完整藏文原文 · 德格版页 当前仅加载第 63 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བར་དུ་བརྩོན་པར་མི་ནུས་སམ། དེའི་ཚེ་བཅོམ་ལྡན་འདས་ཀྱིས་ཡང་བདག་ལ་བཀའ་སྩལ་པ། འོད་སྲུང་རེ་ཞིག་བདུད་ཚོལ་ཅིག །གལ་ཏེ་རྙེད་ན་དེའི་ཚེ་དམ་པའི་ཆོས་འབྱིན་ནུས་པར་འགྱུར་ཞིང་ངའི་དོན་ཡང་ཤེས་པར་འགྱུར་རོ། །ཀུན་
D222.063.0118a01.01དགའ་བོ་བདག་གིས་ནི་དེའི་ཚེ་ལྷའི་མིག་གིས་བདུད་སྡིག་ཅན་བལྟས་ན་མ་མཐོང་མ་ཤེས་སོ། །དཔེར་ན་མཉན་ཡོད་ཀྱི་གྲོང་ཁྱེར་དུ་སྐྱེ་བོ་མང་པོའི་དབུས་སུ་ཞིང་པ་བུ་སྟོར་བ་ཞིག་གིས་རང་གི་བུ་བཙལ་ཏེ་མ་རྙེད་ན་དུབ་ཅིང་སླར་ལྡོག་པར་འགྱུར་རོ། །ཀུན་དགའ་བོ་དེ་བཞིན་དུ་
D222.063.0118a02.01བདག་གིས་བཙལ་བ་ན་མ་རྙེད་དོ། །མ་རྙེད་ནས་འདི་སྐད་ཅེས་བཅོམ་ལྡན་འདས་བདག་ནི་བདུད་སྡིག་ཅན་ཚོལ་བར་སྤྲོ་བ་མ་མཆིས་ལགས་སོ་ཞེས་གསོལ་ནས་དེའི་ཚེ་བདག་ཕྱོགས་གཅིག་ཏུ་འདུག་གོ། །དེ་ནས་དེ་བཞིན་དུ་འོད་སྲུང་ཆེན་པོའི་འོག་མའི་གནས་བརྟན་ནས་
D222.063.0118a03.01ཉན་ཐོས་ཆེན་པོ་བརྒྱད་ཅུའི་བར་གྱི་ཉན་ཐོས་ཆེན་པོ་རེ་རེ་ཞིང་འདི་ལྟ་སྟེ། ཞིང་པ་བཞིན་དུ་དཔེ་སྦྱར་བ་ལ་ཚིགས་སུ་བཅད་པའི་གྲངས་ཀྱིས་བགྲངས་ན་སྟོང་ཕྲག་འབྱུང་བར་འགྱུར་རོ། །དེ་ནས་བྱང་ཆུབ་སེམས་དཔའ་བཟང་སྐྱོང་དང་། ཕུག་སྦས་ལ་སོགས་པ་ལྔ་
D222.063.0118a04.01བརྒྱ་དང་། འཇིག་རྟེན་ཐམས་ཅད་ཀྱིས་མཐོང་ན་དགའ་བ་མ་གཏོགས་པ་ལ་སོགས་པ་དེ་དག་གིས་ཀྱང་དེ་བཞིན་དུ་བཙལ་ན་མ་རྙེད་དེ། དེ་དག་ལ་ཡང་ཚིགས་སུ་བཅད་པ་དེ་བཞིན་དུ་བགྲང་བར་བྱའོ། །དེ་ནས་བཅོམ་ལྡན་འདས་ཀྱིས་གནས་བརྟན་འོད་སྲུང་ཆེན་པོ་ལ་
D222.063.0118a05.01བཀའ་སྩལ་པ། འོད་སྲུང་གང་མ་འོངས་པའི་དུས་ན་དམ་པའི་ཆོས་ཀུན་ཏུ་འབྱིན་པར་མི་ནུས་པའི་རྒྱུ་ནི་དམ་པའི་ཆོས་ནུབ་ནས་ལོ་བརྒྱད་ཅུ་ལོན་པ་དང་། ལོ་བརྒྱད་ཅུ་པ་ཉིད་ལ་ལྷོ་ཕྱོགས་ཀྱི་བྱང་ཆུབ་སེམས་དཔའ་བཟང་སྐྱོང་དང་། ཕུག་སྦས་ལ་སོགས་ཏེ། བྱང་ཆུབ་
D222.063.0118a06.01སེམས་དཔའ་ལྔ་བརྒྱ་པོ་གང་ཡིན་པ་དེ་དག་ཐམས་ཅད་ཀྱི་ཐ་མ་ཤོས་དེས་འབྱིན་པར་འགྱུར་བ་ཡིན་པས་རེ་ཞིག་དེ་ཚོལ་ཅིག །གསོལ་པ། ལེགས་སོ། །བཙལ་ལགས་ཏེ་ལིད་ཙ་བཱི་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་འདི་ཉིད་ལགས་སོ། །
D222.063.0118a07.01