完整藏文原文 · 德格版页 当前仅加载第 63 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེས། ཆེད་དུ་བརྗོད་པ་འདི། ཆེད་དུ་བརྗོད་པར་འགྱུར་ཏེ། རྒྱལ་པོ་ཆེན་པོ་ཁྱོད་ཀྱི་བུས། རྒྱ་མཚོ་ཆེན་པོ་དེ་ལྟར་ཟད་པར་བྱས་ནས། ད་ལྟར་ཁྱོད་ཀྱི་བུར་གྱུར་པས། ཁྱོད་ཀྱི་བུ་ནི་རྒྱལ་པོ་ཕལ་པའི་རང་བཞིན་མ་ཡིན། མི་མཇེད་ཀྱི་བདག་པོ་ཚངས་པའམ།
D222.063.0100b01.01ལྷའི་རྒྱལ་པོ་བརྒྱ་བྱིན་ནམ། ཆོས་ཀྱི་རྒྱལ་པོ་ཆོས་དང་ལྡན་པ། འཁོར་ལོས་སྒྱུར་བ་ཞིག་ཡིན་ནོ། །ཁྱོད་ཀྱི་བུ་ནི་བརྩོན་འགྲུས་ཆེན་པོར་འགྱུར་ཏེ། སའི་དབང་ཕྱུག་དེ་ལྟར་བྱང་ཆུབ་ནི་རྙེད་དཀའོ་ཞེས། དཔེ་ཆེད་དུ་བརྗོད་པ་འདི་བླངས་པ་ཡིན་ནོ། །སའི་དབང་
D222.063.0100b02.01ཕྱུག་ཁྱོད་ཀྱི་བུ་འདི། བུད་མེད་སྟོང་ཕྲག་དྲུག་ཅུ་ནོར་བུ་དང་། རྣ་ཆ་གདུབ་འཁོར་གྱི་ཕྲེང་བ་ཅན་དང་། ལྷའི་བུ་མོ་སྒེག་མོ་ལྟ་བུའི་བུད་མེད་དག །མཆིལ་མའི་ཐལ་བ་བཞིན་བོར་ནས། ཨེ་མའོ། འདོད་པ་རྣམས་ནི་མི་རྟག་གོ་ཞེས་གྲགས་པས།
D222.063.0100b03.01ལྷའི་བུ་མོ་སྒེག་མོ་ལྟ་བུའི་བུད་མེད་དེ་དག་ནི། མཆིལ་མའི་ཐལ་བ་བཞིན་དུ་རྟོགས་སོ། །ཨེ་མའོ། འདོད་པ་རྣམས་ནི་ཐེར་ཟུག་མ་ཡིན་པ། མི་བརྟན་པ། མི་རྟག་གོ་ཞེས་གྲགས་པས། བདག་ནི་ཁྱིམ་ནས་ཁྱིམ་མེད་པར་རབ་ཏུ་བྱུང་བ་སླའོ་ཞེས་དེ་ལྟར་
D222.063.0100b04.01རབ་ཏུ་འབྱུང་བར་འགྱུར་རོ། །དེ་ལྟར་དེ་བཞིན་གཤེགས་པ་དེས། གཞོན་ནུ་དེ་ལ་གང་གི་ཚེ། འཇིག་རྟེན་གྱི་ཁམས། མི་མཇེད་འདིར། མགོན་པོ་ཤཱཀྱ་ཐུབ་པ་ཞེས་བྱ་བ་འབྱུང་བ་དེའི་ཚེ། རྒྱལ་པོ་ཆེན་པོ་ཁྱོད། ལི་ཙྪ་བཱི་གཞོན་ནུ། འཇིག་རྟེན་
D222.063.0100b05.01ཐམས་ཅད་ཀྱིས། མཐོང་ན་དགའ་བ་ཞེས་བྱ་བར་འགྱུར་ཏེ། དེ་ནས་འཇིག་རྟེན་གྱི་ཁམས་དེར། མགོན་པོ་ཡོངས་སུ་མྱ་ངན་ལས་འདས་པའི་འོག་ཏུ་བསྟན་པ་ནུབ་པའི་དུས་ཀྱི་ཚེ། ལོ་བརྒྱད་ཅུ་ལོན་པ་ན། དགེ་སློང་བློ་འཆང་ཞེས་བྱ་བར་གྱུར་ནས། རང་གི་
D222.063.0100b06.01སྲོག་ལ་ཡང་མི་ལྟ་བར་བྱས་ཏེ། མདོ་འདི་འབྱིན་པར་འགྱུར་རོ། །དེ་ནས་ལོ་བརྒྱ་ལོན་པའི་འོག་ཏུ་ཤི་ནས། འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །དེའི་ཚེ། ཁྱོད་ཀྱིས་རྫུ་འཕྲུལ་ཆེན་པོ་མང་དུ་འབྱིན་པར་འགྱུར་ཞིང་། ས་བརྒྱད་པ་ལ་
D222.063.0100b07.01