完整藏文原文 · 德格版页 当前仅加载第 63 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འདོད་པ་དེ་དག་བསྡུས་ནས་ངས་དེའི་ཚེ་དེ་དག་ལ་ཕྱག་དར་གྱི་ཕུང་པོ་འཕྱག་པའི་བུ་བཞིན་དུ་ཉན་ཐོས་ཀྱི་ཐེག་པས་ཐེག་པ་ཆེན་པོ་ཉེ་བར་བསྟན་ཏོ། །དེ་དག་གི་མོད་ལ་སྐུར་པ་བཏབ་པའི་ལས་གང་ཡིན་པ་དེ་ཡང་ངའི་སྔོན་གྱི་བྱམས་པའི་རིམ་པས་ཐེག་པ་ཆེན་པོ་ལ་ཞུགས་པར་གྱུར་ན་ལུས་གཅིག་པོ་དེ་ལ་ཁ་ཅིག་
D222.063.0113b01.01ནི་གླད་ནད་དམ། མྱ་ངན་ནམ། སེམས་མི་བདེ་བ་ཙམ་གྱིས་ཡོངས་སུ་ཟད་པར་འགྱུར་རོ། །དེའི་ཚེ་གང་དག་ངའི་ཚིག་མ་མཉན་ཅིང་མ་བླངས་པ་དེ་དག་ནི་ཚུལ་མ་ཡིན་པས་གནོད་པར་གྱུར་ཏོ། །འོད་སྲུང་དེ་ལྟར་ན་ཕྱག་དར་གྱི་ཕུང་པོ་འཕྱག་པའི་བུ་བཞིན་དུ་ཉན་ཐོས་དེ་དག་ཐམས་ཅད་ཀྱང་ངའི་བུ་ཡིན་ཏེ། ད་གདོད་ཤེས་
D222.063.0113b02.01པར་འགྱུར་རོ། །ཨེ་མའོ་ཀྱི་ཧུད་བཅོམ་ལྡན་འདས་བདག་ཅག་གིས་ད་དུང་རང་གི་ཕ་མ་འཚལ་བས་ཉན་ཐོས་ཀྱི་ཐེག་པ་ནི་ད་གདོད་ཐ་ཆད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་དེ་ཉིད་ཀྱི་ཕྱིར་ངས་ཁྱོད་ཀྱིས་ཕྱིས་ཤེས་པར་འགྱུར་གྱིས་ཁྱེད་གང་འདོད་པ་དེ་བྱེད་ལ་རག་མ་སྤོང་ཤིག་
D222.063.0113b03.01ཅེས་གསུངས་པ་ཡིན་གྱིས་གལ་ཏེ་ཁྱོད་ཀྱིས་མི་ནུས་ན་དེ་ཞོག་ཤིག །འོད་སྲུང་ཁྱོད་ཀྱིས་དེ་ལྟར་བསླབ་པར་བྱ་སྟེ། དེ་དག་ཁྲོས་སམ། སྨོད་ན་ཡང་ཁྱོད་ཀྱིས་མནགས་པར་བྱའོ། །འདི་ལྟ་སྟེ་དཔེར་ན། འབབ་ཆུའམ། ལྟེང་ཀའམ། མཚེའུ་འམ། མཚོ་བྲན་ནམ། རྫིང་བུའམ། ཁྲོན་པ་ཞིག་
D222.063.0113b04.01ཡོད་ལ། དེ་ལ་སྐྱེས་པའམ། བུད་མེད་དམ། ཁྱེའུ་འམ། བུ་མོའམ། སེམས་ཅན་གང་དང་གང་དག་གིས་སྣོད་ཅི་དང་ཅི་འདྲ་བ་དག་ཐོགས་ཏེ་ལྷགས་ནས་དེ་ཙམ་དེ་ཙམ་གྱིས་ཆུ་བླངས་ནས་དོང་སྟེ། བུམ་པ་ནི་བུམ་པ་གང་། རྫ་མ་ནི་རྫ་མ་གང་། ཁྱོར་བ་ནི་ཁྱོར་བ་གང་གི་སྣོད་ཆག་པ་ཁོ་ན་ལ་
D222.063.0113b05.01ཅི་ཡང་མེད་ན། རིགས་ཀྱི་བུ་དེ་ལ་ཁྱོར་བས་སྐྱེད་པས་བུམ་པས་སྐྱེད་པ་ལ་ཁྲོ་བའམ། འོན་ཏེ་སྟོང་པས་ཁྲོར་ཅི་ཡོད། དེ་བཞིན་དུ་རིགས་ཀྱི་བུ་ཁྱོད་ཀྱིས་རང་གི་ནུས་པའི་སྟོབས་བསྐྱེད་པས་ཉན་ཐོས་ཀྱི་ཐེག་པ་ལ་ཞུགས་ཏེ། ངེད་ལ་ཐེག་པ་ཆེན་པོས་ཅི་བྱ་ཞེས་མི་འདོད་ཅིང་སྤོང་བར་གྱུར་ཏོ། །གཞན་
D222.063.0113b06.01ཡང་དཔེར་ན། རྒྱལ་པོ་ནི་འབྲས་ས་ལུའི་ཁ་ཟས་ཟ། {ཡི་དགས་,ཡི་དྭགས་}དང་། བཀྲེན་པ་ནི་འབྲས་བུ་དང་རྩ་བ་ཟ། ཁྱིམ་བདག་ནི་རང་གི་འབྱོར་པ་ཟ་ན། ཅི་དེས་རྒྱལ་པོ་ལ་ཁ་བྱའམ། གང་དང་གང་གིས་ཅི་དང་ཅི་བྱས་པའི་བདེ་བའམ། སྡུག་བསྔལ་དེ་དག་གསལ་བ་ཐོབ་པར་འགྱུར་བས་དེས་གནས་
D222.063.0113b07.01