཞིན་དུ་ཅིའི་སླད་དུ་སེམས་ཅན་ཐམས་ཅད་བྱིན་གྱིས་མི་བརླབ་ལགས། རབ་འབྱོར་རེ་ཞིག་
D222.063.0123b04.01སྦྱོར་བ་མཁན་གྱིས་ཆུའི་བུམ་པ་ཁ་མ་བཅད་པ་ཡང་མི་འབོ་བར་བྱེད་ན། ཅིའི་ཕྱིར་སངས་རྒྱས་བཅོམ་ལྡན་འདས་སེམས་ཅན་རྣམས་བྱིན་གྱིས་རློབ་པར་མི་མཛད། འོད་སྲུང་གཞན་ཡང་རེ་ཞིག་འབྱུང་པོའི་སྦྱོར་བ་མཁན་གྱིས་ཆུའི་བུམ་པ་ཡང་འགུལ་བར་བྱེད་ན། ཅིའི་ཕྱིར་སངས་རྒྱས་བཅོམ་ལྡན་
D222.063.0123b05.01འདས་བྱང་ཆུབ་སེམས་དཔའ་རྣམས་ལ་ཇི་ལྟར་རང་གིས་མི་ཤེས་པ་དེ་ལྟར་བྱིན་གྱིས་རློབ་པར་མི་མཛད། ཅི་དེ་ལྟར་མཛད་དམ་མི་མཛད། གསོལ་པ། བཅོམ་ལྡན་འདས་མཛད་ལགས་ཏེ་ས་བཅུ་ཐོབ་པ་རྣམས་ལའང་མཛད་ལགས་སོ། །གསོལ་པ། བྱང་ཆུབ་སེམས་དཔའ་ཡོན་ཏན་དུ་དང་ལྡན་ན་དེ་བཞིན་
D222.063.0123b06.01གཤེགས་པ་རྟག་པ་མི་ཕྱེད་པའི་སྐུ་མངོན་སུམ་དུ་མཐོང་བར་འགྱུར། རྣམ་པར་འཕྲུལ་པ་ཆེན་པོས་རྣམ་པར་འཕྲུལ་ཞིང་དུས་བགྱིད་པར་འགྱུར། བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་བརྒྱད་དང་ལྡན་ན་དེ་བཞིན་གཤེགས་པ་རྟག་པ་མི་ཕྱེད་པའི་སྐུ་མངོན་དུ་མཐོང་
D222.063.0123b07.01