完整藏文原文 · 德格版页 当前仅加载第 63 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བའི་དུས་ལ་བབ་ན་མི་བྱ་བ་དང་། བྱ་བའི་གནས་འདི་གཉིས་མི་ཤེས་པའི་སྨན་པ་གང་ཡིན་པ་ནི་འཇིག་རྟེན་ན་སྨད་པ་ཡིན་ཏེ། དེ་ལྟ་བས་ན་ནད་སྨིན་ན་དཔྱད་བྱ་ལ་མ་སྨིན་ན་དུས་སུ་བསྡད་དོ། །དེ་བཞིན་དུ་སེམས་ཅན་གང་དང་གང་དག་ཚུལ་འདི་སྤོང་བར་བྱེད་པ་དེ་དང་དེ་དག་ནི་ཚར་གཅད་པར་
D222.063.0112b01.01བྱའོ། །དེ་དག་གང་གི་ཚེ་ནད་སྨིན་པར་གྱུར་པ་དང་། དེའི་འོག་ཏུ་དེ་དག་རྗེས་སུ་དྲན་ནས། ཨེ་མའོ་བདག་ཅག་གིས་མཚར་བྱས་སོ་ཞེས་ཤེས་པར་གྱུར་པ་དེའི་ཚེ་དེ་དག་ཉན་ཐོས་སམ། རང་སངས་རྒྱས་ཀྱི་ཐེག་པ་ལ་བསྡུས་ནས་དཔྱད་བྱའོ། །འོན་ཏེ་གཞན་དུ་མ་ནུས་ན་དེ་དག་ལ་གོས་དཀར་པོ་
D222.063.0112b02.01དག་བྱིན་ཏེ་བསྐྲད་པ་འམ། རིམ་པ་གཞན་དང་གཞན་གྱིས་གདུལ་བར་བྱའོ། །དེ་ཅིའི་ཕྱིར་ཞེ་ན། དེ་དག་ཁོ་ན་ལ་སྙིང་བརྩེ་བས་ཅི་ཡང་རུང་བས་ཐེག་པ་ཆེན་པོ་ལ་སྦྱར་བའི་ཕྱིར་རོ། །རྒྱུ་གཉིས་ཀྱིས་སེམས་ཅན་རྣམས་ཐེག་པ་ཆེན་པོ་ལ་སྦྱར་བར་བྱ་སྟེ། གཉིས་གང་ཞེ་ན། རིགས་པ་དང་།
D222.063.0112b03.01བསྡིགས་པས་སོ། །དེ་ལྟ་བས་ན་དེ་དག་རིགས་པས་སམ། བསྡིགས་པས་སྦྱར་བར་བྱའོ། །དེ་ལྟར་སྦྱར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ས་དང་པོ་གནོན་པར་འགྱུར་ཞིང་དེ་ས་དང་པོ་ལ་གནས་པར་འགྱུར་རོ། །ཡང་དེ་དེ་ལྟར་སྦྱོར་ཞིང་དེ་བཞིན་དུ་སྨྲ་ན་ས་གཉིས་པ་ཐོབ་པས་འདི་
D222.063.0112b04.01ལྟ་སྟེ། བྱང་ཆུབ་ཏུ་མགོ་གཅིག་ཏུ་ལུང་བསྟན་པ་ཡིན་ནོ། །འདི་ལྟ་སྟེ་དཔེར་ན། མི་ཞིག་བཙོན་ར་ནས་ཕྱུང་ན་དེ་ཅི་སླར་བཙོན་རར་འཇུག་པར་འགྱུར་རམ། དེ་བཞིན་དུ་ཉན་ཐོས་ཀྱི་ཐེག་པ་ལས་བྱུང་སྟེ། ཐེག་པ་ཆེན་པོའི་ལམ་དུ་ཞུགས་པ་དེ་ཅི་ཉན་ཐོས་ཀྱི་ཐེག་པ་ལ་རེག་པར་འགྱུར་ལགས་
D222.063.0112b05.01སམ། འོད་སྲུང་འདི་ནི་མི་འགྱུར་ཏེ། དེ་ཁྲོས་འཁྲུགས་ནས་ས་ལ་རྡེབས་པར་འགྱུར་རོ། །ཡང་བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་ཁྱོད་ཀྱིས་དེ་བཞིན་གཤེགས་པའི་སྙིང་པོ་ཤེས་ཀྱིས་འོད་སྲུང་ཁྱོད་དེ་ལྟར་མ་ངུ་ཤིག །འོད་སྲུང་དཔེར་ན་དོན་མཐོང་ན་གཏན་ཚིགས་
D222.063.0112b06.01དགོས་པ་མེད་དེ། དཔེར་ན་སྔོན་སྐྱུ་རུ་ར་མཐོང་བ་ལ་སྐྱུ་རུ་ར་ནི་འདི་ཡིན་ནོ་ཞེས་བྱ་བ་དགོས་པ་མེད་མོད་ཀྱི་སྔོན་སྐྱུ་རུ་ར་མ་མཐོང་བ་ལ་སྐྱུ་རུ་ར་གཏན་ཚིགས་དང་བཅས་པ་དགོས་པ་ལྟ་བུ་དང་། དཔེར་ན་ལྷོ་ཕྱོགས་ཀྱི་མི་རྣམས་ལ་མི་འམ་ཅི་རི་མོར་བྲིས་ནས་བསྟན་དགོས་ཀྱི་བྱང་ཕྱོགས་ཀྱི་མི་རྣམས་
D222.063.0112b07.01